EKSODOS 23:18 - Khasi CL Bible (BSI)

¹⁸ “Wat ainguh ha nga da u kpu ba la khleh thiat haba phi kñia ïa ka mrad ha nga. Ym bit ban ieh haduh mynstep ïa ka khleiñ jong ki mrad ba la kñia ha nga ha kine ki Jingkhawai Niam.

KA BAIBL

¹⁸ “Men ym kñia ïa ka snam ka jingkñia jong nga lem bad u kpu ba dei thiat; lymne wat ai ban sah ka khleiñ ka jingkñia jong nga haduh mynstep.

EKSODOS 23:18 ပူးပေါင်းရင်းမြစ်များ

EKSODOS 12:10

Phim dei ban pynsah ei ei haduh mynstep; lada don kaba sah, dei ban thang noh ïa ka.

EKSODOS 12:15

U Trai u la ong, “Hynñiew sngi lynter phin ym bam ïa u kpu ba la khleh thiat — bam tang ïa u kpu bakhlem thiat. Ha ka sngi kaba nyngkong phi dei ban bret noh ïa u thiat baroh na ïing jong phi, namar lada uno uno u bam ïa u kpu ba la khleh thiat ha kita ki hynñiew sngi, yn ym kheiñ shuh ïa u kum uwei na ki briew jong nga.

EKSODOS 12:8

Ha kata ka miet, ïa ka doh dei ban syang, bad bam ïa ka lem bad u kpu khlem thiat bad ki jhur kthang.

EKSODOS 16:19

U Moses u la ong ha ki, “Uno uno ruh um dei ban pynsah ïa ka wat tang khyndiat ruh na ka bynta kaba la shai.”

EKSODOS 29:34

Lada don kaba tam na ka doh ne na u kpu kiba ym shym la lah bam lut haduh mynstep, dei ban thang noh ïa ki. Ym dei ban bam ïa ka, naba ka long kaba kyntang.

EKSODOS 34:25

“Wat ainguh da u kpu ba la khleh thiat haba phi kñia ïa uno uno u jingri ha nga. Wat pynsah haduh mynstep ïa ka doh kñia ba la pyndonkam ha ka Jingkhawai Niam Ka Jinglait.

LEBITIKOS 2:11

Ym dei ban khleh thiat ha ki jingainguh bam baroh kiba phi ai sha U Trai. Lano lano phim dei ban pyndonkam ïa u thiat ne ïa ka ngap ha ka jingbam kaba phi ainguh sha U Trai.

LEBITIKOS 7:12

Lada u briew u wallam ïa kane ka jingainguh kum ka jingai sngewnguh sha U Blei, u dei ruh ban wanrah, ryngkat bad uta u mrad ïa uba yn kñia, ïa ka jingainguh ïa u kpu bakhlem thiat: ki kpu kiba rben ba la khleh bad ka umphniang Olib lane kiba stang ba la kyllan da ka umphniang Olib lane da u 'purew ba la shet khleh bad ka umphniang Olib.

LEBITIKOS 7:15

Ïa ka doh jong uta u mrad dei ban bam noh ha kata hi ka sngi ba la kñia ïa u; ym dei ban pynsah wat tang khyndiat ruh haduh ka step kaba bud.

DEUTERONOMI 16:4

Hynñiew sngi lynter ym bit ïa uno uno ha kata ka ri ban don thiat ha ïing jong u; bad ïa ka doh ba phi kñia ha ka janmiet jong ka sngi kaba nyngkong dei ban bam lut ha kajuh hi ka miet.