EKSODOS 23:21 - Khasi CL Bible (BSI)

²¹ Shahshkor bad kohnguh ïa u. Wat ïaleh pyrshah ïa u, naba nga la phah ïa u, bad un ym map ïa ka jingïaleh pyrshah kaba kum kata.

KA BAIBL

²¹ To burom ïa u, bad to kohnguh ïa ka ktien jong u; wat pynbitar ïa u: namar un ym map ïa ki jingpalat jong phi; naba ka kyrteng jong nga ka don ha u.

EKSODOS 23:21 ပူးပေါင်းရင်းမြစ်များ

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

SALM 72:19

To ïaroh ïa ka kyrteng badonburom jong u junom! Ai ba ka burom jong u kan pyndap ïa ka pyrthei baroh kawei. Amen! Amen!

SALM 78:40

Katno sien ki la ïeng ïaleh pyrshah ïa u ha ka ri shyiap; katno sien ruh ki la pynsngewsih ïa u!

SALM 78:56

Hynrei ki la ïeng ïaleh pyrshah ïa U Blei Badonbor Baroh bad ki la tynjuh ïa u. Kim shym la kohnguh ïa ki hukum jong u,

SALM 83:18

Ai ba kin tip ba tang ma me hi me long U Trai u nongsynshar uba hakhlieh tam ha ka pyrthei baroh kawei.

EKSODOS 3:14

U Blei u ong ha u Moses, “NGA LONG UBA NGA LONG. Kane ka long kaei kaba me dei ban ong ha ki: ‘Uta ïa uba la khot UBA NGA LONG u phah ïa nga sha phi.’

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

EKSODOS 6:3

Nga la mihpaw ha u Abraham, ha u Isaak, bad ha u Jakob, kum U Blei Badonbor Baroh, hynrei ngam shym la pynithuh ïa lade ha ki da ka kyrteng bakhuid jong nga, U Trai.

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 45:6

Nga leh ïa kane khnang ba baroh na kawei ka tduh jong ka pyrthei shaduh kawei pat ka tduh kan tip ba nga long U Trai bad ym don uwei pat U Blei.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 7:14

Te kumta, U Trai un ai hi ka dak ha phi: Ka theisotti kaba punkhun kan kha u khun bad kan khot kyrteng ïa u, ‘U Immanuel.’

ISAÏAH 9:5

Ïa ki juti jong ka kynhun shipai kaba hiarthma bad ïa ki jaiñ baroh kiba khah snam yn pynjot thiaw da ka ding.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 5:7

U Trai u kylli, “Balei ngan map ïa ki pop jong ki briew jong nga? Ki la iehnoh ïa nga, bad ki la mane ïa ki blei ki bymshisha. Nga la bsa ïa ki briew jong nga haduh ba kin da kdang, hynrei ki la leh awria, bad ki la pynlut ïa ka por jong ki bad ki nuti.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

JINGKHEIÑ 14:11

U Trai u ong ha u Moses, “Sa katno kine ki briew kin kyntait ïa nga? Sa katno ruh kin kyntait ban shaniah ha nga, wat la nga la leh bun ki kambah hapdeng jong ki?

JINGKHEIÑ 14:35

Nga smai ba ngan leh ïa kane ha phi u paidlang bymman uba la ïalumlang ban ïaleh pyrshah ïa nga. Hangne ha ka ri khlaw uwei pa uwei na phi un ïap. Nga, U Trai, nga la kren.’ ”

MATHAÏOS 1:23

“Ka Theisotti kan punkhun bad kan kha ïa u khun, bad yn khot kyrteng ïa u, U Immanuel” (kaba mut “U Blei u long lem bad ngi”).

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

ÏOANNIS 10:30

U Kpa bad ma nga ngi long kawei.”

ÏOANNIS 10:38

Hynrei lada nga leh ïa ki, wat lada phim ngeit ïa nga, phi la dei ban ngeit ïa ki kam jong nga, khnang ba phi lah ban tip shi syn tip ba U Kpa u long ha nga bad ba nga long ha U Kpa.”

ÏOANNIS 5:23

Uno uno u bym burom ïa U Khun um burom ïa U Kpa uba la phah ïa u.

EPHESOS 4:30

Bad to wat pynsngewsih ïa U Mynsiem Bakhuid jong U Blei; naba U Mynsiem u long ka dak jong ka jinglong trai jong U Blei ïa phi, ka jingbahkhlieh ba ka Sngi kan poi haba U Blei un pyllaitluid ïa phi.

DEUTERONOMI 18:19

Un kren ha ka kyrteng jong nga, bad ngan pynshitom ïa uno uno u bymkohnguh ïa u.

DEUTERONOMI 9:7

“Wat ju klet kumno phi la pynbitar lep ïa U Trai ha ka ri shyiap. Naduh ka sngi ba phi mih na Ijipt haduh ba phi poi hangne, phi la ïaleh pyrshah ïa u.

KOLOSSAI 2:9

Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 3:16

Kiei kita ki briew kiba la ïohsngew ïa ka sur jong U Blei bad ïaleh pyrshah ïa u? Baroh kito ïa kiba la ïalam noh na Ijipt da u Moses?

JOSHUA 24:19

U Joshua u ong ha u paidbah, “Hynrei phin ym lah ban shakri ïa U Trai. U long U Blei uba khuid bad un ym map ïa ki pop jong phi.

1 ÏOANNIS 5:16

Lada phi ïohi ïa la u parabriew ba u leh ïa ka pop ka bym ïalam sha ka jingïap, phi dei ban duwai ha U Blei, u ban ai ha u ïa ka jingim. Kane ka ïadei ïa kito kiba ki pop jong ki, kim ïalam sha ka jingïap. Hynrei ka don ka pop kaba ïalam sha ka jingïap, bad ngam ong ba phi dei ban duwai sha U Blei shaphang kata.

JINGPYNPAW 1:8

“Nga long u Alpha bad u Omega,” ong U Trai U Blei Badonbor Baroh, uba long, uba la long bad u ban sa wan.

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

JINGPYNPAW 2:8

“Thoh sha u angel jong ka balang ha Smyrna: “Kane ka long ka khubor na uta uba long, uba nyngkong bad uba khatduh, uba la ïap bad uba la im pat.

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.

NONGBISHAR 13:18

U angel u kylli, “Balei ba phi da kwah ban tip ïa ka kyrteng jong nga? Ka long ka kyrteng kaba phylla.”