EKSODOS 22:27 - Khasi CL Bible (BSI)

²⁷ namar u don tang kata ban kup bad ban pynsyaid ïa lade. Un kup thiah pat da-ei? Haba u khot kyrpad ïa nga ban ïarap ïa u, ngan jubab ïa u, namar nga long uba sngewsynei.

KA BAIBL

²⁷ naba kata hi ka long ïa ka ban tap ïa u, ka long ka jaiñkup ïa ka snieh jong u: un kup thiah da ei? kan jia te, haba u kyrpad ha nga, ba ngan sngap; naba nga uba isynei.

EKSODOS 22:27 ပူးပေါင်းရင်းမြစ်များ

2 SAMUEL 16:5

Haba u Syiem Dabid u la wan poi ha Bahurim, uwei na ki ba-ha-ïing jong u Saul, u Shimei, u khun jong u Gera, u la wan ïakynduh ïa u, u da tim ïa u katba u dang wan.

1 SYIEM 2:8

“Don ruh u Shimei, u khun jong u Gera, na ka shnong Bahurim kaba ha Benjamin. U la tim tyngeh ïa nga ha ka sngi kaba nga leit sha Mahanaim, hynrei haba u la ïakynduh ïa nga ha ka wah Jordan, nga la ai ha u ka jingkular bakyntang ha ka kyrteng jong U Trai ba ngan ym shah ban pynïap ïa u.

1 SYIEM 2:9

Hynrei mem dei ban shah ïa u ban lait khlem ka jingpynshitom. Me tip kaei ba men leh, bad me dei ban khmih ba u dei ban shah pynïap.”

2 KHRONIKL 30:9

Lada phi wan phai sha U Trai, te kito kiba la rah koidi ïa ki ba-ha-ïing ha-sem jong phi kin sngewsynei ïa ki, bad shah ïa ki ban wan phai pat sha ïing. U Trai U Blei jong phi u long uba sbun bad uba dap da ka jingisynei, bad lada phi wan phai sha u, un pdiang ïa phi.”

SALM 34:6

Ki bym don jingïarap ki kyrpad ïa u, bad u jubab; u pyllait im ïa ki baroh na ki jingjynjar jong ki baroh.

SALM 72:12

U pyllait ïa kiba duk kiba khot kyrpad ïa u, bad ïa kito kiba kyrduh bad kiba la shah iehnoh beiñ.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

EKSODOS 22:23

Lada phi lehbeiñ ïa ki, nga U Trai ngan jubab ïa ki haba ki kyang sha nga ban ïoh jingïarap,

EKSODOS 34:6

U Trai u ïaid na khmat jong u, bad u pynbna, “Ma nga, U Trai, nga long U Blei uba dap da ka jinglehsbun bad jinglehisynei, uba suki ban bitar bad uba pyn-i ïa ka jingieit bakhraw bad ïa ka jingïaineh skhem.

EKLESIASTIS 10:20

Wat wad daw ïa u syiem, wat ha kaba jar jar, bad wad daw ïa kiba riewspah, wat ha ka jingkyrpang ka kamra thiah jong phi. Ka sim ka lah ban rah ïa ka khubor bad ïathuh ha ki ïa kaei kaba phi kren.

ISAÏAH 19:20

Kin long ka dak jong ka jingdon ryngkat jong U Trai Badonbor Baroh ha Ijipt. Haba ïa ki briew hangta la banbeiñ bad ki la kyang jam sha U Trai ban ïoh jingïarap, un phah ïa uno uno ban pyllait ïa ki.

DEUTERONOMI 24:10

“Haba phi ai kylliang ei ei ïa uno uno u briew, wat leit rung sha ïing jong u ban shim ïa ka jaiñkup ban buh bynda ha phi;