EKSODOS 23:24 - Khasi CL Bible (BSI)

²⁴ Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

KA BAIBL

²⁴ Men ym dem ha ki blei jong ki, lymne shakri ïa ki, lymne leh katba kum ki kam jong ki: hynrei, men pynduh khoit ïa ki, bad lympat ïa ki durblei jong ki lyngkhot lyngkhai.

EKSODOS 23:24 ပူးပေါင်းရင်းမြစ်များ

2 SYIEM 17:11

bad ki thang jingiwbih ha baroh ki duwan ki blei thala, da kaba bud ïa ki jingleh jong ki briew kiba U Trai u la beh noh na ka ri. Ki pynkhih bitar ïa U Trai da ki jingleh kynriang jong ki baroh

2 SYIEM 17:8

Ki la mane ïa kiwei ki blei, ki bud ïa ki rukom jong ki briew kiba U Trai u la beh noh katba ki briew jong u ki dang tur shaphrang, bad ki pdiang ïa ki rukom ba la sdang da ki syiem ka Israel.

2 SYIEM 18:4

U pynjot ïa ki jaka mane blei thala, u pynpra ïa ki païa maw, bad u pyndkut ïa ki durblei jong ka blei Asherah. U pynpra ruh lyngkhot lyngkhai ïa u bseiñ rnong ïa uba u Moses u la shna, ïa uba la khot Nehushtan. Haduh kata ka por ki paid Israel ki la thang jingiwbih na ka bynta ka burom jong u.

2 SYIEM 3:2

U la leh pop pyrshah ïa U Trai, hynrei um da sniew eh kat u kpa jong u, lane kat ka Jesebel, ka kmie jong u; u la pynkhyllem ïa ka dur kaba u kpa jong u, u la thaw na ka bynta ban mane ïa u Baal.

2 KHRONIKL 14:2

U Asa u pynsngewbha ïa U Trai, U Blei jong u, da kaba leh ïa kaei kaba dei bad kaba bha.

2 KHRONIKL 25:14

Haba u Amasaïah u la wan phai na ka jingjop ïa ki Edom, u wanrah ïa ki bleithaw jong ki lem bad u, u pynïeng ïa ki, u la mane ïa ki, bad u thang jingiwbih ïa ki.

2 KHRONIKL 33:2

Da kaba bud ïa ki jingleh ba-ijli jong ki hima kiba U Trai u la beh noh na ka ri katba ki briew jong u ki dang tur shaphrang, u Manasseh u la leh pop pyrshah ïa U Trai.

2 KHRONIKL 33:9

U Manasseh u ïalam ïa ki paid Judah ban leh ïa ki pop kiba kham khraw ban ïa kito kiba ki jaitbynriew kiba U Trai u la beh noh na ka ri katba ki briew jong u ki dang tur shaphrang.

SALM 101:3

bad lano lano ruh ngan ym shah ïa kaba sniew. Nga isih ïa ki kam jong kito kiba phai noh na U Blei; ngan ym ïadon bynta ei ei bad ki.

EKSODOS 20:3

“Wat mane ïa uwei pat u blei hynrei tang ïa nga.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

EKSODOS 23:13

“Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

EKSODOS 23:32

Wat ïateh kano kano ka jutang bad ki lane bad ki blei jong ki.

EKSODOS 23:33

Wat shah ba kita ki briew kin shong kin sah ha ka ri jong phi; lada phi leh kumta, kin pynlong ïa phi ban leh pop pyrshah ïa nga. Lada phi mane ïa ki blei jong ki, kan long ka jingriam ka ban pynïap duh ïa phi.”

EKSODOS 32:20

U shim ïa uta u khun masi uba ki la thaw, u pynum ïa u ha ka ding, bad u tylliat pynlwet jin ïa u, bad u la khleh ïa kata ha ka um. Nangta u la pynlong ïa ki paid Israel ban dih ïa ka.

ESEKIEL 16:47

Hato pha la ïoh jinghun ban bud ïa ki dien'jat jong ki bad pyrthuh bud ïa ki jingleh ba-ijli jong ki? Em, tang hapoh khyndiat por pha la leh kham sniew palat ban ïa kaba ki long ha kiei kiei baroh kiba pha la leh.

HOSIA 10:2

Ki briew kiba ki dohnud jong ki, ki long kiba shukor, mynta ki dei ban shahshitom namar ki pop jong ki. U Blei un pynpra ïa ki duwan jong ki, bad un pynjot ïa ki rishot kyntang jong ki.

LEBITIKOS 18:3

Wat bud ïa ki rukom im ki briew ha ri Ijipt, ha kaba phi ruh shisien phi la shong, ne ïa ki jong ki briew ha ri Kanaan, sha kaba ngan ïalam ïa phi.

LEBITIKOS 26:1

U Trai u ong, “Wat thaw ki bleithaw lane pynïeng durblei, ki païa maw, lane ohdur ha ki maw ban mane ïa ki. Nga long U Trai U Blei jong phi.

JINGKHEIÑ 25:2

Kine ki kynthei ki la khot sngewbha ïa ki sha ki jingkhawai jingkñia ha kaba la mane ïa u blei ki Moab. Ki Israel ki la bam ïa ki jingbam bad mane ïa u blei Baal jong ki Peor.

JINGKHEIÑ 33:52

phi dei ban beh krad ïa ki nongshong shnong baroh jong ka ri. Pynjot thiaw ïa ki bleithaw maw bad bleithaw nar jong ki baroh bad ïa ki jaka mane blei jong ki baroh.

DEUTERONOMI 12:3

Pynpra ïa ki duwan jong ki bad pynpait pharia ïa ki maw blei jong ki. Thang ïa ki dur jong ka blei Asherah bad mait ïa ki bleithaw jong ki, khnang ba kin ym mane shuh ha kito ki jaka.

DEUTERONOMI 7:5

Kumta, pynpra ïa ki duwan jong ki, pynpait pharia ïa ki rishot mawkyntang jong ki, mait ïa ki dak ka blei Asherah jong ki, bad thang ïa ki bleithaw jong ki.