EKSODOS 23:20 - Khasi CL Bible (BSI)

²⁰ “Ngan phah ïa u angel ha shuwa jong phi ban ïada ïa phi haba phi leit jingleit bad ban ïalam ïa phi sha kata ka jaka kaba nga la pynkhreh.

KA BAIBL

²⁰ “Ha khmih, nga phah ïa u angel ha shuwa jong me, ban sumar ïa me ha lynti, bad ban wallam ïa me sha kata ka jaka ïa kaba nga la khreh.

EKSODOS 23:20 ပူးပေါင်းရင်းမြစ်များ

JENESIS 15:18

Hangta hangta hi, U Trai u pynlong ka jutang bad u Abram. U ong, “Nga kular ban ai ha ki khun ki ksiew jong me ïa kane ka ri, naduh ka khappud Ijipt haduh ka Wah Ïuphratis,

JENESIS 24:40

U la jubab, ‘U Trai, ïa uba nga la ju kohnguh, un phah ïa u angel jong u lem bad me bad ai ha me ka jingjop. Men pynïoh ïa u khun jong nga ka tnga na ki briew jong nga hi, bad na ki ba-ha-ïing ha-sem jong u kpa jong nga.

JENESIS 24:7

U Trai, U Blei jong ka bneng, u la ïalam noh ïa nga na ka ïing u kpa jong nga bad na ka ri ki kur ki jait jong nga, bad u la kular skhem ha nga ba un ai ïa kane ka ri ha ki khun ki ksiew jong nga. Un phah ïa u angel jong u ha shuwa jong me, ba me lah ban pynïoh hangta ka tnga ïa u khun jong nga.

JENESIS 48:16

To u angel uba la pyllait ïa nga na ka jingsniew baroh, un kyrkhu ïa ki! To ka kyrteng jong nga, bad ka jong ki kpa jong nga, u Abraham bad u Isaak, Kan ïai im lyngba kine ki khun! To kin don bun ki khun ki kti bad ki khun ki ksiew kiba bun!”

SALM 91:11

U Blei un buh ïa ki angel ban khmih halor jong me ban ïada ïa me shano shano ba me leit.

EKSODOS 14:19

U Angel jong U Blei uba la ju don ha khmat jong ki paid Israel u la kynriah bad u la leit shadien. U rishot lyoh ruh u kynriah noh tad haduh ba u la don hapdeng ki nong Ijipt bad ki Israel.

EKSODOS 15:16

Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

EKSODOS 15:17

Me wan ïalam ïa ki shapoh bad me buh ïa ki ha u lumbah jong me, ha ka jaka kaba me, ko Trai, me la jied na ka bynta ka ïing jong me, ka Templ kaba me hi me la tei.

EKSODOS 23:23

U angel jong nga un leit ha shuwa jong phi bad un ïalam ïa phi sha ka ri jong ki Amor, ki Hit, ki Peris, ki Kanaan, ki Hib, bad ki Jebus; bad ngan pynjot ïa ki.

EKSODOS 32:34

Mynta khie leit, ïalam ïa u paidbah sha kata ka jaka kaba nga la ïathuh ïa me. Kynmaw ba u angel jong nga un ïalam ïa phi, hynrei ka por kan poi ha kaba ngan pynshitom ïa kine ki briew namar ka pop jong ki.”

EKSODOS 33:14

U Trai u la ong, “Nga hi ngan leit ryngkat bad me, bad ngan ai ha me ka jingjop.”

EKSODOS 33:2

Ngan phah ïa u angel jong nga ban ïalam ïa phi, bad ngan beh noh ïa ki Kanaan, ki Amor, ki Hit, ki Peris, ki Hib, bad ki Jebus.

ISAÏAH 63:9

Ym dei u angel, hynrei dei U Trai hi uba pyllait im ïa ki. Ha ka jingieit bad ka jingisynei jong u, u la pyllait ïa ki. U la ju sumar ïa ki borabor ha ki por kiba mynshuwa,

SEKHARAÏAH 12:8

Ha kata ka por U Trai un ïada ïa kito kiba shong basah ha Jerusalem, bad wat kiba tlot tam napdeng jong ki kin long kiba khlaiñ kumba long u Dabid. Ki khun ki ksiew jong u Dabid kin ïalam ïa ki kum u angel jong U Trai, kum U Blei hi da lade.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

JINGKHEIÑ 20:16

bad ngi la lynñiar sha U Trai ban ïoh jingïarap. U la ïohsngew ïa ka jinglynñiar jong ngi bad u la phah ïa u angel, uba la ïalam noh ïa ngi na Ijipt. Mynta ngi don ha Kadesh, ka shnong kaba ha khappud ka hima jong phi.

JINGKHEIÑ 22:22

U Blei u la bitar ba u Balaam u la leit, bad katba u Balaam u dang leit da kaba shong halor ka kada jong u, la synran ïa u da ar ngut ki shakri jong u; u angel U Trai u la ïeng ha ka surok ban khang lynti ïa u.

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

ÏOANNIS 14:3

Bad hadien ba nga la leit bad pynkhreh ka jaka ïa phi, ngan wan pat bad ngan shim ïa phi ha lade hi, ba phi ruh phin don ha ka jaka kaba nga don.

DEUTERONOMI 33:2

U Trai u wan na u Lum Sinai; u mih kum ka sngi ha Edom, bad u tyngshaiñ ha la ki briew na u Lum Paran. Shiphew hajar ki angel ki don ryngkat bad u, bad ka ding kaba meh ha ka kti kamon jong u.

JOSHUA 23:5

U Trai U Blei jong phi un pynlong ïa ki ban kynriah na phi, bad un beh ïa ki katba phi nang tur sha khmat. Phin ïoh ïa ka ri jong ki, kumba U Trai U Blei jong phi u la kular ïa phi.

JOSHUA 5:13

Katba u Joshua u dang don hajan Jerikho, kynsan u ïohi ïa u briew uba ïeng ha khmat jong u, uba bat ïa ka waitlam. U Joshua u leit sha u bad u kylli, “Me dei uwei na ki shipai ngi, ne u nongshun?”

JOSHUA 5:14

“Ngam dei uno uno,” uta u briew u jubab. “Nga don hangne kum u rangbah ai hukum jong ka kynhun ïapom U Trai.” U Joshua u dem mane ngon ha khyndew bad u ong, “Bah, nga long u shakri jong phi. Aïu phi kwah ïa nga ban leh?”

JOSHUA 6:2

U Trai u ong ha u Joshua, “Nga buh ha ki kti jong me ïa ka Jerikho, lem bad u syiem jong ka bad ïa ki shipai bashlur jong u baroh.