EKSODOS 23:7 - Khasi CL Bible (BSI)

⁷ Wat ai ki jingkynnoh kiba lamler, bad wat pynïap ïa uba lui lui, namar ngan pynrem ïa uno uno uba leh kum kata ka kam bymman.

KA BAIBL

⁷ To men kiar jngai na ka kam ka bashukor; lymne wat pynïap ïa uba lui lui bad u bahok: naba nga ngan ym pynksan ïa u bymman.

EKSODOS 23:7 ပူးပေါင်းရင်းမြစ်များ

JENESIS 18:23

U Abraham u wan hajan U Trai, bad u kylli, “Hato men shu pynjot noh ïa kiba hok ruh ryngkat bad ki bymman?

Ka Kitab U Job 22:23

Ho-oid, phi dei ban phai sha U Blei da ka jingsngewrit bad iehnoh ïa baroh kaba sniew kaba don ha ka ïing jong phi.

SALM 119:29

Sumar ïa nga na kaba leit ha ka lynti kaba bakla, bad ha ka jingbha jong me to hikai ïa nga ïa ka aiñ jong me.

SALM 94:21

kiba ïasylla lang pyrshah ïa ki briew kiba bha bad rai pynrem ïa kiba lui lui sha ka jingïap.

EKSODOS 20:13

“Wat pynïap briew.

EKSODOS 20:16

“Wat sakhi lamler ïano ïano.

EKSODOS 23:1

“Wat ju pynphriang ïa ki khubor lamler, bad wat ïarap ïa u nongleh bymman da kaba sakhi lamler.

EKSODOS 34:7

Nga bat ïa la ka kular na ka bynta ki bun hajar ki pateng bynriew bad nga map ïa ka jingbymman, bad ïa ka pop; hynrei, ngan pynshitom ïa ki khun ki ksiew haduh ka pateng bynriew kaba lai bad kaba saw namar ki pop jong ki kmie ki kpa jong ki.”

PROBERB 11:21

Phi lah ban tip skhem ba ki riewbymman kin shah pynshitom, hynrei kiba hok kin lait.

PROBERB 17:15

Kaba pynrem ïa kiba lui lui lane kaba pynksan ïa ki bymman — baroh ar ki long ka jingijli ha U Trai.

ISAÏAH 33:15

Phi lah ban lait im lada phi ong bad phi leh ïa kaba dei. Wat pyndonkam ïa ka bor jong phi ban shukor ïa kiba duk bad wat pdiang ïa ka pisa bashukor. Wat ïasnohkti bad kito kiba thmu ban pynïap briew lane ban leh ïa kiwei ki kam sniew.

ISAÏAH 5:20

Phi long ba la tim! Phi khot kaba bha ïa kaba sniew bad kaba sniew ïa kaba bha. Phi pynphai ïa ka jingdum sha ka jingshai bad ïa ka jingshai sha ka jingdum. Phi pynlong kaba thiang ïa kaba kthang bad kaba kthang ïa kaba thiang.

LEBITIKOS 19:11

“Wat tuh lane shukor lane lamler.

LEBITIKOS 19:16

Wat pynphriang lamler shaphang jongno jongno, bad haba uno uno u dang don ha ka jingbishar namar la ka jingim, kren pynpaw lada ka jingphla jong phi kan long jingïarap ïa u. Nga long U Trai.

NAHUM 1:3

U Trai um ju bitar shen, hynrei u long uba khrawbor bad um ju shah ba kiba shah rai pynrem kin lait khlem shah pynshitom. Hangno ha kaba U Trai u ïaid, ki 'erïong ki khie; ki lyoh ki long ki pui pui ba la pynmih da ki kjat jong u!

LOUKAS 3:14

Katto katne ngut ki shipai ruh ki la kylli ïa u, “Kumno ma ngi pat? Kaei ba ngi dei ban leh?” U la ong ha ki, “Wat shim pisa nano nano da ka bor lane mudui lamler ïano ïano. To sngewhun ha la ka bainong.”

Ka Shithi U Paul Sha Ki Nong Rom 1:18

Ïa ka jingbitar U Blei la pynpaw na bneng pyrshah ïa baroh ka pop bad ka jingsniew jong ki briew kiba ki lynti basniew jong ki, ki la khang ïa ka jingtip ïa ka jingshisha.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

DEUTERONOMI 25:1

“Lada ar ngut ki Israel ki ïakajia, bad ki leit sha ka ïingbishar, ki nongbishar kin rai pynksan ïa uba hok bad pynrem ïa uba leh palat.

DEUTERONOMI 27:25

“ ‘Ka jingtim U Blei kan hap ha uta u briew uba pdiang pisa ban pynïap ïa u briew uba lui lui.’ “Bad u paidbah baroh un jubab lang, ‘Amen!’

1 THESSALONI 5:22

bad kiar na kano kano kaba sniew.