EKSODOS 22:22 - Khasi CL Bible (BSI)

²² Wat lehbeiñ ïa ka riewkynthei ne ïa u khunswet.

KA BAIBL

²² Wat banbeiñ ïa kano kano ruh ka riewkynthei, lane ïa ki khunswet.

EKSODOS 22:22 ပူးပေါင်းရင်းမြစ်များ

Ka Kitab U Job 31:16

Ngam pat ju kyrngah ban ïarap ïa kiba duk; ngam pat ju shah ïa ki riewkynthei ban im jynjar

Ka Kitab U Job 34:28

Ki pynbor ïa kiba duk ban kyrpad jam sha U Blei, bad u la ïohsngew ïa ki jingpyrta jong ki ban ïoh jingïarap.

SALM 10:14

Hynrei me, me ïohi; me khmih ïa ka jingjynjar bad ka jingshah shitom, bad me ïailong uba la kloi ban ïarap. U briew u bym don nongïarap u aiti ïa lade ha me; me la ju ïarap ïa uba kyrduh.

SALM 34:7

U angel jong u, u ap phira ïa kito kiba pyndonburom ïa U Trai, bad u pyllait ïa ki na ka jingma.

PROBERB 22:23

U Trai un ïasaid ïa ka kam jong ki na ka bynta jong ki, bad un byrngem ïa ka jingim jong uno uno uba byrngem ïa ki.

PROBERB 23:10

Wat pynkynriah ïa u mawpud uba rim lane knieh ïa ka khyndew ba long trai da ki khunswet.

PROBERB 23:11

U Trai u long u nongkyrshan uba donbor jong ki, bad un ïasaid ïa ka kam jong ki pyrshah ïa phi.

ISAÏAH 1:17

bad to nang ban leh ïa kaba dei. Khmih ba yn leh ïa ka jingbishar hok — ïarap ïa kito kiba shah banbeiñ, ai ha ki khunswet ïa ki hok jong ki, bad ïada ïa ki riewkynthei.”

ISAÏAH 1:23

Ki nongïalam jong pha ki long ki nongïaleh pyrshah bad ki paralok jong ki nongtuh; ki ju pdiang ïa ki jingai sngewbha bad ïa ki jingai tyngka bymdei. Kim ju ïada ïa ki khunswet ha ka ïingbishar lane shahshkor haba ki riewkynthei ki kren ïa ka kam jong ki.

ISAÏAH 10:2

Kata ka long kumno ba phi khang ïa kiba duk na kaba ïohpdiang ïa ki hok jong ki bad na kaba ïohpdiang ïa ka jingbishar hok. Kata ka long kumno ba phi knieh ïa ka jingdon jingem kaba dei jong ki riewkynthei bad ki khunswet.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

JEREMAÏAH 7:7

Lada phi kylla, ngan shah ïa phi ban ïaisah hangne hapoh ka ri kaba nga la ai ha ki kpa tymmen jong phi kum ka jingdon jingem kaba neh.

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

SEKHARAÏAH 7:10

Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 23:14

A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi shim kabu ïa ki riewkynthei bad phi knieh noh ïa ki ïing jong ki, bad nangta phi pyn-i ïa ka jingduwai bajlan! Namar kane, ka jingpynshitom ïa phi kan long kaba kham sniew!

DEUTERONOMI 10:18

U lehhok ïa ki khunswet bad ïa ki riewkynthei; u ieit ïa ki nongwei kiba don bad ngi, bad u ai bam bad ai kup ai sem ïa ki.

DEUTERONOMI 15:9

Wat kyntait ban ai kylliang ei ei ïa u, tang namar ba ka snem map ram ka la jan poi. Wat shah ba kum kata ka jingmut bymman kan rung ha phi. Lada phi kyntait ban ai kylliang, un sa kyang ha U Trai pyrshah ïa phi, te kan long pop ha phi.

DEUTERONOMI 24:17

“Wat pynduh ïa ki hok jong ki nongwei lane ki khunswet, bad wat shim ïa ka jaiñkup jong ka riewkynthei kum ka bynda ïa kano kano ka ram.

DEUTERONOMI 24:18

Kynmaw ba phi la long ki mraw ha Ijipt bad ba U Trai U Blei jong phi u la pyllait ïa phi; dei namar kata ba nga la ai ha phi ïa kane ka hukum.

DEUTERONOMI 27:19

“ ‘Ka jingtim U Blei kan hap ha uta u briew uba pynduh ïa ki hok jong ki nongwei, ki khunswet, bad ki riewkynthei.’ “Bad u paidbah baroh un jubab lang, ‘Amen!’

JAKOB 1:27

Kaei kaba U Blei uba U Kpa u ñiew ba ka long kaba sngur bad ka jinglong riewblei bashisha ka long kane: Ban leit khmih ïa ki khunswet bad ïa ki riewkynthei ha ka jingshitom jong ki bad ban ri noh ïa lade kiba khlem thohbria na ka jong ka pyrthei.