EKSODOS 22:9 - Khasi CL Bible (BSI)

⁹ “Ha kano kano ka jingïakajia shaphang ki jingdon jingem, la ka long ïa ka masi, ïa ka kada, ïa ka langbrot, ïa ka jaiñkup jaiñsem, ne ïa kano kano ka mar kaba jah, dei ban ïalam ïa ki arliang mamla sha ka jaka mane Blei. Uta ïa uba U Blei u rai pynrem un hap siew ar shah ïa uta uwei pat u briew.

KA BAIBL

⁹ “Naba ïa ka kynja ka jingpalat baroh, la ka long na ka bynta u masi, lane ka kadda, lane ka langbrot, lane ka jaiñkup, lane na ka bynta kaei kaei ruh kaba la jah, ïa kaba uwei pat u kam kum la ka jong, ka dei ïa ka daw jong ki baroh ar liang ban poi ha khmat ki nongbishar; te uta ïa uba kita ki nongbishar kin ïa-pynrem, un sa buria ar shah ïa la u paramarjan.

EKSODOS 22:9 ပူးပေါင်းရင်းမြစ်များ

JENESIS 31:39

Man ka por ba ka langbrot ka shah pynïap ha ki mradkhlaw, nga kitkhlieh hi ma nga. Ngam ju wanrah ïa kata ban pyn-i ha phi ba kam shym dei ka jingbakla jong nga. Phi dawa ba ma nga hi ngan hap buria ïa kaba lah shah tuh la ka long mynsngi lane mynmiet.

1 SYIEM 8:31

“Haba u briew u shah mudui ba u leh bymdei ïa uwei pat, bad la wallam sha ka duwan jong me ha kane ka Templ ban shim ïa ka jingsmai ba u long uba lui lui,

2 KHRONIKL 19:10

Haba ki para nongshong shnong na kino kino ki nongbah ki wallam ha khmat jong phi ïa ka kam pynïap briew ne kano kano ka jingpynkheiñ ïa ka aiñ ne ka hukum, phi dei ban bthah bha ïa ki kumno ba ki dei ban leh donakor ïa lade ha ka por jong ka jingbishar, khnang ba kin ym leh pop pyrshah ïa U Trai. Lada phim leh kumta, ma phi bad ki para nongshong shnong jong phi, kin sngew ïa ka bor jong ka jingbitar U Trai. Hynrei lada phi leh ïa la ka kamram, phin long kiba la ksan.

EKSODOS 22:10

“Lada u briew u mynjur ban sumar lem ïa ka kada, ïa ka masi, ïa ka langbrot, ne ïa kano kano ka jingri jong uwei pat u briew, bad kata ka jingri ka ïap ne mynsaw, ne shah rong noh ha kano kano ka jinglute, bad lada ym don ba ïohi mano mano,

EKSODOS 22:28

“Wat kren sniew ïa U Blei, bad wat tim wat tla ïa u nongïalam jong ki briew jong phi.

MATHAÏOS 18:15

“Lada u para jong me u leh pop pyrshah ïa me, khie leit sha u bad pyn-i ha u ïa ka jingbakla jong u. Hynrei leh ïa ka ha kaba jar jar, kumba tang hapdeng para ma phi. Lada u shahshkor ïa me, me la ïoh pat ïa la u para.

MATHAÏOS 18:35

Bad U Jisu u la pynkut, “Kata ka long kumno ba U Kpa jong nga uba ha bneng un leh ïa uwei pa uwei na phi lymda phi ïamap ïa la u hynmen u para naduh ka dohnud.”

DEUTERONOMI 25:1

“Lada ar ngut ki Israel ki ïakajia, bad ki leit sha ka ïingbishar, ki nongbishar kin rai pynksan ïa uba hok bad pynrem ïa uba leh palat.