EKSODOS 23:8 - Khasi CL Bible (BSI)

⁸ Wat bamsap, naba kaba bamsap ka pynmatlah ïa ki briew ban ym ïohi shuh ïa kata kaba dei, bad ka pynduh ïa ka nia jong kiba lui lui.

KA BAIBL

⁸ Wat bamsap: naba kaba bamsap ka pynmatlah ïa ki bastad, bad ka pynbakla ruh ïa ki ktien jong ki bahok.

EKSODOS 23:8 ပူးပေါင်းရင်းမြစ်များ

SALM 15:5

U ai ram khlem da kheiñ sut, bad u bym shah pynbam sap ban sakhi pyrshah ïa kiba lui lui. Uno uno uba leh ïa kine kiei kiei un ïailong uba skhem.

SALM 26:10

Ki briew kiba leh sniew lynter bad kiba kloi borabor ban shim klop.

PROBERB 15:27

Kaba pyrshang ban ïohnong da ka bymhok, ka pynngat ïa la ka longïing ha ka jingjynjar. Wat bamsap bad phin ïoh im slem.

PROBERB 17:23

Ki nongbishar kiba bamsap ki pdiang ïa ki jingai ha kaba rieh, bad nangta kam don ka jingbishar hok.

PROBERB 17:8

Don ki briew kiba pyrkhat ba kaba pynbam sap ka treikam kum ka myntor; ki ngeit ba ka lah ban leh lut ïa kiei kiei.

PROBERB 19:4

Borabor kiba riewspah ki ïakynduh ïa ki paralok kiba thymmai, hynrei kiba duk kim lah ban bat ïa kiba khyndiat ngut kiba ki don.

EKLESIASTIS 7:7

Phi lah ban long uba stad, hynrei lada phi shukor ïano ïano, phi leh la kum u bieit. Lada phi shim klop, phi pynjot ïa la ka jinglong jingim.

ISAÏAH 1:13

Ka long ka bymmyntoi ban wallam ïa ki jingainguh jong pha. Nga la sngewjli da ka jingiw jong ka jingiwbih ba pha thang. Ngam lah shah ïa ki Jingkhawai Niam Bnai Thymmai jong pha, ïa ki Sabbaton jong pha bad ïa ki jingïaseng jong pha; la pyntngit ïa ki baroh da ki pop jong pha.

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 33:15

Phi lah ban lait im lada phi ong bad phi leh ïa kaba dei. Wat pyndonkam ïa ka bor jong phi ban shukor ïa kiba duk bad wat pdiang ïa ka pisa bashukor. Wat ïasnohkti bad kito kiba thmu ban pynïap briew lane ban leh ïa kiwei ki kam sniew.

ISAÏAH 5:22

Phi long ba la tim! Ki nongjop ïa ki klong waiñ! Kiba shlur bad ki bym tieng ha kaba ïadei bad ki jingdih ba la khleh!

ISAÏAH 5:23

Hynrei tang namar ka jingïoh pisa bymdei phi shah ïa kiba shah pynrem ban lait bad phi khang ïa kiba lui lui na kaba ïoh ïa ka jingbishar hok.

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

HOSIA 4:18

Hadien ba ki la dih shibun ka waiñ, ki ïaleh sngewbha ha ki kam nuti jong ki, ki jied ïa ka jingjahburom ban ïa ka burom.

AMOS 5:12

Nga tip haduh katno ki pop jong phi ki long kiba sngewshyrkhei bad katno kiba bun ki kam runar phi la leh. Phi pynshitom beiñ ïa ki briew kiba bha, phi bamsap, phi khang noh ïa kiba duk ban ïoh ïa ka jingbishar hok ha ki ïingbishar.

MIKAH 7:3

Ki long kiba tbit baroh ha kaba leh ïa kaba sniew. Ki rangbah synshar bad ki nongbishar ki bamsap. U briew uba lah u ong ha ki ïa kaei kaba u kwah, bad kumta ki ïasylla lang.

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.