EKSODOS 24:11 - Khasi CL Bible (BSI)

¹¹ U Blei um shym pynmynsaw ïa kine ki rangbah bapawkhmat jong ki Israel; ki la ïohi ïa U Blei, bad hadien kata ki la ïabam bad ïadih.

KA BAIBL

¹¹ Te halor kita ki bakhraw batri jong ki khun Israel um shym la buh ïa la ka kti: hynrei, ki la ïohi keiñ ïa U Blei, te ki la ïabam ki la ïadih.

EKSODOS 24:11 ပူးပေါင်းရင်းမြစ်များ

JENESIS 16:13

Ka Hagar ka kylli ïa lade, “Hato nga da ïohi shisha ïa U Blei bad ba nga dang im ban ïathuh ïa kata?” Kumta ka la khot ïa ka kyrteng U Trai uba la kren ha ka, “U Blei uba ïohi.”

JENESIS 18:18

Ki khun ki ksiew jong u kin long ka jaitbynriew kaba khraw bad kaba donbor, bad da u ngan kyrkhu ïa ki jaitbynriew baroh.

JENESIS 31:54

U pynïap ïa u jingri, ïa uba u ai kum ka jingkñia halor uta u lum, bad u khot sngewbha ïa ki briew jong u ban ïabam. Ynda ki la lah bam, ki sahmiet halor uta u lum.

1 SYIEM 21:8

Nangta ka thoh katto katne ki shithi, bad ka soi ïa ki ha ka kyrteng u Ahab, ka shonshab ïa ki da ka muhor jong u, bad ka phah ïa ki sha ki rangbah synshar bad ki riewpawkhmat ka Jesreel.

2 KHRONIKL 23:20

Ki rangbah shipai, ki riewpawkhmat, ki rangbah pynïaidkam, bad ki briew baroh, ki ïadon lang bad u Jehoïada ha jingïa-ïaid paidbah kaba wan ïalam ïa u syiem na ka Templ sha ka ïingsyiem. Ki rung na ka khyrdop bah, bad u syiem u shong halor ka khet.

NEHEMAÏAH 2:16

Ym don na kino kino ki rangbah synshar kiba na kata ka jaka kiba la tip shano ba nga la leit bad kaei kaba nga la leh. Haduh kata ka por, ngam pat shym la ong ei ei ïano ïano ruh na ka para Jiw jong nga — ki lyngdoh, ki nongïalam, ki rangbah synshar, lane mano mano ruh u ban ïashim bynta ha ka kam.

SALM 139:5

Me long sawdong ïa nga na ki liang baroh; me ïada ïa nga da ka bor jong me.

EKSODOS 18:12

Nangta u Jethro u la wanrah ïa ka jingainguh ban thang tylli bad ïa kiwei kiwei de ki jingainguh ban ai jingkñia sha U Blei; bad u Aaron lem bad nongïalam jong ki Israel baroh ki la ïaleit bad u ban bam ïa ka jingbam kaba kyntang kum ka dak ka jingmane ïa U Blei.

EKSODOS 19:21

U Moses u leit, bad U Trai u ong ha u, “Khie leit hiar bad maham ïa ki briew ban ym jam ïa u pud ban wan khmih ïa nga; lada ki leh kumta, bun na ki kin ïap.

EKSODOS 24:1

U Trai u ong ha u Moses, “Wan kiew sha nga shalor lum, ma me, u Aaron, u Nadab, u Abihu, lem bad hynñiewphew ngut ki nongïalam jong ki Israel; bad katba phi dang ïadon kham ha pajih, dem bad mane ïa nga.

EKLESIASTIS 9:7

To leh — bam ïa ka jingbam jong phi bad long uba kmen; dih ïa ka waiñ jong phi bad to long kiba dap da ka jingkmen. Ka long kaba biang bad U Blei.

JEREMAÏAH 14:3

Ki briew bariewspah ki phah ïa la ki shakri ban tong um; ki leit sha ki thliew pynlang um, hynrei kim shem um; ki wan phai pat bad ki khra thylli. Ki la noh mynsiem bad shaïong jingmut, ki buhrieh ïa la ki durkhmat.

DANIEL 10:17

Nga long kum u mraw uba ïeng ha khmat u kynrad jong u. Kumno nga lah ban ïakren bad phi? Ngam donbor lane jingpynhiar mynsiem kaba dang sah ha nga.”

JINGKHEIÑ 12:8

Kumta nga ïakren bad u markhmat, da kaba shai, bad ym ha ki jingkyntip; u la ïohi wat ïa ka dur jong nga. Kumno keiñ phi nud ban kren pyrshah ïa u Moses u shakri jong nga?”

JINGKHEIÑ 21:18

Ka pukri ba la tih da ki khun syiem Bad da ki nongïalam u paidbah, La tih da u diengsynshar syiem Bad da ki diengduh jong ki.” Na kata ka ri khlaw ki la mihnoh sha Mattanah,

DEUTERONOMI 12:7

Hangta ha khmat U Trai U Blei jong phi, uba la kyrkhu ïa phi, ma phi bad ki ba-ha-ïing ha-sem jong phi phin ïabam bad ïalehkmen ha kiei kiei kiba bha kiba phi la trei shitom.

DEUTERONOMI 4:33

Don mo ki briew kiba dang im hadien ba ki la ïohsngew ïa u blei uba kren ha ki na ka ding, kumba phi, phi la ïohsngew?

NONGBISHAR 13:22

U Manoah u ong ha la ka tnga, “Ngin sa ïap shisha, namar ba ngi la ïohi ïa U Blei!”

NONGBISHAR 5:13

Nangta kita kiba lah ban shaniah ki la wan hiar sha la ki nongïalam; Ki briew jong U Trai ki la wan sha u da ka jinglakloi ban ïaleh.