EKSODOS 21:36 - Khasi CL Bible (BSI)

³⁶ Hynrei lada la tip ba uta u masi kyrtong mynshuwa ruh u dei uba la tynrah teng, bad u trai jong u um shym set ïa u, u dei ban buria da kaba ai ïa uta uwei pat da u masi kyrtong uba im, bad un ïoh ma u ïa uta uba ïap.

KA BAIBL

³⁶ Lane lada la lah tip ba uta u masi u la ju tur mynshuwa, bad u trai jong u um shym la set noh ïa u; shisha un da buria masi kylliang, bad ïa uta u baïap un ïoh sha u keiñ.

EKSODOS 21:36 ပူးပေါင်းရင်းမြစ်များ

EKSODOS 21:29

Hynrei lada uta u masi kyrtong mynshuwa ruh u dei uba la tynrah briew teng, bad u trai jong u um shym set ïa u wat haba la maham ïa u — te, lada u tynrah ïano ïano, shynrang ne kynthei haduh ban da ïap, dei ban lynthem maw ïa u, bad u trai jong u ruh u dei ban shah pynïap.

EKSODOS 21:35

Lada u masi kyrtong jong uwei u briew u pynïap ïa u masi kyrtong jong uwei pat, kita ki trai kin die ïa u masi kyrtong uba dang im bad kin ïasam ïa ka pisa; kin ïasam ruh ïa ka doh jong uta u mrad uba shah pynïap.

EKSODOS 22:1

“Lada u briew u tuh ïa ka masi ne ïa ka langbrot bad u pynïap ïa ka ne u die ïa ka, u dei ban hap siew pat da san tylli ki masi ïa kawei ka masi, bad saw tylli ki langbrot ïa kawei ka langbrot.

LEBITIKOS 24:18

bad uno uno uba pynïap ïa u jingri jong uwei pat u briew, un buria ïa u, ka jingim namar ka jingim.