EKSODOS 22:21 - Khasi CL Bible (BSI)

²¹ “Wat lehbeiñ ne pynshitom beiñ ïa u nongwei; kynmaw ba phi ruh phi la long ki nongwei ha Ijipt.

KA BAIBL

²¹ “Men ym pynshitom lane banbor ïa u nongwei: naba phi hi phi la ju long nongwei ha ka ri Ijipt.

EKSODOS 22:21 ပူးပေါင်းရင်းမြစ်များ

Ka Kitab U Job 6:27

Phi te phi nud ban kynting sbai ïa ki khunswet mraw bad pynlong riewspah ïa lade na ki paralok bajan tam eh.

SALM 146:9

U ïada ïa ki nongwei kiba shong basah ha ka ri jong ngi; u ïarap ïa ki riewkynthei bad ki khunswet, hynrei u leit lam ïa ki bymman sha ka jingjot jong ki.

EKSODOS 20:2

“Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

EKSODOS 23:9

“Wat lehbeiñ ïa u nongwei; phi tip kumno phi sngew ban long u nongwei, naba phi la ju long ki nongwei ha ka ri Ijipt.

ISAÏAH 1:17

bad to nang ban leh ïa kaba dei. Khmih ba yn leh ïa ka jingbishar hok — ïarap ïa kito kiba shah banbeiñ, ai ha ki khunswet ïa ki hok jong ki, bad ïada ïa ki riewkynthei.”

JEREMAÏAH 22:3

“Ma nga, U Trai, nga hukum ïa phi ban leh ïa kaei kaba hok bad kaba beit. Ïada ïa u briew uba shah thok na uta uba shukor ïa u. Wat lehbeiñ ne banbeiñ ïa ki nongwei, ki khunswet, ne ki riewkynthei, bad wat pynïap ïa ki briew kiba lui lui ha kane ka jaka kaba khuid.

JEREMAÏAH 7:6

Sangeh ban shim kabu ïa ki nongwei, ki khunswet, bad ïa ki riewkynthei. Sangeh ban pynïap ïa ki briew balui lui hapoh kane ka ri. Sangeh ban mane ïa kiwei pat ki blei, namar kata kan pynjot ïa phi.

ESEKIEL 22:7

Ym don uwei ruh ha ka nongbah uba burom ïa la ki kmie ki kpa. Phi shukor ïa ki nongwei bad shim kabu ïa ki riewkynthei bad ki khunswet.

LEBITIKOS 19:13

“Wat shim kabu ïano ïano lane ban lute ïa u. Wat pynsah ïa ka bainong jong uno uno u briew uba phi la khot bylla, wat tang shi miet ruh.

LEBITIKOS 19:33

“Wat lehbeiñ ïa ki nongwei kiba shong ha ka ri jong phi.

LEBITIKOS 19:34

Leh ïa ki kumba phi leh ïa la u para Israel, bad ieit ïa ki kumba phi ieit ïa lade. Kynmaw ba phi ruh shisien phi la long ki nongwei ha ri Ijipt. Nga long U Trai U Blei jong phi.

LEBITIKOS 25:35

Lada uno uno u para Israel uba shong marjan bad phi u kylla duk bad um lah shuh ban kyrshan hi ïa lade, phi dei ban ïarap ïa u kumba phi leh ïa u nongtrei, khnang ba u lah ban ïailong u paramarjan jong phi.

SEKHARAÏAH 7:10

Wat banbeiñ ïa ki riewkynthei, ki khunswet, ki nongwei kiba shong basah hapdeng jong phi, lane mano mano kiwei pat kiba kyrduh. Bad wat pyrkhat ïa ki rukom ban pynmynsaw iwei ïa iwei pat.’

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

DEUTERONOMI 1:16

“Ha ka por ba thung, nga la hikai ïa ki, ‘Sngap bha ïa ki kam ïakajia kiba mih hapdeng ki briew jong phi. Bishar hok ïa kawei pa kawei ka kam, la ka long tang hapdeng ki briew jong phi, ne ka ïadei ruh bad ki nongwei kiba shong basah hapdeng jong phi.

DEUTERONOMI 10:18

U lehhok ïa ki khunswet bad ïa ki riewkynthei; u ieit ïa ki nongwei kiba don bad ngi, bad u ai bam bad ai kup ai sem ïa ki.

DEUTERONOMI 10:19

Namar kata, ieit ïa kita ki nongwei, namar phi ruh phi la long ki nongwei ha ka ri Ijipt.

DEUTERONOMI 15:15

Kynmaw ba phi ruh phi la long ki mraw ha Ijipt bad U Trai U Blei jong phi u la pyllait ïa phi; dei namar kata ba nga ai ha phi mynta ka sngi ïa kane ka hukum.

DEUTERONOMI 23:16

Ki lah ban shong bad phi ha kano kano ka shnong ba ki mon, bad phim dei ban lehbeiñ ïa ki.

DEUTERONOMI 23:7

“Wat ibeiñ ïa ki Edom; ki long hi ki para jong phi. Bad wat ibeiñ ïa ki Ijipt; phi la shong shipor ha ka ri jong ki.

DEUTERONOMI 24:17

“Wat pynduh ïa ki hok jong ki nongwei lane ki khunswet, bad wat shim ïa ka jaiñkup jong ka riewkynthei kum ka bynda ïa kano kano ka ram.

DEUTERONOMI 27:19

“ ‘Ka jingtim U Blei kan hap ha uta u briew uba pynduh ïa ki hok jong ki nongwei, ki khunswet, bad ki riewkynthei.’ “Bad u paidbah baroh un jubab lang, ‘Amen!’