EKSODOS 21:14 - Khasi CL Bible (BSI)

¹⁴ Hynrei haba u briew da kaba bitar u pynïap khnang ïa uwei pat, dei ban pynïap ïa u, wat la u wan ban rieh ha ka duwan jong nga.

KA BAIBL

¹⁴ Hynrei, lada u briew un da wan da ka bamut sniew lypa ïa la u paramarjan, khnang ban pynïap ïa u da ka jingshukor; to shim ïa u ïa ka ban pynïap noh, wat na ka duwan jong nga ruh.

EKSODOS 21:14 ပူးပေါင်းရင်းမြစ်များ

2 SAMUEL 3:27

Haba u Abner u la wan poi ha Hebron, u Joab u ïalam ïa u kham sharud ha ka khyrdop, kumba u kwah ban ïakren jar jar bad u, bad hangta u la dung ïa u na ka kpoh. Bad kumta la pynïap ïa u Abner namar ba u la pynïap ïa u Asahel, u para u Joab.

2 SYIEM 11:15

U Jehoïada um kwah ba ka Athalaïah kan shah pynïap ha ka phyllaw ka Templ, te u hukum ïa ki rangbah shipai: “Rah ïa ka shabar napdeng ki ar laiñ ba ïeng ki nongap phira, bad pynïap ïa uwei pa uwei uba pyrshang ban pyllait im ïa ka.”

SALM 19:13

To sumar ïa nga ruh na ki pop leh khnang; wat shah ïa ki ban synshar halor jong nga. Te ngan long uba janai bad lait na ka jingsniew jong ka pop.

EKSODOS 21:15

“Uta uba shoh ïa la u kpa ne ïa la ka kmie u dei ban shah pynïap.

PROBERB 28:17

U briew uba shah pynrem ba u pynïap briew u tih ïa la ka jong ka jingtep kloi katba lah. Wat pyrshang ban pynsangeh ïa u.

JINGKHEIÑ 35:16

“Lada, kumno re kumno, uwei na phi u pyndonkam da ka atiar nar lane maw lane dieng ban pynïap ïano ïano, uta u long uba rem ha ka jingpynïap bad u dei ban shah pynïap.

DEUTERONOMI 1:43

Nga la ïathuh ha phi ïa kaba U Trai u la kren, hynrei phim patiaw satia; phi la ïaleh pyrshah pynban ïa u, bad da ka mynsiem kaba sngewmeng phi la leit kiew sha kata ka ri lum.

DEUTERONOMI 18:22

Lada u nongïathuhlypa u kren ha ka kyrteng U Trai bad kata kaba u kren kam shym urlong, kata kam dei ka khubor U Trai. Uta u nongïathuhlypa u la kren na lade hi, bad phim dei ban sheptieng ïa u.

DEUTERONOMI 27:24

“ ‘Ka jingtim U Blei kan hap ha uta u briew uba pynïap briew ha kaba rieh.’ “Bad u paidbah baroh un jubab lang, ‘Amen!’

HEBRU 10:26

Naba yn ym don shuh kano kano ka jingkñia kaba lah ban kit noh ïa ki pop lada ngi ïai leh pop hadien ba ngi la tip ïa ka jingshisha.

2 PETROS 2:10

Kine ki nonghikai balamler ki long kiba shlur bad kiba kyr-eit, bad kim pyn-i jingñiewburom ïa ki jingthaw ba kynja bneng; pynban ki krenbeiñ ïa ki.