EKSODOS 23:2 - Khasi CL Bible (BSI)

² Wat ïabud lang bad kiba bun paid haba ki leh ïa ka bymdei, ne haba ki ai sakhi ban pynkylla khongpong ïa ka jingbishar hok.

KA BAIBL

² Men ym bud ïa u paidbah ïa ka ban leh sniew; lymne wat phai ktien ha ka jingïakajia, da kaba bud ïa kiba bun ban pynsniew ïa ka jingbishar;

EKSODOS 23:2 ပူးပေါင်းရင်းမြစ်များ

JENESIS 19:4

Ha shuwa ba ki nongshahkhot sngewbha kin leit thiah noh, ki shynrang jong ka Sodom ki la kerkut ïa ka ïing. Baroh ki shynrang jong kata ka nongbah, bad samla bad tymmen, ki la ïadon hangta.

JENESIS 6:12

U Blei u la khmih ïa ka pyrthei bad u la ïohi ba ka la sniew, namar ki briew baroh ki la im ka jingim kaba sniew.

JENESIS 7:1

U Trai u ong ha u Noah, “Khie leit shapoh ka lieng lem bad ka longïing longsem jong me baroh; nga la shem ba dei tang ma me marwei ha ka pyrthei baroh uba leh ïa kaba dei.

1 SYIEM 19:10

U jubab, “A Trai, U Blei Badonbor Baroh, nga la shakri ïa me borabor — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

Ka Kitab U Job 31:34

Ngam pat ju sheptieng ïa kaei kaba ki briew kin ong; ngam ju sngap jar ne shong hapoh ïing namar ba sheptieng ïa ka jingkrenbeiñ jong ki.

SALM 72:2

ba kumta un synshar halor ki briew jong me da ka jingbishar hok bad synshar ïa kiba la shah banbeiñ da ka hok.

PROBERB 1:15

Ko khun jong nga, wat ïashang bad ki briew kiba kum kita. Kiar na ki.

PROBERB 18:5

Kam long kaba dei ban pynksan ïa uba la rem bad ban khang ïa uba lui lui na kaba ïohpdiang ïa ka jingbishar hok.

PROBERB 4:14

Wat leit sha kaba ki riewsniew ki leit. Wat pyrthuh bud ïa ka jingleh jong ki riewbymman.

JEREMAÏAH 37:15

Ki la bitar haduh katta katta ïa nga bad hukum ban shoh ïa nga bad ban set ïa nga ha ka ïing u Jonathan, u sekretari ka ïingbishar, kaba ïa ka ïing jong u la pynlong ka byndi.

JEREMAÏAH 37:21

Kumta u syiem Sedekaïah u la hukum ba yn set ïa nga ha ka phyllaw ka ïingsyiem. Nga la sah hangta, bad man ka sngi ïa nga la ai uwei u kpu na ka jaka shet kpu haduh ba baroh u kpu ha ka nongbah u la lut.

JEREMAÏAH 38:9

“Ko Syiem, kaei kaba kine ki briew ki la leh ka long ka bym dei. Ki la thep ïa u Jeremaïah ha ka pung, ha kaba, da shisha, un sa ïap ha ka jingïapthngan, namar ym don jingbam shuh ha ka nongbah.”

ESEKIEL 9:9

U Blei u la jubab, “Ki paid Israel bad Judah ki la rem na ki pop kiba shyrkhei. Ki la pynïap briew ha ka ri baroh kawei bad ki pyndap ïa ka Jerusalem da ki kam runar. Ki ong ba ma nga, U Trai, nga la iehnoh ïa ka ri jong ki bad ngam ïohi ïa ki.

LEBITIKOS 19:15

“Lehhok bad bishar hok haba phi shim rai ha ka mokotduma; wat shah shiliang ïa uba duk lane ban sheptieng ïa uba riewspah.

HAGGAI 1:4

Ko ki briew jong nga, balei ba ma phi phin shong ha ki ïing ba la shna bha katba ka Templ jong nga ka dang sah ha ki jingjot?

MARKOS 15:15

U Pilat u la kwah ban pynsngewbha ïa u paidbah, kumta u la pyllait ïa u Barabbas na ka bynta jong ki. Nangta u la phah sympat ïa U Jisu bad aiti ïa u ban shah sahnarphna.

KI KAM 24:27

Hadien, ar snem ki la leit, u Porsius Phestos u la shim ïa ka jaka jong u Pheliks kum u lyngskor. U Pheliks u la kwah ban ïoh ïa ka jingsngewbha jong ki Jiw, kumta u la iehnoh ïa u Paul ha ka byndi.

KI KAM 25:9

Hynrei u Phestos u la kwah ban ïoh ïa ka jingsngewbha bad ki Jiw, kumta u la kylli ïa u Paul, “Hato me mon ban leit sha Jerusalem ba yn bishar halor kine ki jingmudui ha khmat jong nga hangta?”

Ka Shithi U Paul Sha Ki Nong Rom 1:32

Ki tip ba ka Hukum U Blei ka ong ba ki briew kiba im ha kane ka rukom ki dei hok ban ïap. Pynban, ym tang ba ki ïai leh ïa kine hi kiei kiei, hynrei ki mynjur wat ïa kiwei kiba leh ïa ki.

DEUTERONOMI 1:17

Wat ïashah liang ha ki rai jong phi; bishar ïa uwei pa uwei ha kajuh ka nongrim, kam pher la u long uba kumno kumno. Wat sheptieng ïano ïano, naba ki rai kiba phi ai ki wan na U Blei. Lada kano kano ka kam ïakajia ka eh than ïa phi ban rai, wallam ïa ka sha nga, bad ngan rai ïa ka.’

DEUTERONOMI 16:19

Kim dei ban leh bymhok lane leh shiliang khmat ha ki jingbishar jong ki; kim dei ruh ban bamsap, namar ka jingbamsap ka pynmatlah wat ïa kito kiba stad bad kiba hok, bad ki pynlong ïa ki ban rai bakla.

DEUTERONOMI 24:17

“Wat pynduh ïa ki hok jong ki nongwei lane ki khunswet, bad wat shim ïa ka jaiñkup jong ka riewkynthei kum ka bynda ïa kano kano ka ram.

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”

1 SAMUEL 15:24

“Ho-oid, nga la leh pop,” u Saul u jubab. “Ngam shym kohnguh ïa ka hukum U Trai bad ïa ki jingsneng pyn-i jong phi. Nga la sheptieng ïa ki rangbah jong nga bad nga la leh ïa kaei kaba ki kwah.

1 SAMUEL 15:9

Hynrei u Saul bad ki rangbah jong u ki pynsah im ïa u Agag, bad kim shym pynïap ïa ki langbrot bad ki masi kiba kynsai tam, ïa ki khun masi bad ki khunlangbrot kiba kynsai tam, bad ïa kano kano kaba kordor; ki la pynjot tang ïa kata ka bymlarkam ne bymdonkam ei ei shuh.