EKSODOS 21:20 - Khasi CL Bible (BSI)

²⁰ “Lada u briew u shoh da u dieng ïa la u mraw, la u shynrang ne ka kynthei, bad uta u mraw u ïap ha shen, uta u kynrad u dei ban shah pynshitom.

KA BAIBL

²⁰ “Te lada u briew un shoh ïa la u shakri, lane ïa la ka shakri, da u dieng, ba u ïap shen ha ka kti jong u; ka dei shisha ban pynhiar kput ïa u.

EKSODOS 21:20 ပူးပေါင်းရင်းမြစ်များ

JENESIS 4:15

Te U Trai u jubab, “Em. Lada uno uno ruh u pynïap ïa me, yn sa pynïap hynñiew ki mynsiem ha ka jingpynhiarkput.” Kumta U Trai u buh ka dak ha u Kain ban maham ïano ïano ba ïashem ïa u ban ym pynïap ïa u.

JENESIS 4:24

Lada hynñiew ngut ki mynsiem yn pynïap ban siew na ka bynta ka jingpynïap ïa u Kain, Hynñiewphew hynñiew ngut ki mynsiem yn pynïap lada uno uno u pynïap ïa nga.”

JENESIS 9:6

Ïa ki briew la thaw ha ka dur jong U Blei hi, kumta uno uno uba pynïap ïa uwei na ki, u ruh un shah pynïap ha uwei pat.

EKSODOS 21:19

lada uta uba shah shoh u hap thiah pang, hynrei hadien u lah ban khie pat bad ban ïaid shabar da kaba kyrshan ha u diengduh, uta uba shoh ïa u, u dei ban buria ïa ka por kaba u la duh bad ban sumar na ka bynta jong u haduh ba un da jem bha.

EKSODOS 21:21

Hynrei lada uta u mraw u im shi sngi lane ar sngi, uta u briew um dei ban shah pynshitom. Ka jingduh jong u ïa la u mraw uba long ka spah jong u ka la long hi ka jingpynshitom.

PROBERB 29:19

Phim lah ban pynbeit ïa u shakri tang da kaba kren ïa u. U lah ban sngewthuh ïa phi, hynrei un ym pynleit jingmut.

JINGKHEIÑ 35:19

U kur uba jan jong u briew uba la ïap u don ka jingkitkhlieh ban pynïap ïa uta u nongpynïap briew. Haba u ïakynduh ïa u, u dei ban pynïap ïa u.

Ka Shithi U Paul Sha Ki Nong Rom 13:4

namar u long u shakri jong U Blei uba trei na ka bynta ka jingbha jong phi hi. Hynrei lada phi leh ïa kaba sniew, te to sheptieng ïa u, namar ka bor jong u ban pynshitom ka long kaba dei. U long u shakri jong U Blei bad u pyntreikam ïa ka jingpynshitom U Blei halor kito kiba leh ïa kaba sniew.

DEUTERONOMI 19:21

Ha kum kita ki mokotduma, wat ju leh-isynei; ka jingpynshitom kan long ka jingim namar ka jingim, ka khmat namar ka khmat, ka bniat namar ka bniat, ka kti namar ka kti, bad ka kjat namar ka kjat.