EKSODOS 22:29 - Khasi CL Bible (BSI)

²⁹ “Ai ha nga ïa ki jingainguh na u kew jong phi, na ka waiñ jong phi, bad na ka umphniang Olib jong phi, ha ka por kaba biang. “Ai ha nga ïa kiba la kha nyngkong na ki khun shynrang jong phi.

KA BAIBL

²⁹ “Men ym pyntud ban ainguh ïa u banyngkong na ki soh ba-ih jong me, bad na ki umsoh jong me. Men ai ha nga ïa u banyngkong na ki khun shynrang jong me.

EKSODOS 22:29 ပူးပေါင်းရင်းမြစ်များ

2 SYIEM 4:42

Ha kawei ka por, u briew u la wan na Baal Shalishah, u da wanrah ïa u Elisha arphew tylli ki kpu ba la shet na u barli uba nyngkong ba la ot ha kata ka snem, bad katto katne ki sohkew ba dang shu ot. U Elisha u ong ïa u shakri jong u ban ai bam ïa ka kynhun ki nongïathuhlypa da kane,

2 KHRONIKL 31:5

Tang mar ïa-ai hukum, ki paid Israel ki wanrah ïa ki jingai jong ki, kiba kynsai tam na u kew, ka waiñ, ka umphniang Olib, ka ngap, bad kiwei de ki jingmih na ka lyngkha, bad ki wanrah ruh ïa kawei-na-kaba-shiphew jong kiei kiei kiba ki don.

EKSODOS 13:12

Ynda u ai ïa ka ha phi, phi dei ban ai sha U Trai ïa u khun nyngkong baroh. Man uba la kha nyngkong na ki mrad u long u jong U Trai.

EKSODOS 13:2

“Pynkyntang ha nga ïa uba la kha nyngkong baroh, namar kat uba la kha nyngkong napdeng ki Israel, la u briew ne u mrad, u long u jong nga.”

EKSODOS 23:15

Ha u bnai Abib, u bnai ha uba phi la mihnoh na ka ri Ijipt, rakhe ïa Ka Jingkhawai Niam U Kpu Bakhlem Thiat ha ka rukom kaba nga la hukum ïa phi. Ha ki hynñiew sngi jong kane ka Jingkhawai Niam, wat bam ïa uno uno u kpu ba la khleh thiat. Wat ju wan mane ïa nga khlem da wallam kano kano ka jingainguh.

EKSODOS 23:16

“Rakhe ïa ka Jingkhawai Niam Ka Jingot haba phi sdang ban ot. “Rakhe ïa ka Jingkhawai Niam Ki Ïingtrep ha ka por synrai, haba phi kheit ïa u soh na ki brisoh jong phi.

EKSODOS 23:19

“Wallam man ka snem sha ka ïing U Trai U Blei jong phi ïa u soh nyngkong uba phi ot. “Wat shet ïa u khunblang ne khunlangbrot ha ka dud ka kmie jong u.

EKSODOS 34:19

“Man la u khun ba la kha nyngkong, bad man la uba la kha nyngkong na ki jingri, ki dei ki jong nga. Hynrei phi dei ban thied biang ïa u kada,

EKSODOS 34:20

uba la kha nyngkong da kaba phin ai pat da u khunlangbrot ha ka jaka jong u. Lada phim thied biang ïa u, pynkheiñ ïa ka ryndang jong u. Thied biang ïa uwei pa uwei u khun nyngkong jong phi. “Uno uno ruh, um dei ban wan ha khmat jong nga khlem ka jingainguh.

ESEKIEL 20:40

Hangta ha ka ri, halor u lumbah bakhuid jong nga, u lumbah bajrong jong ka Israel, ma phi ki Israel baroh phin mane ïa nga. Ngan sngewbha eh bad phi bad ngan khmih lynti ïa phi ban wallam ha nga ïa ki jingkñia jong phi, ïa ki jingainguh bakynsai tam jong phi, bad ïa ki jingai sngewbha bakhuid jong phi.

LEBITIKOS 22:27

“Haba kha ïa uno uno u khun masi, lane ïa u khunlangbrot, lane ïa u khunblang, ieh ïa u bad la ka kmie haduh hynñiew sngi, hynrei hadien kata lah ban pdiang ïa u kum ka jingainguh bam.

MIKAH 7:1

Ka long ka jingduh jingkyrmen! Nga long kum u briew uba thngan uba shem ba ym don soh ba dang sah ha ki dieng bad ym don sohwaiñ ha ki dieng sohwaiñ. Ïa baroh ki sohwaiñ bad baroh ki soh Dumbur ba-bang la kheit lut.

JINGKHEIÑ 18:13

Baroh ki long ki jong me. Uwei pa uwei na ka ïing jong me uba khuid kat kum ka jinglehniam u lah ban bam ïa ki.

MATHAÏOS 6:33

Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

Ka Shithi U Paul Sha Ki Nong Rom 8:23

Hynrei ym dei tang ki jingthaw kiba ud; ma ngi ruh kiba don ïa U Mynsiem kum ki jingai banyngkong jong U Blei, ngi ïa-ud hapoh lade hi, katba ngi dang ap ïa U Blei ba un pynlong ïa ngi ki khun jong u bad ban pyllaitluid phar ïa ngi.

DEUTERONOMI 15:19

“Buh kyrpang sha U Trai U Blei jong phi ïa ki shynrang baroh ba la kha nyngkong na ki masi bad ki langbrot jong phi; wat pyntreikam ïa kita ki masi, bad wat ot shñiuh ïa kita ki langbrot.

JAKOB 1:18

Da ka mon sngewbha jong u hi u la wallam ïa ngi sha ka jingim lyngba ka ktien jong ka jingshisha, khnang ba ngi dei ban ïoh ïa ka jaka kaba nyngkong hapdeng ki jingthaw baroh.