EKSODOS 23:1 - Khasi CL Bible (BSI)

¹ “Wat ju pynphriang ïa ki khubor lamler, bad wat ïarap ïa u nongleh bymman da kaba sakhi lamler.

KA BAIBL

¹ “Wat pynmih ïa ka jingbna balamler: wat ïasoh lem bad ki bymman ban long u nongsakhi bymhok.

EKSODOS 23:1 ပူးပေါင်းရင်းမြစ်များ

JENESIS 39:17

Nangta ka la ïathuh ha u ïa kajuh ka khana: “Uto u mraw Hebru ba phi la wan ïalam hangne, u la wan rung shapoh ka kamra jong nga bad pynjahburom ïa nga.

2 SAMUEL 16:3

“Shaei u Mephibosheth u ksiew jong u Saul, u kynrad jong me?” u syiem u kylli ïa u. “U sah ha Jerusalem,” u Siba u la jubab, “namar ba u la sngewthikna ba ki Israel mynta kin pynïoh pat ha u ïa ka hima jong u Saul, u kparad jong u.”

2 SAMUEL 19:27

U la lamler shaphang jong nga ha phi ko Syiem kynrad; hynrei phi, phi long kum u angel U Blei, kumta leh ïa kaei kaba idei ïa phi.

SALM 101:5

Ngan kyntait ïa uno uno uba kren siar shaphang kiwei pat; ngan ym shah ïa u briew uba sarong bad uba leh meng.

SALM 120:3

Phi ki riewlamler, aïu U Blei un leh ïa phi? Da kumno un pynshitom ïa phi?

SALM 15:3

bad ki bym pynbudnam ïa kiwei. Um leh kano kano kaba sniew ïa ki paralok jong u lymne uba pynphriang ki hamsaïa shaphang ki paramarjan jong u.

SALM 27:12

Wat iehnoh ïa nga ha ki nongshun jong nga, kiba tur ïaleh ïa nga ryngkat bad ka lamler bad ka jingbyrngem.

SALM 35:11

Ki riewbymman ki sakhi pyrshah ïa nga; ki mudui ïa nga shaphang ki kam runar kiba ngam tip ei ei.

EKSODOS 20:16

“Wat sakhi lamler ïano ïano.

EKSODOS 23:7

Wat ai ki jingkynnoh kiba lamler, bad wat pynïap ïa uba lui lui, namar ngan pynrem ïa uno uno uba leh kum kata ka kam bymman.

PROBERB 10:18

U briew uba buhrieh ïa la ka jingshun u dei uba lamler. Uno uno uba pynphriang ïa ka jinglorni u dei uba bieit.

PROBERB 12:17

Haba phi ïathuh ïa ka jingshisha, ka don ka jingbishar hok, hynrei ki jingshukor ki ïalam sha ka jingshah bishar bymhok.

PROBERB 14:5

U sakhi uba lah ban shaniah, borabor u ïathuh ïa ka jingshisha, hynrei u bym lah ban shaniah, u ïathuh tang ïa kaba lamler.

PROBERB 17:4

Ki briew kiba sniew ki sngap ïa ki jingmut kiba sniew, bad ki nongshukor ki sngap ïa ki jingshukor.

PROBERB 19:28

Kam don jingbishar hok ha kaba u sakhi u thmu ban pynmong ïano ïano. Ki riewbymman ki ieit ïa ka jingmad kaba sniew.

PROBERB 19:5

Lada phi lamler ha ka ïingbishar, phin shah pynshitom — yn ym don jingpyllait.

PROBERB 19:9

Ym don uba kren lamler ha ka ïingbishar u ban ïohlait na ka jingpynshitom; u la shah pynrem.

PROBERB 21:28

Ym lah ban ngeit ïa ka jingphla shem mynsiem jong uba lamler, hynrei ka ktien jong uno uno uba da pyrkhat bha yn pdiang.

PROBERB 24:28

Wat ïeng sakhi pyrshah ïano ïano khlem ka daw kaba dei, ne wat ong ïa kaei kaei ka ban ïalam bakla shaphang jong u.

PROBERB 25:18

Ka jingsakhi lamler ka long kaba ma kum ka waitlam, u dieng tangon ne u khnam banep.

PROBERB 25:23

Ka jinglorni ka wanrah ïa ka jingbitar kumba da shisha ka lyer na shatei ka wanrah slap.

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

LEBITIKOS 19:11

“Wat tuh lane shukor lane lamler.

LEBITIKOS 19:16

Wat pynphriang lamler shaphang jongno jongno, bad haba uno uno u dang don ha ka jingbishar namar la ka jingim, kren pynpaw lada ka jingphla jong phi kan long jingïarap ïa u. Nga long U Trai.

MATHAÏOS 19:18

“Ki hukum kiba kumno?” u la kylli. U Jisu u la jubab, “Wat pynïap; wat klim; wat tuh; wat kynnoh bymdei ïano ïano;

LOUKAS 19:8

U Sakhaïos u la ïeng joit bad u la ong ha U Trai, “To shahshkor, kynrad! ngan ai shiteng na ki jingdon jingem jong nga ha kiba duk, bad lada nga la shukor ïano ïano, ngan siew pat ïa u sa saw shah.”

LOUKAS 3:14

Katto katne ngut ki shipai ruh ki la kylli ïa u, “Kumno ma ngi pat? Kaei ba ngi dei ban leh?” U la ong ha ki, “Wat shim pisa nano nano da ka bor lane mudui lamler ïano ïano. To sngewhun ha la ka bainong.”

ÏOANNIS 7:51

U la ong ha kiwei, “Kat kum ka Hukum jong ngi ngim lah ban pynrem ïa u briew ha shuwa ban ïohsngew na u bad ban shem kaei ba u la leh.”

Ka Shithi U Paul Sha Ki Nong Rom 3:8

Balei yn ym ong te, “To ngin leh ïa kaba sniew khnang ba kaba bha kan mih?” Katto katne ngut ki briew, shisha, ki pynjahburom ïa nga da kaba pharep ïa nga da kaba ong ïa kane kaei kaei hi! Kin shah pynrem, kumba ki dei ban shah.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

DEUTERONOMI 5:20

“ ‘Wat sakhi lamler ïano ïano.

2 TIMOTHI 3:3

kin long ki bym lehsbun, ki bym ïamap, kiba kren sniew, kiba thala, bad kiba runar; kin isih ïa kaba bha,

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.

JINGPYNPAW 12:10

Nangta nga la ïohsngew ïa ka sur bajam ha bneng kaba ong, “Mynta ka jingpynim jong U Blei ka la wan! Mynta U Blei u la pyn-i ïa ka bor jong u kum u Syiem! Mynta U Messaïah jong u, u la pyn-i ïa la ka bor! Naba ïa uta uba la ïeng ha khmat jong U Blei jong ngi bad uba la mudui ïa ki hynmen ki para jong ngi mynsngi bad mynmiet la bret shabar jong ka bneng.