EKSODOS 21:1 - Khasi CL Bible (BSI)

¹ “Ai ha ki Israel ïa kine ki hukum harum:

KA BAIBL

¹ “Te kine ki long ki jingbishar ïa kiba men buh ha khmat jong ki.

EKSODOS 21:1 ပူးပေါင်းရင်းမြစ်များ

1 SYIEM 6:12

“Lada me kohnguh ïa ki aiñ bad ki hukum jong nga baroh, ngan leh na ka bynta jong me kumba nga la kular ïa u Dabid u kpa jong me.

2 KHRONIKL 19:10

Haba ki para nongshong shnong na kino kino ki nongbah ki wallam ha khmat jong phi ïa ka kam pynïap briew ne kano kano ka jingpynkheiñ ïa ka aiñ ne ka hukum, phi dei ban bthah bha ïa ki kumno ba ki dei ban leh donakor ïa lade ha ka por jong ka jingbishar, khnang ba kin ym leh pop pyrshah ïa U Trai. Lada phim leh kumta, ma phi bad ki para nongshong shnong jong phi, kin sngew ïa ka bor jong ka jingbitar U Trai. Hynrei lada phi leh ïa la ka kamram, phin long kiba la ksan.

NEHEMAÏAH 10:29

hangne ngi ïasnohlang bad ki nongïalam jong ngi ha ka jingbam-smai, hapoh ka jingpynshitom jong ka jingtim, lada ngi pynkheiñ ïa ka, ba ngin im kat kum ka Hukum U Blei, kaba U Blei u la ai lyngba u shakri jong u, u Moses; ba ngin kohnguh ïa baroh kaba U Trai, U Trai jong ngi, u hukum ïa ngi; bad ba ngin sumar ïa baroh ki hukum bad ki jingkwah jong u.

SALM 147:19

U ai ïa ka khubor jong u sha ki briew jong u, ki jingbthah bad ki aiñ jong u ïa ki Israel.

EKSODOS 19:7

Kumta u Moses u wan hiar bad u la khot lang ïa ki nongïalam jong ki Israel, bad ïathuh ha ki ïa kaei kaei baroh kaba U Trai u la hukum ïa u.

ESEKIEL 20:11

Nga la ai ha ki ïa ki hukum jong nga bad nga la hikai ha ki ïa ki aiñ jong nga, kiba wallam ka jingim ïa uno uno uba kohnguh ïa ki.

ESEKIEL 20:25

“Nangta nga la ai ha ki ïa ki aiñ ki bym long kiba bha, bad ïa ki hukum ki bym lah ban wanrah jingim.

LEBITIKOS 18:26

Ki la leh ïa kita ki kam kiba ijli bad pyntngit ïa ka ri, hynrei phi phim dei ban leh ïa ki. Baroh na phi, la ki Israel ne ki nongwei kiba wan shong hapdeng jong phi, phi dei ban sumar ïa ki aiñ bad ki hukum U Trai,

LEBITIKOS 18:5

Bud ïa ki rukom leh bad ki hukum kiba nga ai ha phi; da kaba leh kumta, phin ïoh im. Nga long U Trai.”

LEBITIKOS 19:37

Kohnguh ïa ki aiñ bad ki hukum jong nga baroh. Nga long U Trai.”

LEBITIKOS 20:22

“Sumar ïa ki aiñ bad ki hukum jong nga baroh, ba kumta phin ym shah kyntait ha ka ri Kanaan sha kaba ngan ïalam ïa phi.

MALAKHI 4:4

“To kynmaw ïa ki jinghikai u Moses u shakri jong nga, ki aiñ bad ki hukum kiba nga la ai ha u ha u Lum Sinai na ka bynta ki paid Israel baroh ban kohnguh.

JINGKHEIÑ 35:24

Ha kum kine ki khep, u paidbah un rai pynksan ïa phi bad ym ïa u kur jong uba ïap uba wad pynhiarkput.

JINGKHEIÑ 36:13

Kine ki long ki aiñ bad jingbuhbeit ryntih kiba U Trai u la ai ha ki Israel lyngba u Moses ha ki pyntha ka Moab sha shiliang ka wah Jordan na Jerikho.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

DEUTERONOMI 15:12

“Lada u para Israel, shynrang lane kynthei, ki die mraw ïa lade ha phi, phi dei ban pyllait ïa ki hadien ba ki la shakri ïa phi hynriew snem. Ha ka snem kaba hynñiew phi dei ban pyllait ïa ki.

DEUTERONOMI 4:14

U Trai u la hukum ïa nga ban hikai ïa phi ïa ki aiñ bad ki hukum baroh ïa kiba phi dei ban sumar bad leh ha kata ka ri sha kaba phin sa leit bad ïohkynti.

DEUTERONOMI 4:45

Dei hadien ba ki la wan mih na Ijipt bad mynba ki don ha kata ka them kaba sha mihngi na ka wah Jordan, marpyrshah ïa ka shnong Bethpeor, ba u ai ha ki ïa kine ki hukum. Kane ka long ha ka hima u Sihon u syiem Amor, uba synshar ha ka shnong Heshbon. Mynba U Moses bad ki Israel ki la jop ïa u ynda ki la mih na Ijipt.

DEUTERONOMI 4:5

“Nga la hikai ïa phi ïa ki hukum, kumba U Trai U Blei jong nga u la hukum ïa nga. Sumar bad leh ïa ki ha kata ka ri sha kaba phin sa leit bad ïohkynti.

DEUTERONOMI 4:8

Ym don kawei pat ka jaitbynriew, la ka khraw katno katno, kaba don ki aiñ kiba hok kat kito kiba nga la hikai ïa phi mynta ka sngi.

DEUTERONOMI 5:1

U Moses u khot lang ïa ki Israel baroh bad u ong ha ki, “Ko phi ki Israel, shahshkor ïa ki hukum baroh ïa kiba ngan ai ha phi mynta ka sngi. Pule ïa ki bad pynthikna ba phi kohnguh ïa ki.

DEUTERONOMI 5:31

Hynrei me pat, Moses, men sah hangne bad nga, bad ngan ai ha me ïa ki aiñ bad ki hukum jong nga baroh. Hikai ïa ki ha u paidbah ba kin sumar bad leh ïa ki ha kata ka ri ïa kaba ngan ai ha ki.’

DEUTERONOMI 6:1

“Kine ki long ki aiñ baroh ïa kiba U Trai U Blei jong phi u la hukum ïa nga ban hikai ïa phi. Sumar bad leh ïa ki ha kata ka ri sha kaba phin sa leit bad ïohkynti.

DEUTERONOMI 6:20

“Hadien habud, ki khun ki kti jong phi kin kylli ïa phi, ‘Balei mo U Trai U Blei jong ngi u ong ïa ngi ban kohnguh ïa kine ki hukum baroh?’

1 THESSALONI 4:1

Ha kaba wai noh, ko parabangeit jong ngi, phi la ïohnang na ngi kumno phi dei ban im khnang ban pynsngewbha ïa U Blei. Kane ka long da shisha, kumno phi la ju im. Bad mynta ngi kyrpad bad kyntu ïa phi ha ka kyrteng jong U Trai Jisu ban leh kham bha shuh shuh.