EKSODOS 24:2 - Khasi CL Bible (BSI)

² Tang ma me marwei men wan sha jan jong nga; kita kiwei pat kim bit ban wan sha jan. U paidbah lei lei um bit ban wan kiew sha uta u lum.”

KA BAIBL

² Te tang u Moses hi un wan hajan ïa U Trai; hynrei, ki, kin ym wan hajan, lymne uta u paidbah un ym leit lem bad u.”

EKSODOS 24:2 ပူးပေါင်းရင်းမြစ်များ

EKSODOS 19:12

Buh dak sawdong uta u lum khnang ba ki briew kim dei ban jam palat, bad ong ïa ki ba kin ym leit kiew sha u lum, lane wat ban leit tur sha jan jong u. Lada uno uno u leit ïuhkjat ha u lum, yn pynïap ïa u;

EKSODOS 20:21

Hynrei ki paidbah ki dang ïeng hi sha jngai, bad tang u Moses uba la leit sha jan u lyoh uba rben ha uba U Blei u don.

EKSODOS 24:1

U Trai u ong ha u Moses, “Wan kiew sha nga shalor lum, ma me, u Aaron, u Nadab, u Abihu, lem bad hynñiewphew ngut ki nongïalam jong ki Israel; bad katba phi dang ïadon kham ha pajih, dem bad mane ïa nga.

EKSODOS 24:13

U Moses bad u Joshua u nongïarap jong u ki la khreh, bad u Moses u la leit kiew sha uta u lum uba kyntang.

EKSODOS 24:15

U Moses u la leit kiew ïa u Lum Sinai, bad u lyoh u tap ïa uta u lum.

EKSODOS 24:18

U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 24:3

U Moses u wan ïathuh ha u paidbah ïa ki hukum baroh bad ïa ki aiñ baroh jong U Trai, bad ki briew baroh ki ïajubab lang, “Ïa kita baroh kiba U Trai u ong, ngin leh.”

JEREMAÏAH 30:21

U nongsynshar jong ki un wan na ka jaitbynriew jong ki hi, u khun syiem jong ki napdeng ki briew jong ki hi. Un wan sha nga haba nga khot sngewbha ïa u, namar uei uba nud ban wan khlem shah khot sngewbha? Kin long ki briew jong nga, bad ngan long U Blei jong ki. Ma nga, U Trai, nga la kren.”

JEREMAÏAH 49:19

Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

JINGKHEIÑ 16:5

Nangta u la ong ha u Korah bad ki nongbud jong u, “Lashai mynstep U Trai un pyn-i ha ngi ïa uta uba long u jong u; un sa shah ïa uta uba long u jong u, kata, uta keiñ ïa uba u la jied, ban leit sha u ha ka duwan.

HEBRU 9:24

Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.