EKSODOS 20:5 - Khasi CL Bible (BSI)

⁵ Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

KA BAIBL

⁵ men ym dem ïa ki, lymne shakri ïa ki: naba nga U Trai uba U Blei jong me nga long U Blei u bathut shen, uba pynwan ïa ka jingpalat ki kpa ha ki khun, haduh ka balai bad ka basaw pateng bynriew jong kiba isih ïa nga;

EKSODOS 20:5 ပူးပေါင်းရင်းမြစ်များ

2 SAMUEL 21:1

Ha ka por ka jingsynshar jong u Dabid, la don ka 'nemsniew kaba jur kaba la neh haduh lai snem lynter. Kumta u Dabid u kylli na U Trai shaphang kata bad U Trai u ong, “U Saul bad ka longïing jong u ki long kiba rem ha ka jingpynïap briew; u la pynïap ïa ki paid Gibeon.”

2 SAMUEL 21:6

Kumta aiti ha ngi hynñiew ngut na ki khun ki ksiew shynrang jong u, bad ngin phasi ïa ki ha khmat U Trai ha Gibeah, ka shnong trai jong u Saul, u syiem ba la jied da U Trai.” “Ngan aiti ïa ki,” u syiem u ong.

1 SYIEM 19:10

U jubab, “A Trai, U Blei Badonbor Baroh, nga la shakri ïa me borabor — tang ïa me hi. Hynrei ki paid Israel ki la pynkheiñ ïa ka jutang bad me, ki la pynpra ïa ki duwan jong me bad pynïap ïa baroh ki nongïathuhlypa jong me. Dei tang ma nga uba dang sah — bad ki la pyrshang ban pynïap ïa nga ruh!”

1 SYIEM 21:29

“Me la ïohi ne em kumno u Ahab u la pynrit ïa lade ha khmat jong nga? Namar ba u la leh kumne, ngan ym pynjot ïa u katba u dang im; kan long ha ka pateng u khun jong u, ba ngan wallam ka jingjot ha ka longïing jong u Ahab.”

2 SYIEM 17:35

U Trai u la pynlong ka jutang bad ki bad u la hukum ïa ki: “Wat mane ïa kiwei ki blei; wat dem khrup ha ki lane shakri ïa ki lane ai ki jingkñia ïa ki.

2 SYIEM 17:41

Kumta kito ki briew ki la mane ïa U Trai, hynrei ki mane ruh ïa ki bleithaw jong ki; bad haduh kane ka sngi kiba hiarpateng na ki, ki ïai leh kumjuh.

2 SYIEM 23:26

Hynrei ïa ka jingbitar shla U Trai la pynkhih pyrshah ïa ka Judah da kaei kaba u syiem Manasseh u la leh, bad wat mynta ruh kam shym la duh noh.

2 SYIEM 5:18

Kumta nga kyrmen ba U Trai un map ïa nga haba nga synran ïa la u syiem sha ka templ u Rimmon, u blei Syria, bad mane ïa u. Da shisha U Trai un map ïa nga!”

2 SYIEM 5:27

Bad mynta ka jingpang jong u Naaman kan wan halor jong me, bad ma me bad ki khun ki ksiew jong me kin ïoh ïa ka shi junom!” Haba u Gehasi u la mihnoh, u la ïoh ïa ka jingpang — ka sniehdoh jong u ka la lieh kum ka ïor.

2 KHRONIKL 25:14

Haba u Amasaïah u la wan phai na ka jingjop ïa ki Edom, u wanrah ïa ki bleithaw jong ki lem bad u, u pynïeng ïa ki, u la mane ïa ki, bad u thang jingiwbih ïa ki.

2 KHRONIKL 7:19

Hynrei lada ma me bad ki briew jong me kin ym kohnguh ïa ki aiñ bad ki hukum ïa kiba nga la ai ha phi, bad phi mane ïa kiwei pat ki blei,

Ka Kitab U Job 21:19

Phi ong ba U Blei u pynshitom ïa u khun namar ki pop jong u kpa. Em! Ai ba U Blei un pynshitom ki nongpop hi; ai ba un pyn-i ba u leh ïa ka, namar ki pop jong ki.

Ka Kitab U Job 5:4

Ki khun jong ki da lei lei kin ym shem jingshngain; ym don u ban ïeng ban ïada ïa ki ha ïingbishar.

SALM 109:14

Ai ba U Trai un kynmaw ïa kaba sniew jong ki kpa tymmen jong u bad ba yn ym map shuh ïa ki pop ka kmie jong u.

SALM 78:58

Ki la pynbitar ïa u da ki jaka mane blei jong ki bymngeit, bad da ki bleithaw jong ki, ki pynlong ïa u ban bitar shla.

SALM 79:8

Wat pynshitom ïa ngi namar ki pop jong ki kpa tymmen jong ngi. To isynei halor jong ngi mynta; ngi la duh ïa ka jingkyrmen baroh.

SALM 81:15

Kito kiba isih ïa nga kin dem ngon ha ka jingsheptieng ha khmat jong nga, ka jingpynshitom ïa ki kan neh junom.

EKSODOS 23:24

Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

EKSODOS 34:14

“Wat mane ïa uno uno uwei pat u blei, namar ba ma nga, U Trai, ngam lah shah ïa kino kino ki ban ïakob ïa nga.

PROBERB 8:36

U briew u bym shem ïa nga u pynmong ïa lade; kat uba isih ïa nga u ieit ïa ka jingïap.”

ISAÏAH 44:15

U briew u pyndonkam shi bynta jong u dieng ban thang ding bad shi bynta jong u ban pynlong bleithaw. Da shi bynta u pynmeh ding ban pynsyaid ïa lade bad shet kpu; da kawei pat ka shi bynta u shna blei bad mane ïa ka.

ISAÏAH 44:19

U nongshna ïa ki bleithaw um don ka jingpuson ne ka jingshemphang ban ong, “Khyndiat na ka dieng nga thang duh. Nga shet khyndiat u kpu halor ki rnga bad nga syang doh bad nga la bam ïa ka. Bad kaba sah na ka dieng nga shna bleithaw. Hangne nga don ban nguh dem ïa u dieng tylli!”

JEREMAÏAH 2:9

“Bad kumta ma nga, U Trai ngan buh biang ïa ka mokotduma pyrshah ïa ki briew jong nga. Ngan wanrah ki jingmudui pyrshah ïa ki khun ki ksiew jong ki.

JEREMAÏAH 32:18

Me la pyn-i ïa ka jingieit baneh sha ki hajar, hynrei me pynshitom ruh ïa ki briew na ka bynta ki pop ki kmie ki kpa jong ki. Me long U Blei bakhraw bad badonbor; me long U Trai Badonbor Baroh.

ESEKIEL 18:19

“Hynrei phi kylli, ‘Balei ba u khun un ym shahshitom namar ki pop jong u kpa jong u?’ Ka jubab ka long ba u khun jong u la leh ïa kaei kaba dei bad kaba bha. U la sumar ïa ki aiñ jong nga bad u la bud biang biang ïa ki, bad kumta un im da shisha.

ESEKIEL 18:2

bad u ong, “Kaei kane ka proberb kaba ki briew ki ïai kren ha ka ri Israel? “ ‘Ki kmie ki kpa ki bam ïa ki sohwaiñ bajew, hynrei ki khun ki la ïoh ka jingmad bajew.’

ESEKIEL 20:7

Nga la bthah ïa ki ban bret noh ïa ki bleithaw ba-ijli kiba ki la ieit bad ban ym pynlong ïa lade ki bymkhuid da ki blei ba-thala jong ka Ijipt, namar ba nga, nga long U Trai U Blei jong ki.

ESEKIEL 39:25

U Trai Nongsynshar u ong, “Hynrei mynta ngan sngewsynei ïa ki khun ki ksiew u Jakob, ki briew ka Israel, bad ngan pynmanbha biang ïa ki. Ngan ïada ïa la ka kyrteng bakhuid jong nga.

ESEKIEL 8:3

U la kner kaei kaei kaba i kum ka kti bad u shim trait ïa nga na u 'ñiuhkhlieh. Te ha kane ka jingïohipaw, U Mynsiem jong U Blei u la rah artet ïa nga ha ka lyer bad u ïalam ïa nga sha Jerusalem. U la rah ïa nga sha ka jaka rung kaba kham hapoh jong ka khyrdop kaba shaphang shatei jong ka Templ, ha kaba la don ka dur bleithaw kaba long ka jingpynbitar ïa U Blei.

DANIEL 1:2

U Trai u la shah ïa u ban kem ïa u Syiem Jehoïakim bad kurup katto katne ki jingkynshew jong ka Templ. U la shim pat katto katne ngut ki koidi lem bad u sha ka templ jong ki blei jong u ha Babilon, bad u la buh ïa ka jingkynshew ba la ïoh kurup ha ki jaka kynshew ka templ.

DANIEL 3:18

Hynrei wat lada um leh, to u Syiem Kynrad un tip skhem ba ngin ym mane ïa u blei jong phi, bad ngin ym dem ngon sha ka durbriew ksiar kaba phi la phah pynïeng.”

LEBITIKOS 20:5

nga hi ngan phai pyrshah ïa uta u briew bad ïa ka ïing jong u baroh bad ïa kito baroh kiba ïadon kti bad u ha kaba leh lyndet ïa nga bad ha kaba mane ïa u Molekh. Ngan ym ñiew shuh ïa ki ba ki dei ki briew jong nga.

LEBITIKOS 26:1

U Trai u ong, “Wat thaw ki bleithaw lane pynïeng durblei, ki païa maw, lane ohdur ha ki maw ban mane ïa ki. Nga long U Trai U Blei jong phi.

LEBITIKOS 26:29

Namar ba la palat ka jingthngan, phin hap bam sa ïa la ki jong ki khun.

NAHUM 1:2

U Trai U Blei um lah shah ïa kino kino ki nongïaleh pyrshah; u pynshitom ïa kito kiba ïeng pyrshah ïa u. Ha ka jingbitar jong u, u siew kylliang ïa ki.

JINGKHEIÑ 14:18

‘Nga, U Trai nga long uba suki ban bitar, bad nga pyn-i ïa ka jingieit bakhraw bad ka jingïaineh bad map ïa ka pop bad ïa ka jingïaleh pyrshah. Nalorkata, ngam pep ban pynshitom ïa ki khun bad ki ksiew haduh kaba lai bad kaba saw pateng namar ki pop jong ki kmie ki kpa jong ki.’

JINGKHEIÑ 14:33

Ki khun ki kti jong phi kin ïaid sakma ha kane ka ri khlaw sawphew snem, kin shitom namar kata ka jingbymïaineh jong phi, tad haduh ba uba khatduh eh napdeng jong phi un ïap.

JINGKHEIÑ 25:11

“Namar kaei kaba u Phinehas u la leh, ngam bitar shuh ïa ki paid Israel. U kyntait ban shah ïa ka jingmane ïa uno uno u blei lait tang ïa nga, bad namar kata ngam shym la pynjot ïa ki wat haba nga la bitar.

MATHAÏOS 4:9

“Ïa kine baroh ngan ai ha me,” u Soitan u la ong, “lada men dem khohsiew bad mane ïa nga.”

ÏOANNIS 15:18

“Lada ka pyrthei ka shun ïa phi, to kynmaw ba ka la shun ïa nga nyngkong.

ÏOANNIS 7:7

Ka pyrthei kam lah ban shun ïa phi, hynrei ka shun ïa nga, namar ba nga ïai-ong ba ki lynti jong ka ki long kiba sniew.

ÏOANNIS 9:2

Ki synran jong u ki la kylli ïa u, “Ko Nonghikai, ka pop jongno kaba la pynlong ïa u ban kha matlah? Hato ka dei ka pop jong u hi ne ka jong ki kmie ki kpa jong u?”

Ka Shithi U Paul Sha Ki Nong Rom 1:30

Ki ïa-lorni bad kren sniew uwei ïa uwei pat; ki long kiba shun ïa U Blei, kiba pynbitar, kiba sarong bad kiba sngewmeng; ki pyrkhat ïa kiba bun ki lynti ban leh ïa kaba sniew; kim kohnguh ïa la ki kmie ki kpa;

Ka Shithi U Paul Sha Ki Nong Rom 8:7

Bad kumta u briew u long u nongshun jong U Blei haba u shah pynïaid ha ka jinglong ba kynja doh; namar um kohnguh ïa ka hukum U Blei, bad ha ka jingshisha um lah ban kohnguh ïa ka.

1 KORINTH 10:22

Lane hato phi kwah ban pynlong ïa U Blei ba un thut shen? Hato ngi pyrkhat ba ngi kham khlaiñ ban ïa u?

DEUTERONOMI 32:21

Da la ki bleithaw ïa nga ki pynbitar, ïa ki blei jong ki, ki bym dei shisha ki blei, ngam lah shah. Kumta ngan pyndonkam da kito ki bym dei ka jaitbynriew ban pynbitar ïa ki, ngan kynshoit ruh ïa ki da ka jaitbynriew kaba bieit katba kin ym lah shah.

DEUTERONOMI 32:41

ba ngan shut pynnep ïa ka waitlam kaba phalang jong nga, bad ai ïa ka jingbishar bahok, ngan pynhiarkput ïa ki nongshun jong nga bad pynshitom ïa kito kiba isih ïa nga.

DEUTERONOMI 4:24

namar U Trai U Blei jong phi u long kum ka ding kaba bam duh; um lah shah ba ki Israel kin mane ïa kiwei pat ki blei.

DEUTERONOMI 5:10

Hynrei nga pynpaw ïa la ka jingieit ha ki hajar ki pateng kiba ieit ïa nga, bad kiba sumar ïa ki hukum jong nga.

DEUTERONOMI 5:9

Wat dem ne mane ïa kano kano ka bleithaw, naba nga U Trai U Blei jong phi ngam lah shah ba phin mane ïa kiwei pat ki blei. Nga pynshitom ïa kito kiba isih ïa nga bad ïa ki khun ki ksiew jong ki haduh kaba lai bad kaba saw pateng.

DEUTERONOMI 6:15

Lada phi mane ïa kiwei pat ki blei, ka jingbitar U Trai kan wan bad thang ïa phi kum ka ding bad kan pynjot thiaw ïa phi, namar U Trai U Blei jong phi, uba don ryngkat bad phi, um lah shah ba phin shakri ïa kiwei pat ki blei.

DEUTERONOMI 7:10

hynrei un ym pynslem ban pynshitom ïa kito kiba isih ïa u.

JAKOB 4:4

Ko phi ki briew bym lah shaniah! Hato phim tip ba ka jingïalang lok bad ka pyrthei ka long ka nongshun jong U Blei? Uno uno uba kwah ban pynlong lok bad ka pyrthei u pynlong ïa lade u nongshun jong U Blei.

JOSHUA 23:16

Lada phim sumar ïa ka jutang kaba U Trai U Blei jong phi u la hukum ïa phi ban sumar bad lada phi shakri bad mane ïa kiwei pat ki blei, kumta te ha ka jingbitar jong u, un pynshitom ïa phi, bad shen ym don uwei ruh na phi u ban lait im ha kane ka ri babha kaba u la ai ha phi.”

JOSHUA 23:7

Wat klet ïa kano kano ka bynta jong ka, bad nangta phin ym ïakhleh bad kine ki briew kiba dang sah hapdeng jong phi lane ïakren ïa ki kyrteng jong ki blei jong ki lane pyndonkam ïa kito ki kyrteng ha kaba shim smai lane mane ïa kito ki blei lane nguh dem ïa ki.

JOSHUA 24:19

U Joshua u ong ha u paidbah, “Hynrei phin ym lah ban shakri ïa U Trai. U long U Blei uba khuid bad un ym map ïa ki pop jong phi.

NONGBISHAR 2:19

Hynrei haba u nongïalam u ïap, ki briew ki phai biang sha la ki rukom barim bad ki im kham sniew ban ïa ka pateng ba ha shuwa. Ki shakri bad mane ïa kiwei ki blei, bad da ka jingtamsneng ki ïai leh ïa la ki rukom bymman.