EKSODOS 22:25 - Khasi CL Bible (BSI)

²⁵ “Haba phi ai pisa kylliang ha uba duk na ki briew jong nga, wat leh kum u nongai ram ban dawa bai sut na u.

KA BAIBL

²⁵ “Lada men ai kylliang sbai ha uwei u baduk na ki briew jong nga uba hajan jong me, men ym long ha u kum u nongshim than; lymne men ym kheiñ sut ïa u.

EKSODOS 22:25 ပူးပေါင်းရင်းမြစ်များ

2 SYIEM 4:1

Ka riewkynthei jong u dkhot ka kynhun ki nongïathuhlypa ka la leit sha u Elisha bad ka ong, “Kynrad, u tnga jong nga u la ïap! Kumba phi tip, u dei u briew uba sheptieng ïa U Blei, hynrei mynta u briew uba ai ram ïa u, u la wan ban shim noh ïa ki ar ngut ki khun shynrang jong nga ban long ki mraw kum ka jingsiew ïa ka ram u tnga jong nga.”

2 SYIEM 4:7

Ka la leit phai pat sha u Elisha, u nongïathuhlypa, uba la ong ïa ka, “Die ïa ka umphniang Olib bad siew dep ïa ki ram jong phi baroh, ban yn don bun ka tyngka kaba tam na ka bynta jong phi bad ki khun shynrang jong phi ban im.”

NEHEMAÏAH 5:7

Nga la pynrem ïa ki nongïalam bad ki rangbah synshar jong ki paidbah bad ong ïa ki, “Phi la banbeiñ ïa la ki para ki hynmen jong phi!” Nga la khot ïa ka jingïalang paidbah ban pynbeit ïa ka jingeh bad nga ong,

SALM 15:5

U ai ram khlem da kheiñ sut, bad u bym shah pynbam sap ban sakhi pyrshah ïa kiba lui lui. Uno uno uba leh ïa kine kiei kiei un ïailong uba skhem.

PROBERB 28:8

Lada phi ïoh spah da kaba kheiñ sut bad shim kabu ïa ki briew, ka spah jong phi kan leit sha uwei pat uba lehsbun ïa kiba duk.

JEREMAÏAH 15:10

A nga long u briew u bym don jingkmen! Balei ba i mei jong nga i wallam ïa nga sha ka pyrthei? Nga la dei ban ïakajia bad ïania bad uwei pa uwei ha ka ri. Ngam shym la ai kylliang ïa kano kano ka pisa lane shim kylliang ïa kano kano; pynban uwei pa uwei u tim ïa nga.

ESEKIEL 18:13

bad u ai kylliang pisa na ka bynta ban ïohnong. Hato un im? Em, un ym im. U la leh ïa kine kiei kiei baroh kiba ijli, bad kumta un ïap. Un long uba la shah kynnoh na ka bynta ka jingïap jong u hi.

ESEKIEL 18:17

U kyntait ban leh ïa kaba sniew bad um ju ai pisa kylliang ban ïohnong. U sumar ïa ki aiñ jong nga bad kohnguh ïa ki hukum jong nga. Un ym ïap na ka bynta ki pop jong u kpa jong u, hynrei un im da shisha.

ESEKIEL 18:7

Um ju shukor lane lute ïano ïano. U pynphai ïa kaei kaba u nongshim ram u buh bynda; u bsa ïa kiba thngan bad u ai jaiñ ïa kiba lyngkhuit.

ESEKIEL 18:8

Um ju ai pisa kylliang na ka bynta ban ïohnong. U kyntait ban leh ïa kaba sniew bad u ai ka jingrai kaba beit ha kano kano ka jingïakajia.

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

AMOS 2:8

Ha man ka jaka mane blei ki rangbah ki thiah ha ki jaiñ ïa kaba ki la shim na kiba duk kiba la buh bynda na ka bynta ki ram. Ha ka templ U Blei jong ki, ki dih ïa ka waiñ ba ki la shim na kito kiba ki shah pisa.

MATHAÏOS 25:27

Kumta, te, me la dei ban thep ïa ka pisa jong nga ha ka jaka kynshew pisa, bad ngan jin da la ïohpdiang ïa ka baroh lem bad ka sut haba nga la wan phai.

LOUKAS 19:23

Kumta, te, balei mem buh ïa ka pisa jong nga ha ka jaka kynshew pisa? Nangta te ngan jin da la ïohpdiang pat ïa ka lem bad ka sut haba nga la wan phai.’

DEUTERONOMI 15:7

“Lada don u para Israel uba kyrduh ha kano kano ka shnong kaba ha kata ka ri ba U Trai U Blei jong phi u ai ha phi, wat khim mynsiem bad wat kyntait ban ïarap ïa u;

DEUTERONOMI 24:13

pynphai pat ïa ka sha u man la ka janmiet ba un ïoh kup thiah da ka. Te un sngewnguh ïa phi, bad U Trai U Blei jong phi un sngewbha ïa phi.