EKSODOS 23:19 - Khasi CL Bible (BSI)

¹⁹ “Wallam man ka snem sha ka ïing U Trai U Blei jong phi ïa u soh nyngkong uba phi ot. “Wat shet ïa u khunblang ne khunlangbrot ha ka dud ka kmie jong u.

KA BAIBL

¹⁹ “Men wallam ïa u banyngkong na ki soh nyngkong ka khyndew jong me ha ka ïing U Trai U Blei jong me. Wat shet ïa u khun blang ha ka dud ka kmie jong u.

EKSODOS 23:19 ပူးပေါင်းရင်းမြစ်များ

NEHEMAÏAH 10:35

Ngin leit rah sha ka Templ man ka snem, ka jingkñia u kew banyngkong ba ngi lum bad u soh nyngkong uba ih ha ki dieng jong ngi.

NEHEMAÏAH 10:36

Ïa u khun nyngkong ba kha ha ngi, ngin leit rah sha ki lyngdoh ka Templ, kumba donkam da ka Hukum, ngin pynkyntang ïa u sha U Blei. Ngin pynkyntang ruh ïa uwei pa uwei u khun masi banyngkong jong ngi, bad ïa uwei pa uwei u khunlangbrot bad uwei pa uwei u khunblang jong ngi.

EKSODOS 22:28

“Wat kren sniew ïa U Blei, bad wat tim wat tla ïa u nongïalam jong ki briew jong phi.

EKSODOS 22:29

“Ai ha nga ïa ki jingainguh na u kew jong phi, na ka waiñ jong phi, bad na ka umphniang Olib jong phi, ha ka por kaba biang. “Ai ha nga ïa kiba la kha nyngkong na ki khun shynrang jong phi.

EKSODOS 34:26

“Man la ka snem wallam ïa ki soh ba phi la lum nyngkong na ka jingot sha ka ïing U Trai U Blei jong phi. “Wat ju shet ïa u khunlangbrot ne khunblang ha ka dud ka kmie jong u.”

PROBERB 12:10

Ki briew kiba bha ki sumar ïa ki jingri jong ki, hynrei ki riew ba-bymman ki lehbeiñ ïa la ki jong.

PROBERB 3:9

To burom ïa U Trai da kaba ai ha u ka jingainguh da kiei kiei kiba bha tam ba ka lyngkha jong phi ka pynmih.

JEREMAÏAH 10:3

Ka niam jong kine ki briew ka long ka bymdondor ei ei. La khet ïa u dieng ha khlaw; la ohdur da ki tiar u nong-ohdieng,

ESEKIEL 44:30

Ki lyngdoh kin ïoh ïa kaba bha tam na ki soh nyngkong jong ka jingot bad na baroh kiei kiei kiwei ïa kiba la ainguh ha nga. Man ka por ba ki briew ki shet kpu, kin ai sha ki lyngdoh ïa u kpu banyngkong kum ka jingainguh, bad ki jingkyrkhu jong nga kin neh ha ki ïing ki sem jong ki.

ESEKIEL 48:13

Ki Lebi ruh ki don ka jaka bakyrpang, shaphang shathie na ka jong ki lyngdoh. Kata ruh kan long khat-ar kilomitar shiteng na mihngi sha sepngi, la san kilomitar na shatei shaduh shathie.

ESEKIEL 48:14

Ka jaka ba la pynkyntang sha U Trai ka long ka bynta kaba bha tam na baroh ha ka ri, bad yn ym don kano kano ka bynta ha ka, kaba lah ban die ne ïakylliang lane ban ai sha uno uno uwei pat. Ka long kaba khuid bad ka long ka jong U Trai.

JINGKHEIÑ 15:21

Pateng la pateng, ïa kane ka jingai kaba kyrpang dei ban ai sha U Trai na u kpu ba phi shet.

1 KORINTH 15:20

Hynrei ka jingshisha ka long ba ïa U Khrist la pynmihpat na ka jingïap, kum ka jingbahkhlieh ba ïa kito kiba la ïap yn sa pynmihpat ruh ïa ki.

DEUTERONOMI 14:21

“Wat bam ïa kano kano ka jait mrad kaba shu ïap hi. Phi lah ban shah ïa ki nongwei kiba shong hapdeng jong phi ban bam ïa ka, lane phi lah ban die ïa ka ha kiwei pat ki nongwei. Hynrei phi, phi long ki jong U Trai U Blei jong phi; phi dei ki briew jong u. “Wat shet ïa u khunlangbrot lane ïa u khunblang ha ka dud ka kmie jong u.

DEUTERONOMI 26:10

Kumta nga wallam mynta sha U Trai ïa u soh nyngkong na ka jingot ba u la ai ha nga.’ “Nangta buh ïa ka shang ha ka jingdon ryngkat U Trai bad mane hangta.

DEUTERONOMI 26:2

iwei pa iwei na phi phin buh ha ka shang ïa u soh nyngkong hadien ba phi la lum na uwei pa uwei u jait jingthung, bad leit rah ïa ka sha ka jaka mane Blei.

JINGPYNPAW 14:4

Ki long ki rangbah kiba la ri khuid ïa lade khlem ïathiah shongkha bad ki kynthei; ki long ki rangsotti. Ki bud ïa U Khunlangbrot kat shaba u leit. La siewspah ïa ki napdeng u khunbynriew bad ki long kiba nyngkong ïa kiba la ainguh ha U Blei bad ha u Khunlangbrot.