EKSODOS 23:31 - Khasi CL Bible (BSI)

³¹ Ngan pynïar ïa ki pud jong ka ri jong phi naduh ka khmut duriaw Akaba haduh ka duriaw Mediterranian bad naduh ka ri shyiap haduh ka wah Ïuphratis. Ngan ai ha phi ka bor halor ki nongshong shnong jong kata ka ri, bad phin beh noh ïa ki katba phi nang tur sha khmat.

KA BAIBL

³¹ Ïa ki pud jong me te ngan buh, naduh ka Duriaw Basaw haduh ka duriaw ki Philistia, bad naduh ka ri khlaw haduh kata ka wah: namar ngan aiti ïa ki trai-shnong jong kata ka ri ha ka kti jong phi; te men beh noh ïa ki na khmat jong phi.

EKSODOS 23:31 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

1 SYIEM 11:2

U shongkurim ïa ki wat haba U Trai u la hukum ïa ki Israel ban ym ïashongkha khleh bad kine ki briew, namar kin pynlong ïa ki Israel ban mane ïa kiwei ki blei.

1 SYIEM 20:13

Ha kajuh ka por, u nongïathuhlypa u leit sha u syiem Ahab, bad u la ong, “U Trai u ong, ‘Wat sheptieng ïa katai ka kynhun shipai kaba heh! Ngan ai jingjop ïa me halor jong ka mynta ka sngi, bad men ïoh tip ba nga dei U Trai.’ ”

1 SYIEM 4:21

Ka hima u Solomon ka kynthup ïa baroh ki ri naduh ka wah Ïuphratis haduh ka ri ki Philistia bad ka pud Ijipt. Ki la siew khajna ïa u bad ki la hap hapoh jong u katba u dang im.

1 SYIEM 4:24

U Solomon u la synshar ïa ka jaka baroh kaba sha sepngi jong ka wah Ïuphratis, naduh Tiphsah kaba ha Ïuphratis haduh shaphang sepngi ka nongbah Gasa. Baroh ki syiem kiba sha sepngi jong ka Ïuphratis ki la hap hapoh jong u, bad u la don ha ka jingïasuk bad ki ri ba-marjan baroh.

1 SYIEM 8:65

Hangta ha ka Templ, u Solomon bad ki paid Israel baroh ki rakhe ïa ka Jingkhawai Niam Ki Ïingtrep ha ki hynñiew sngi. Hangta la don u paidbah bynriew babun naduh ki jaka kiba jngai kum ka Khim Hamath shaphang shatei bad ka u pud ka Ijipt shaphang shathie.

2 KHRONIKL 9:26

U long u nongsynshar uba hakhlieh tam na ki syiem baroh ha ka thain naduh ka wah Ïuphratis haduh ka ri Philistia bad haduh khappud ka Ijipt.

SALM 72:8

Ka hima jong u kan kot na ka duriaw sha ka duriaw, na ka Ïuphratis sha kiba kut jong ka pyrthei.

JINGKHEIÑ 21:34

U Trai u ong ha u Moses, “Wat sheptieng ïa u. Ngan ai ha me ka jingjop halor jong u, ïa ki briew jong u baroh, bad ïa ka ri jong u. Leh ïa u kumba me la leh ïa u Sihon u syiem Amor uba synshar ha Heshbon.”

JINGKHEIÑ 34:2

ïa kine ki jingbthah harum na ka bynta ki paid Israel: “Ynda phi rung sha Kanaan, ka ri kaba nga ai ïa phi, ki pud jong ka hima jong phi kin long kumne harum.

DEUTERONOMI 1:7

Lied noh ïa la ka dara bad ïaid shaphrang. Leit sha ri lum Amor bad sha ki jaka kiba markhap bad ka — sha ka Them Jordan, sha ki ri lum bad ri them, sha ka jaka kaba shathie bad sha ka rud duriaw Mediterranian. Leit sha ka ri Kanaan bad nangta sha lyndet ki lum Lebanon haduh ka wahbah Ïuphratis.

DEUTERONOMI 1:8

Kane baroh ka long kata ka ri kaba nga U Trai nga la kular ban ai ha ki kpa tymmen jong phi, u Abraham, u Isaak, bad u Jakob, bad ha ki khun ki ksiew jong ki. Khie leit kam kynti ïa ka.’ ”

DEUTERONOMI 11:24

Ka khyndew baroh ha kaba phin ïuhkjat kan long ka jong phi. Ka ri jong phi kan ïar naduh ka ri shyiap shaphang shathie haduh ki lum Lebanon shaphang shatei, bad naduh ka wah Ïuphratis shaphang mihngi haduh ka Duriaw Mediterranian shaphang sepngi.

DEUTERONOMI 2:33

hynrei U Trai U Blei jong ngi u la aiti ïa u ha ngi, bad ngi la pynïap ïa u, ïa ki khun shynrang jong u, bad ïa ki briew jong u baroh.

DEUTERONOMI 2:36

U Trai U Blei jong ngi u la shah ba ngin ïohknieh ïa ki shnong baroh naduh Aroer kaba harud ka Them Arnon, bad ïa ka nongbah hapdeng kata ka them, haduh Gilead. Ym don kawei ruh ka shnong ïa kaba ngim shym jop.

DEUTERONOMI 20:16

“Hynrei haba phi ïohknieh ïa ki shnong kiba hapoh kata ka ri ba U Trai U Blei jong phi u ai ha phi ban long ka jingïohpateng, pynïap ïa uwei pa uwei.

DEUTERONOMI 3:2

Hynrei U Trai u ong ha nga, ‘Wat tieng ïa u. Ngan aiti ïa u, ïa ki briew jong u, bad ïa ka ri jong u baroh ha phi. Leh ïa u kumba phi la leh ïa u Sihon u syiem Amor uba synshar ha Heshbon.’

DEUTERONOMI 6:19

bad beh ïa ki nongshun jong phi, kumba u la kular.

DEUTERONOMI 9:3

Hynrei to tip mynta ba U Trai U Blei jong phi un ïaid ha shuwa jong phi kum ka ding kaba bam duh. Un jop bad pyndem ïa ki katba phi nang ïaid sha khmat, ba phi lah ban beh krad bad pynjot ïa ki kloi kloi, kumba u la kular.

JOSHUA 1:4

Ki pud jong phi kin kot naduh ka ri shyiap ha ka phang shathie haduh ki Lumbah Lebanon ha ka phang shatei; naduh ka wah Ïuphratis bakhraw ha ka phang mihngi, lyngba ka ri ki Hit, haduh ka Duriaw Mediterranian ha ka phang sepngi.

JOSHUA 10:19

hynrei ma phi pat wat sah hangta. Ïai beh ïa ki nongshun jong phi, bad tur ïaleh ïa ki na shadien; wat ailad ba kin ïohrung sha la ki jong ki nongbah! U Trai U Blei jong phi u la ai ha phi ka jingjop halor jong ki.”

JOSHUA 10:8

U Trai u ong ha u Joshua, “Wat sheptieng ïa ki. Nga la ai lypa ha me ïa ka jingjop. Yn ym don uwei ruh na ki uba lah ban ïeng pyrshah ïa me.”

JOSHUA 13:6

Kane ka kynthup ïa ka ri baroh jong ki nong Sidon, kiba shong ha ka ri lum hapdeng ki lum Lebanon bad Misrephoth Maim. Ngan beh noh ïa kine ki briew katba ki Israel ki nang tur sha khmat. Me dei ban pynbynta ïa kane ka ri hapdeng ki Israel, kumba nga la hukum ïa me ban leh.

JOSHUA 2:24

“Ngi thikna ba U Trai u la ai ha ngi ïa ka ri baroh kawei. Ki briew baroh hangta ki la sngewsheptieng ïa ngi.”

JOSHUA 21:44

U Trai u la ai ha ki ka jingshongsuk ha kata ka ri baroh kawei, kumba u la kular ïa ki kpa tymmen jong ki. Ym don uwei ruh na ki nongshun jong ki baroh uba lah ban ïeng pyrshah ïa ki, namar U Trai u la ai ha ki Israel ka jingjop ïa ki nongshun jong ki baroh.

JOSHUA 23:14

“Mynta, ka la dei ka por ïa nga ban ïap. Uwei pa uwei na phi u tip ha la ka dohnud bad ha la ka mynsiem ba U Trai U Blei jong phi u la ai ha phi ïa kiei kiei kiba bha baroh kiba u la kular ha phi. Ïa kawei pa kawei ka kular la pyndep, ym don kawei ruh ka ban sep-ei.

JOSHUA 24:11

Phi la jam ïa ka Jordan bad wan poi sha ka Jerikho. Ki rangbah ka Jerikho ki la ïaleh pyrshah ïa phi, kumba la leh ki Amor, ki Peris, ki Kanaan, ki Hit, ki Girgash, ki Hib bad ki Jebus. Hynrei nga la ai ha phi ka jingjop halor jong ki baroh.

JOSHUA 24:12

Katba phi nang tur sha khmat, nga la pynshaïong ïa ki khnang ban beh noh ïa ki ar ngut ki syiem Amor. Ki waitlam bad ki ryntieh jong phi kim ïadon bynta ei ei bad kane.

JOSHUA 24:18

Katba ngi nang ïaid sha khmat sha kane ka ri, U Trai u la beh ïa ki Amor baroh kiba shong basah hangne. Kumta ma ngi ruh, ngin shakri ïa U Trai, u long U Blei jong ngi.”

JOSHUA 24:8

Nangta nga la wallam ïa phi sha ka ri ki Amor, kiba shong ha ka phang mihngi jong ka Jordan. Ki la ïaleh ïa phi, hynrei nga la ai ha phi ka jingjop halor jong ki. Phi la knieh ïa ka jaka jong ki, bad nga la pynjot ïa ki katba phi nang ïaid sha khmat.

JOSHUA 8:18

Nangta U Trai u ong ha u Joshua, “Kdew ïa u sum jong me ha ka Ai; nga ai ïa ka ha me.” U Joshua u leh kumba la bthah,

JOSHUA 8:7

Nangta, phin wan mih na ka jakarieh bad kurup ïa ka nongbah. U Trai U Blei jong phi un ai ïa ka ha phi.

JOSHUA 9:7

Hynrei ki Israel ki ong, “Balei ngin pynlong ka jingïateh lok bad phi? Ka lah ban long pynban ba phi shong phi sah hajan.”

NONGBISHAR 1:4

bad Judah ki la leit ryngkat sha ka thma. U Trai u la ai ha ki ka jingjop halor ki Kanaan bad ki Peris, bad ki la jop ïa ki shiphew hajar ngut ki rangbah ha Besek.

NONGBISHAR 11:21

Hynrei U Trai, U Blei ki Israel, u ai jingjop ha ki Israel pyrshah ïa u Sihon bad ka kynhun shipai jong u. Kumta ki Israel ki shimti ïa baroh ka ri jong ki Amor kiba shong ha kata ka thain.

1 SAMUEL 23:4

Kumta u Dabid u kylli sa shisien na U Trai, bad U Trai u ong ha u, “Khie leit bad tur ïaleh ïa ka Keilah, namar ngan ai ha me ka jingjop halor ki Philistia.”