EKSODOS 23:33 - Khasi CL Bible (BSI)

³³ Wat shah ba kita ki briew kin shong kin sah ha ka ri jong phi; lada phi leh kumta, kin pynlong ïa phi ban leh pop pyrshah ïa nga. Lada phi mane ïa ki blei jong ki, kan long ka jingriam ka ban pynïap duh ïa phi.”

KA BAIBL

³³ Wat shah ba kin ïashong sah ha ka ri jong me, ïoh ba kin ïalam ïa me ban leh pop ïa nga: namar lada men shakri ïa ki blei jong ki, da shisha kata kan long ka jingriam ïa me.”

EKSODOS 23:33 ပူးပေါင်းရင်းမြစ်များ

1 SYIEM 14:16

U Trai un iehnoh ïa ki Israel namar ba u Jeroboam u la leh pop bad u la ïalam ïa ki paid Israel ban leh pop.”

2 KHRONIKL 33:9

U Manasseh u ïalam ïa ki paid Judah ban leh ïa ki pop kiba kham khraw ban ïa kito kiba ki jaitbynriew kiba U Trai u la beh noh na ka ri katba ki briew jong u ki dang tur shaphrang.

SALM 106:36

Ki briew jong U Blei ki la mane ïa ki bleithaw, bad kane ka la pynlong ïa ki ba kin shah pynjot.

EKSODOS 10:7

Ki rangbah synshar jong u Pharaoh ki la ong ha u, “Sa katno te une u briew un pynjynjar ïa ngi? Pyllait noh ïa ki Israel, khnang ba kin ïoh mane ïa U Trai U Blei jong ki. Hato phim pat sngewthuh ba ka Ijipt ka la jot?”

EKSODOS 23:24

Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

EKSODOS 34:12

Wat ïateh jutang bad ki briew jong kata ka ri sha kaba phi leit, namar kata ka lah ban long ka jingriam ka ban pynïap ïa phi.

DEUTERONOMI 12:30

Ynda U Trai u la pynjot ïa kita ki jaitbynriew, da lei lei wat bud ïa ki rukom lehniam jong ki, namar ka long kaba ma. Wat pyrshang ban tip kumno ki mane ïa ki blei jong ki, ïoh ba phi mane Blei kumba leh ma ki.

DEUTERONOMI 20:18

Pynïap ïa ki, ba kin ym ïoh hikai shuh ïa phi ban leh ïa kiei kiei kiba isaitmet ba ki ju leh haba ki mane ïa ki blei jong ki, kumta ba phin ym leh pop pyrshah ïa U Trai U Blei jong phi.

DEUTERONOMI 7:1

“U Trai U Blei jong phi un wan ïalam ïa phi sha kata ka ri kaba phin ïohkynti, bad un beh noh nangta ïa ki jaitbynriew kiba bun. Katba phi nang ïaid sha khmat, un beh noh ïa ki hynñiew ki jaitbynriew kiba kham bun paid bad kham khrawbor ban ïa phi. Kita ki dei ki Hit, ki Girgash, ki Amor, ki Kanaan, ki Peris, ki Hib, bad ki Jebus.

DEUTERONOMI 7:16

Pynjot ïa kawei pa kawei ka jaitbynriew kat ïa kaba U Trai U Blei jong phi u aiti ha phi, bad wat sngewsynei ïa ki. Wat mane ïa ki blei jong ki, namar kata kan long ka jingma ïa me.

2 TIMOTHI 2:26

Bad nangta kin wan sha ka jingsngewthuh bad kin lait na ka jingriam u Ksuid, uba la pynngat ïa ki bad la pynlong ïa ki ban kohnguh ïa ka mon jong u.

JOSHUA 10:40

Kumta u Joshua u la jop thiaw ïa kata ka ri baroh kawei. U la jop ïa ki syiem jong ka ri lum, kiba ha ki sharing lum ha ka phang mihngi, bad kiba ha trai ki lum ha ka phang sepngi, bad ïa kito ki jong ka ri ryngkhiang ha ka phang bashathie. Um shym la pynsah ïano ïano, u pynïap lut khoit ïa ki baroh. Kane ka long kaba U Trai U Blei ki Israel u la hukum.

JOSHUA 23:13

to tip skhem ba U Trai U Blei jong phi un ym beh shuh ïa kine ki jaitbynriew na khmat jong phi katba phi nang ïaid sha khmat. Pynban, kin long ka jingmynsaw ïa phi kum ka shangkhawiah lane ka thliew bad kaba pang shikatdei eh kum ka jingsympat ha ka ingdong jong phi lane ki shiah ha ki khmat jong phi. Bad kane kan neh tad haduh ba ym don shuh uwei ruh napdeng jong phi uba dang lait im ha kane ka ri kaba bha ïa kaba U Trai U Blei jong phi u la ai ha phi.

NONGBISHAR 2:2

Phim dei ban ïateh jutang bad ki briew kiba shong ha kane ka ri. Phi dei ban pynpra ïa ki duwan jong ki.’ Hynrei phim shym la leh ïa kaei kaba nga la bthah ïa phi. Phi la leh pynban ïa kaba pyrshah!

NONGBISHAR 2:3

Kumta nga ong ïa phi mynta ba ngan ym beh noh ïa kine ki briew katba phi nang ïaid sha khmat. Kin long ki nongshun jong phi, bad phin shah riam da ka jingmane ïa ki blei jong ki.”

1 SAMUEL 18:21

U ong ha lade, “Ngan ai ïa ka Mikhal ha u Dabid: ngan pyndonkam ïa ka ban riam ïa u, bad un sa shah pynïap ha ki Philistia.” Kumta ha ka sien kaba ar u Saul u ong ha u Dabid, “Men sa long u pyrsa kurim jong nga.”