EKSODOS 23:12 - Khasi CL Bible (BSI)

¹² “Trei hynriew sngi shi taïew, hynrei wat trei ha ka sngi kaba hynñiew, khnang ba ki mraw jong phi bad ki nongwei kiba trei bad phi, bad wat ki jingri jong phi hi, kin ïoh shongthait.

KA BAIBL

¹² “Hynriew sngi men leh ïa ka kam jong me, bad ha ka sngi ka bahynñiew men shong sngi: ba u masi jong me, bad ka kadda jong me kin ïoh shongthait, bad ba u khun ka mraw jong me, bad u nongwei, kin shong pyngngad ruh.

EKSODOS 23:12 ပူးပေါင်းရင်းမြစ်များ

NEHEMAÏAH 13:16

Katto katne ki rangbah na ka nongbah Tyros ki shong ki sah ha Jerusalem, bad ki wanrah dohkha bad baroh ki jait mar sha ka nongbah ban die ha ki briew jong ngi ha ka sngi Sabbaton.

EKSODOS 16:23

bad u la ong ha ki, “U Trai u la hukum ba lashai ka dei ka sngi shongthait ïa kaba la pynkyrpang sha u. Shet mynta kat ïa kaba phi dei ban shet, bad pynthnam kat ïa kaba phi dei ban pynthnam. Sa buh kyrpang kat ïa kaba tam bad tyngkai ïa ka na ka bynta lashai.”

EKSODOS 23:11

Hynrei ha ka snem kaba hynñiew ai jingjahthait ïa ka, bad wat ot ïa kaei kaei kaba mih ha ka. Kiba duk ki lah ban bam ïa kaei kaba mih hangta, bad ba ki mradkhlaw ruh kin ïoh bam ïa kaba la iehnoh. Leh kumjuh ïa ki bri sohwaiñ, bad ïa ki brisoh Olib jong phi.

EKSODOS 34:21

“Phi ïoh hynriew sngi ban trei jingtrei, hynrei wat trei ei ei ha ka sngi kaba hynñiew, wat la ka long ha ka aïom lur ne ka aïom ot.

EKSODOS 35:2

Phi ïoh hynriew sngi ban trei jingtrei, hynrei ka sngi kaba hynñiew ka dei ban long kaba kyntang, ka sngi shongthait ba la pynkyntang sha nga U Trai. Uno uno uba trei ïa kano kano ka kam ha kata ka sngi un shah pynïap.

EKSODOS 35:3

Phim bit wat tang ban sliew ding ruh ha la ïing ha ka sngi Sabbaton.”

ISAÏAH 58:3

Ki briew ki kylli, “Balei ngin shahjingit, lada U Trai um patiaw? Balei ngi dei ban leit khlem bam lada um shahshkor?” U Trai u ong ïa ki, “Ka jingshisha ka long ba ha kajuh ka por ba phi shahjingit, phi ïabeh ïa la ki jong ki jingmyntoi bad banbeiñ ïa la ki nongtrei.

LEBITIKOS 23:3

Phi ïoh hynriew sngi ban trei ïa la ka kam, hynrei kynmaw ba ka sngi kaba hynñiew, ka Sabbaton, ka dei ka sngi shongthait. Ha kata ka sngi, wat trei ei ei. Ka Sabbaton ka long ka jong U Trai, ha ki ïing jong phi baroh.

MARKOS 2:27

Bad U Jisu u la pynkut, “Ïa ka Sabbaton la thaw na ka bynta ka jingbha u briew; ïa u briew ym shym la thaw na ka bynta ka Sabbaton.

LOUKAS 13:14

U rangbah synshar jong ka synagog u la bitar ba U Jisu u la pynkhiah ha ka sngi Sabbaton, kumta u la kren bad u la ong ha u paidbah, “Don hynriew sngi ha kaba ngi dei ban trei; kumta to wan ha kito ki sngi bad ban ïoh jingpynkhiah, hynrei ym ha ka sngi Sabbaton!”