EKSODOS 23:25 - Khasi CL Bible (BSI)

²⁵ Lada phi mane ïa nga U Trai U Blei jong phi, te ngan kyrkhu ïa phi da ka bam bad ka um, bad ngan weng noh ruh ïa ki jingpang jong phi baroh.

KA BAIBL

²⁵ Phin shakri te ïa U Trai U Blei jong phi, te un kyrkhu ïa u kpu jong me, bad ïa ka um jong me; bad ngan shim noh ïa ka jingpang napdeng jong me.

EKSODOS 23:25 ပူးပေါင်းရင်းမြစ်များ

SALM 103:3

U map ïa ki pop jong nga baroh bad u pynkhiah ïa ki jingpang jong nga baroh.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

EKLESIASTIS 5:20

Namar U Blei u la shah ïa ngi ban kmen, ngin ym khuslai shibun shaphang katno ka jingim ka long kaba lyngkot.

ISAÏAH 33:16

Te phin long shngain; phin long skhem kum ka kut bakhlaiñ. Phin don ka jingbam ban bam bad ka um ban dih.

ISAÏAH 33:24

Yn ym don uba shong ba sah ha ka ri jong ngi, u ban dang ud pang, bad ïa ki pop baroh yn map.

JEREMAÏAH 8:2

Ha ka jaka ban lumlang bad ban tep, ki shyieng jong ki kin long kum ka sboh kaba don ha madan. Yn pynphriang ïa ki shabar ha khmat ka sngi, u bnai, bad ki khlur, kiba kine ki briew ki ieit bad shakri, bad kiba ki la ïakylli bad mane.

DANIEL 1:15

Haba ka por ka la kut, ki la kham i khiah krat bad kham khlaiñ ban ïa kito baroh kiba la bam ïa ka jingbam syiem.

LEBITIKOS 11:44

Nga long U Trai U Blei jong phi, bad kumta phi dei ban ri khuid ïa lade, namar nga, nga long uba khuid.

LEBITIKOS 26:3

“Lada phi im kat kum ki aiñ jong nga, bad kohnguh ïa ki hukum jong nga,

MALAKHI 3:10

Wallam ïa ka jingmih baroh jong kawei-na-kaba-shiphew sha ka Templ, khnang ba yn don ka bam kyrhai hangta. To tynjuh ïa nga bad phin sa ïohi ba ngan plie ïa ki jingkhangïit jong ka bneng bad theh noh ha phi kyrhai ïa kiei kiei kiba bha baroh.

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

DEUTERONOMI 10:12

“Mynta, ko ki paid Israel, shahshkor ïa kaei kaba U Trai U Blei jong phi u dawa na phi: Mane ïa U Trai bad leh ïa kata baroh kaba u hukum. Ieit ïa u, shakri ïa u da ka dohnud jong phi baroh, bad kohnguh ïa ki hukum jong u baroh.

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

DEUTERONOMI 13:4

Bud ïa U Trai bad tiengburom ïa u; kohnguh ïa u bad sumar ïa ki hukum jong u; mane ïa u bad ïaineh ha u.

DEUTERONOMI 6:13

Tiengburom ïa U Trai U Blei jong phi, mane tang ïa u, bad kular ruh tang ha ka kyrteng jong u.

DEUTERONOMI 7:13

Un ieit bad kyrkhu ïa phi, ba phin nang roi kyrhai. Un kyrkhu ruh ba phin ïoh shibun ki khun ki kti; un kyrkhu ïa ki lyngkha jong phi ba phin ïoh u kew, ka waiñ, bad ka umphniang Olib; bad un kyrkhu ruh ïa phi da kaba ai ha phi shibun ki masi bad ki langbrot, ha kata ka ri ïa kaba u la kular ha ki kpa tymmen jong phi ban ai ha phi.

DEUTERONOMI 7:15

U Trai un pyllait ïa phi na ka jait jingpang baroh, bad un ym pynngat ha phi wat tang kawei ruh na ki jingpang kiba sngewtriem ba phi la mad ha ka ri Ijipt, hynrei un pynngat ïa ki ha ki nongshun jong phi.

JOSHUA 22:5

Pynthikna ba phi kohnguh ïa ka aiñ kaba u Moses u la hukum ïa phi: ieit ïa U Trai U Blei jong phi, leh ïa ka mon jong u, kohnguh ïa ki hukum jong u, ïaineh ha u, bad shakri ïa u da ka dohnud bad ka mynsiem jong phi baroh.”

JOSHUA 24:21

U paidbah u ong ha u Joshua, “Em! Ngin shakri ïa U Trai.”

JOSHUA 24:24

Nangta u paidbah u ong ha u Joshua, “Ngin shakri ïa U Trai U Blei jong ngi. Ngin kohnguh ïa ki hukum jong u.”

1 SAMUEL 12:20

U Samuel u ong ha uta u paidbah, “Wat sheptieng; la phi la leh ïa ka kam bymman, wat phai noh na U Trai, hynrei shakri ïa u da ka dohnud jong phi baroh.

1 SAMUEL 12:24

Kohnguh ïa U Trai bad shakri hok ïa u da ka dohnud jong phi baroh. To kynmaw ïa kiei kiei kiba khraw kiba u la leh na ka bynta jong phi.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”