EKSODOS 22:20 - Khasi CL Bible (BSI)

²⁰ “Rai pynïap ïa uba kñia ainguh ha uno uno u blei, lait tang ha nga U Trai.

KA BAIBL

²⁰ “Yn pynduh noh ïa uta uba kñia ainguh ha kiwei pat ki blei, nalor jong U Trai hi.

EKSODOS 22:20 ပူးပေါင်းရင်းမြစ်များ

1 SYIEM 18:40

U Elijah u hukum bad ong, “Kem ïa ki nongïathuhlypa jong u Baal; wat ai ba uno uno na ki un lait phet!” Ki paidbah ki la kem ïa ki baroh, bad u Elijah u la ïalam ïa ki sha ka wah Kishon bad pynïap ïa ki.

2 SYIEM 10:25

Tang mar shu dep ai ïa ki jingkñia, u Jehu u ong ha kita ki nongap bad ki rangbah pynïaidkam, “Khie rung bad pynïap ïa ki baroh, wat shah ïano ïano ban lait im!” Ki la leit rung shapoh bad ki waitlam, ki la pynïap ïa ki baroh, bad ki la paring shabar ïa ki met. Nangta ki la leit sha ka jaka kyntang kaba shapoh jong ka templ,

2 KHRONIKL 15:13

Mano mano, samla ne tymmen, shynrang ne kynthei, ki bym mane ïa U, la pynïap.

EKSODOS 23:9

“Wat lehbeiñ ïa u nongwei; phi tip kumno phi sngew ban long u nongwei, naba phi la ju long ki nongwei ha ka ri Ijipt.

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

EKSODOS 34:15

Wat ïateh kano kano ka jutang bad ki briew jong kata ka ri, namar haba ki mane ïa ki blei thala jong ki, bad kñia ha ki, kin sa khot sngewbha ïa phi ban ïasoh bad ki, bad phin shah pynshoi ban bam ïa ka jingbam ba ki ai ïa ki blei jong ki.

ESEKIEL 20:7

Nga la bthah ïa ki ban bret noh ïa ki bleithaw ba-ijli kiba ki la ieit bad ban ym pynlong ïa lade ki bymkhuid da ki blei ba-thala jong ka Ijipt, namar ba nga, nga long U Trai U Blei jong ki.

LEBITIKOS 17:7

Ki Israel kim dei shuh ban lyndet ïa U Trai da kaba pynïap ïa ki mrad jong ki ha lum ha wah la kum ba kñia ainguh ïa ki sha ki ksuid. Ki paid Israel ki dei ban sumar ïa kane ka aiñ pateng la pateng.

LEBITIKOS 19:33

“Wat lehbeiñ ïa ki nongwei kiba shong ha ka ri jong phi.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

JINGKHEIÑ 21:3

U Trai u la shahshkor ïa ki bad u ïarap ïa ki ban jop ïa ki nong Kanaan. Kumta ki Israel ki la pynjot thiaw ïa ki bad ïa ki shnong jong ki, bad ki la khot kyrteng ïa kata ka jaka ka Hormah.

DEUTERONOMI 10:18

U lehhok ïa ki khunswet bad ïa ki riewkynthei; u ieit ïa ki nongwei kiba don bad ngi, bad u ai bam bad ai kup ai sem ïa ki.

DEUTERONOMI 18:20

Hynrei lada uno uno u nongïathuhlypa u nud ban kren ha ka kyrteng jong nga ïa ka khubor kaba ngam shym la hukum ïa u, u dei ban ïap namar kata; bad uno uno u nongïathuhlypa uba kren ha ka kyrteng jong kiwei pat ki blei u ruh u dei ban ïap.’

DEUTERONOMI 23:8

Ïa ki khun ki ksiew jong ki naduh kaba lai pateng bynriew ter ter lah ban kynthup hapdeng ki briew U Trai.

DEUTERONOMI 24:17

“Wat pynduh ïa ki hok jong ki nongwei lane ki khunswet, bad wat shim ïa ka jaiñkup jong ka riewkynthei kum ka bynda ïa kano kano ka ram.