EKSODOS 23:6 - Khasi CL Bible (BSI)

⁶ “Wat pynduh ïa ka jingbishar hok ïa uba duk haba u wan ha ka ïingbishar.

KA BAIBL

⁶ “Ha ka jingïakajia jong u, men ym pynsniew ïa ka jingbishar u baduk jong me.

EKSODOS 23:6 ပူးပေါင်းရင်းမြစ်များ

2 KHRONIKL 19:7

Burom ïa U Trai bad trei bha, namar U Trai U Blei jong ngi um lah shah ïa ka jingleh bymdei lane ka jingleh shiliang khmat lane ka jingshim pisa thok.”

Ka Kitab U Job 31:13

Haba uno uno na ki shakri jong nga u mudui pyrshah ïa nga, ngan shahshkor bad leh da kaba hok ïa u.

PROBERB 18:5

Kam long kaba dei ban pynksan ïa uba la rem bad ban khang ïa uba lui lui na kaba ïohpdiang ïa ka jingbishar hok.

PROBERB 22:22

Wat shim kabu ïa kiba duk tang namar ba phi lah; wat shim kabu ïa kito kiba ïeng khlem jingïarap ha ka ïingbishar.

PROBERB 31:5

haba ki dih, ki klet noh ïa ki aiñ bad ki lyndet noh ïa ki hok jong ki briew kiba kyrduh.

EKLESIASTIS 5:8

Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

ISAÏAH 5:23

Hynrei tang namar ka jingïoh pisa bymdei phi shah ïa kiba shah pynrem ban lait bad phi khang ïa kiba lui lui na kaba ïoh ïa ka jingbishar hok.

JEREMAÏAH 5:28

balei ba ki sngaid bad ba la ïoh jingbsa bha. Ym don pud satia ïa ki kam sniew jong ki. Kim ju ai ïa ki hok jong ki khunswet lane pyn-i ka jingbishar hok ïa kiba la shah banbeiñ.

JEREMAÏAH 6:28

Ma ki baroh ki long ki nongïaleh pyrshah ba-mutlop, kiba eh kum ka rnong bad u nar. Ma ki baroh ki long kiba sniew, ki da ïaid kylleng bad pynsaphriang ïa ka lorni.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

LEBITIKOS 19:15

“Lehhok bad bishar hok haba phi shim rai ha ka mokotduma; wat shah shiliang ïa uba duk lane ban sheptieng ïa uba riewspah.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

DEUTERONOMI 27:19

“ ‘Ka jingtim U Blei kan hap ha uta u briew uba pynduh ïa ki hok jong ki nongwei, ki khunswet, bad ki riewkynthei.’ “Bad u paidbah baroh un jubab lang, ‘Amen!’

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.