EKSODOS 23:13 - Khasi CL Bible (BSI)

¹³ “Shahshkor ïa kaei kaei baroh kaba nga U Trai nga la kren ha phi. Wat duwai ha kiwei pat ki blei; bad tang ïa ka kyrteng jong ki ruh wat ïalap.

KA BAIBL

¹³ Bad ha kiei kiei baroh ba nga la ong ha phi phin sumar biang: wat kynmaw ïa ka kyrteng kiwei ki blei, lymne wat ai ban ïohsngew ïa ka na ka shyntur jong me.

EKSODOS 23:13 ပူးပေါင်းရင်းမြစ်များ

SALM 16:4

Kito kiba beh stet sha kiwei ki blei ki wallam bun ki jingjynjar halor lade hi. Ngan ym ïashim bynta ha ki jingkñia jong ki; ngan ym mane ïa ki blei jong ki.

SALM 39:1

Nga la ong, “Ngan da sumar bha ïa kaei ba nga leh, bad ngan ym shah ïa u thylliej jong nga ban pynleh pop ïa nga; ngan ym ong ei ei katba ki briew basniew ki dang don hajan.”

EKSODOS 23:24

Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

EKSODOS 23:32

Wat ïateh kano kano ka jutang bad ki lane bad ki blei jong ki.

JEREMAÏAH 10:11

(Ma phi ki paidbah phi dei ban ïathuh ïa ki ba ki blei ki bym shym la thaw ïa ka pyrthei bad ïa ka sahit bneng yn sa pynjot. Kin ym don shuh hangno hangno ha ka pyrthei.)

HOSIA 2:17

Ngan ym shah shuh ba kan dang kren ïa ka kyrteng u Baal.

SEKHARAÏAH 13:2

Ha kata ka por ngan weng noh ïa ki kyrteng jong ki bleithaw na ka ri, bad ym don mano mano ban kynmaw shuh ïa ki. Ngan weng noh ïa uno uno uba kam ba u long u nongïathuhlypa bad ngan shim noh ïa ka jingkwah ban mane ïa ki bleithaw.

JINGKHEIÑ 32:38

Ka Nebo, ka Baal Meon (ïa kane ka kyrteng la pynkylla,) bad ka Sibmah. Ki la ai kyrteng thymmai ïa ki shnong kiba ki la tei biang.

EPHESOS 5:12

(Ka long da shisha kaba lehrain eh wat ban ïakren ïa kita kiei kiei ïa kiba ki leh ha kaba rieh).

EPHESOS 5:15

Kumta da sumar kumno phi im. Wat im kum ki briew kiba bieit, hynrei, kum ki briew kiba stad.

DEUTERONOMI 12:3

Pynpra ïa ki duwan jong ki bad pynpait pharia ïa ki maw blei jong ki. Thang ïa ki dur jong ka blei Asherah bad mait ïa ki bleithaw jong ki, khnang ba kin ym mane shuh ha kito ki jaka.

DEUTERONOMI 4:15

“Mynba U Trai u kren ha phi napdeng ka ding ha u Lum Sinai, phim shym la ïohi ïa kano kano ka dur.

DEUTERONOMI 4:23

Sumar ban ym klet ïa ka jutang ba U Trai U Blei jong phi u la pynlong bad phi. Kohnguh ïa ka hukum jong u ban ym thaw na ka bynta ïa lade ïa kano kano ka durblei,

DEUTERONOMI 4:9

Da leh husiar! Kynmaw ba katba phi dang im phim dei ban klet ïa kaei kaba phi la ïohi da la ki khmat.

DEUTERONOMI 6:1

“Kine ki long ki aiñ baroh ïa kiba U Trai U Blei jong phi u la hukum ïa nga ban hikai ïa phi. Sumar bad leh ïa ki ha kata ka ri sha kaba phin sa leit bad ïohkynti.

1 TIMOTHI 4:16

To phikir bha ïa lade bad ïa ki jinghikai kiba me ai. To men ïai leh ïa kine kiei kiei, namar lada me leh kumta, me pynim ïa lade bad ïa kita kiba shahshkor ïa me.

HEBRU 12:15

To sumar ban ym phai dien noh na ka jingaiei U Blei. Wat ai ba uno uno un long kum u jingthung uba kthang, uba san bad uba pynjynjar da ka bih jong u.

JOSHUA 22:5

Pynthikna ba phi kohnguh ïa ka aiñ kaba u Moses u la hukum ïa phi: ieit ïa U Trai U Blei jong phi, leh ïa ka mon jong u, kohnguh ïa ki hukum jong u, ïaineh ha u, bad shakri ïa u da ka dohnud bad ka mynsiem jong phi baroh.”

JOSHUA 23:11

Da sumar bha te, ban ieit ïa U Trai U Blei jong phi.

JOSHUA 23:7

Wat klet ïa kano kano ka bynta jong ka, bad nangta phin ym ïakhleh bad kine ki briew kiba dang sah hapdeng jong phi lane ïakren ïa ki kyrteng jong ki blei jong ki lane pyndonkam ïa kito ki kyrteng ha kaba shim smai lane mane ïa kito ki blei lane nguh dem ïa ki.