EKSODOS 24:12 - Khasi CL Bible (BSI)

¹² U Trai u ong ha u Moses, “Wan kiew sha nga ha une u lum, bad katba me dang don hangne, ngan ai ha me ar tylli ki mawlyngkniap kiba don ïa ki hukum baroh kiba nga la thoh na ka bynta ban hikai ïa ki briew.”

KA BAIBL

¹² Bad U Trai u la ong ha u Moses, “To wan kiew sha nga ha une u lum, to sah hangta ruh: bad ngan ai ha me ïa ki maw lyngkniap, bad ïa ki hukum bad ïa ki adong ïa kiba nga la thoh, ba men ïoh hikai ïa ki.”

EKSODOS 24:12 ပူးပေါင်းရင်းမြစ်များ

1 SYIEM 19:11

U Trai u ong ha u, “Mih shabar bad ïeng ha khmat jong nga halor u lum.” Hadien kata, U Trai u la ïaid nangta bad u la phah ïa ka lyer bajur kaba la kad arliang ïa ki lum bad pynkhynñiuh ïa ki mawsiang — hynrei U Trai um shym don ha ka lyer. Ka lyer ka sangeh ban beh, bad nangta la khie u jumai — hynrei U Trai um shym don ha u jumai.

ESRA 7:10

U Esra u la aiti ïa la ka jingim ha kaba pule ïa ka Hukum jong U Trai, ha kaba pyntreikam ïa ka, bad ha kaba hikai ïa baroh ki aiñ bad ki jingbuhbeit ryntih ha ki paid Israel.

NEHEMAÏAH 9:13

Ha u Lum Sinai me wan hiar na bneng; me kren ha ki briew bad me ai ïa ki, ki hukum babha bad ki jinghikai baskhem.

NEHEMAÏAH 9:14

Me hikai ïa ki ban sumar khuid ïa ki sngi Sabbaton, bad lyngba u shakri jong me u Moses me ai ha ki ïa ki hukum jong me.

SALM 19:12

Ym don uno uno uba lah ban ïohi ïa ki jingbakla la jong; to pyllait ïa nga, A Trai, na ki jingbakla barieh!

EKSODOS 19:3

bad u Moses u la leit kiew sha u lum ban ïashem bad U Blei. U Trai u la khot ïa u na u lum bad u la bthah ïa u ban ong ha ki Israel, ki khun ki ksiew u Jakob:

EKSODOS 24:15

U Moses u la leit kiew ïa u Lum Sinai, bad u lyoh u tap ïa uta u lum.

EKSODOS 24:18

U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 24:2

Tang ma me marwei men wan sha jan jong nga; kita kiwei pat kim bit ban wan sha jan. U paidbah lei lei um bit ban wan kiew sha uta u lum.”

EKSODOS 31:18

Haba U Blei u la dep kren ha u Moses ha u Lum Sinai, u ai ha u ïa ki ar tylli ki mawlyngkniap ha kiba U Blei da lade hi u la thoh ïa ki hukum.

EKSODOS 32:1

Haba ki paidbah ki la ïohi ba u Moses um pat shym wan hiar na u lum hynrei u la sah slem hangta, ki la ïalumlang sawdong ïa u Aaron, bad ki la ong ha u, “Ngim tip satia ka la jia aïu ïa une u Moses, uba la ïalam ïa ngi ban mihnoh na ka ri Ijipt; kumta to thaw ïa ngi u blei u ban ïalam ïa ngi.”

EKSODOS 34:1

U Trai u ong ha u Moses, “Shtah ar tylli ki mawlyngkniap kum kito kiba mynshuwa, bad ngan sa thoh ha ki ïa ki ktien kiba la don ha ki mawlyngkniap kiba nyngkong, ïa kiba me la pynpait.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

MATHAÏOS 5:19

Kumta te, uno uno u bymkohnguh wat ïa iba rit tam jong ki hukum bad uba hikai ïa kiwei pat ban leh kumjuh, un long uba rit tam ha ka Hima ki bneng. Ha kawei pat ka liang, uno uno uba kohnguh ïa ka Hukum bad uba hikai ïa kiwei ban leh kumjuh, un long uba khraw ha ka Hima ki Bneng.

2 KORINTH 3:3

Ka long kaba shai ba U Khrist da lade hi u la thoh ïa kane ka shithi bad u la phah ïa ka da ngi. Naba la thoh, ym da ka sia hynrei da U Mynsiem jong U Blei uba im, bad ym ha ki mawlyngkniap hynrei ha ki dohnud briew keiñ.

2 KORINTH 3:7

Ïa ka Hukum la oh dur da ki dak halor ki mawlyngkniap, bad ka burom U Blei ka la wan hiar mynba la ai ïa ka. Wat la ka jingtyngshaiñ ha ka durkhmat u Moses ka la sdang ban lip noh, ka la long kaba khlaiñ haduh katta katta ba ki paid Israel kim shym lah ban peit shlip ïa la ki khmat ha u.

DEUTERONOMI 4:14

U Trai u la hukum ïa nga ban hikai ïa phi ïa ki aiñ bad ki hukum baroh ïa kiba phi dei ban sumar bad leh ha kata ka ri sha kaba phin sa leit bad ïohkynti.

DEUTERONOMI 5:22

“Kine ki long ki hukum ïa kiba U Trai u la ai ha phi baroh mynba phi ïalumlang ha uta u lum. U la kren da ka sur kaba donbor napdeng kata ka ding bad u lyoh uba rben, mynba u ai ïa ki ha phi khlem da bynrap ïa kiwei pat. Nangta u thoh ïa ki ha ki ar tylli ki mawlyngkniap bad u ai ïa ki ha nga.

DEUTERONOMI 5:31

Hynrei me pat, Moses, men sah hangne bad nga, bad ngan ai ha me ïa ki aiñ bad ki hukum jong nga baroh. Hikai ïa ki ha u paidbah ba kin sumar bad leh ïa ki ha kata ka ri ïa kaba ngan ai ha ki.’

HEBRU 9:4

Ha ka la buh ïa ka duwan ksiar na ka bynta ban thang ïa ki jingiwbih bad ïa ka Synduk ka Jutang ïa kaba la sop ksiar bad la don u khiew ksiar lem bad ka manna ha u, u diengduh jong u Aaron uba la mih sla, bad ki ar tylli ki mawlyngkniap ha kiba la thoh ïa ki hukum.