EKSODOS 20:4 - Khasi CL Bible (BSI)

⁴ “Wat thaw durblei na ka bynta ïa lade, ïa kaei kaei kaba don ha bneng shajrong, ne ha ka khyndew sha tbian, ne ha ka um hapoh ka khyndew.

KA BAIBL

⁴ “Men ym thaw bleithaw ïa lade, lymne ïa ka dur jong kaei kaei ruh kaba don ha bneng sha jrong, lymne ha ka khyndew shapoh, lymne ha ka um hapoh ka khyndew:

EKSODOS 20:4 ပူးပေါင်းရင်းမြစ်များ

1 SYIEM 12:28

Hadien ba u la pyrkhat bha, u shna ar tylli ki khun masi kiba da ka ksiar bad u ong ha ki briew jong u, “Phi la hap ïaleit mane jngai palat shaduh Jerusalem. Ko ki paid Israel, khmih kine ki blei kiba la wanlam ïa phi na ka ri Ijipt!”

2 SYIEM 17:12

bad kim kohnguh ïa ki hukum U Trai ban ym mane ïa ki bleithaw.

2 KHRONIKL 33:7

U buh ïa ka durblei ha ka Templ, ka jaka ha kaba U Blei u la ong ha u Dabid bad ha u Solomon u khun jong u: “Hangne ha Jerusalem, ha kane ka Templ, ka long ka jaka ïa kaba nga la jied na baroh kawei ka ri jong ki khat-ar jait ki Israel kum ka jaka ha kaba yn mane ïa nga.

SALM 78:58

Ki la pynbitar ïa u da ki jaka mane blei jong ki bymngeit, bad da ki bleithaw jong ki, ki pynlong ïa u ban bitar shla.

SALM 97:7

Baroh kiba mane bleithaw kin shah pynlehrain, baroh ki blei ki dem ngon ha khmat jong U Trai.

EKSODOS 20:23

Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

EKSODOS 32:1

Haba ki paidbah ki la ïohi ba u Moses um pat shym wan hiar na u lum hynrei u la sah slem hangta, ki la ïalumlang sawdong ïa u Aaron, bad ki la ong ha u, “Ngim tip satia ka la jia aïu ïa une u Moses, uba la ïalam ïa ngi ban mihnoh na ka ri Ijipt; kumta to thaw ïa ngi u blei u ban ïalam ïa ngi.”

EKSODOS 32:23

Ki ong ïa nga, ‘Ngim tip ka la jia aïu ïa une u Moses, u briew uba la ïalam ïa ngi na ka ri Ijipt; kumta, thaw noh ïa ngi u blei u ban ïalam ïa ngi.’

EKSODOS 32:4

U la shim ïa kita ki sohshkor, u thang pynum ïa ki, u theh ïa ka ksiar ha ka tiar saiñdur, bad u thaw ïa ka dur u khun masi. Ki paidbah ki ïa-ong, “Ko Israel, une u long u blei jong ngi, uba la ïalam noh ïa ngi na ka ri Ijipt!”

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

EKSODOS 34:17

“Wat thaw bad mane ïa kano kano ka durblei ba la saiñ da kano kano ka jait nar.

ISAÏAH 42:17

Baroh kiba shaniah ha ki bleithaw, kiba khot ïa ki dur ki blei jong ki, yn pynpoh bad pynjahburom.”

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 45:16

Kito kiba shna bleithaw baroh kin shah lehrain; baroh na ki kin jahburom.

ESEKIEL 20:7

Nga la bthah ïa ki ban bret noh ïa ki bleithaw ba-ijli kiba ki la ieit bad ban ym pynlong ïa lade ki bymkhuid da ki blei ba-thala jong ka Ijipt, namar ba nga, nga long U Trai U Blei jong ki.

ESEKIEL 8:10

Kumta nga la rung shapoh bad nga khmih. Ïa ka kynroh la tap da ki jingdro ïa ki dur bseiñ, bad ïa kiwei pat ki mrad bymkhuid, bad ïa kiwei pat kiei kiei kiba ki Israel ki ïamane.

ESEKIEL 8:3

U la kner kaei kaei kaba i kum ka kti bad u shim trait ïa nga na u 'ñiuhkhlieh. Te ha kane ka jingïohipaw, U Mynsiem jong U Blei u la rah artet ïa nga ha ka lyer bad u ïalam ïa nga sha Jerusalem. U la rah ïa nga sha ka jaka rung kaba kham hapoh jong ka khyrdop kaba shaphang shatei jong ka Templ, ha kaba la don ka dur bleithaw kaba long ka jingpynbitar ïa U Blei.

LEBITIKOS 19:4

“Wat lyndet ïa nga bad mane ïa ki bleithaw; wat thaw ïa ki blei ba shu saiñ na ka sisa bad ban mane ïa ki. Nga long U Trai U Blei jong phi.

LEBITIKOS 26:1

U Trai u ong, “Wat thaw ki bleithaw lane pynïeng durblei, ki païa maw, lane ohdur ha ki maw ban mane ïa ki. Nga long U Trai U Blei jong phi.

JINGKHEIÑ 12:8

Kumta nga ïakren bad u markhmat, da kaba shai, bad ym ha ki jingkyntip; u la ïohi wat ïa ka dur jong nga. Kumno keiñ phi nud ban kren pyrshah ïa u Moses u shakri jong nga?”

KI KAM 17:29

Namar ba ngi long ki khun U Blei, ngim dei ban tharai ba ka jinglong jong u ka long kaei kaei kaba kum ka dur da ka ksiar lane rupa lane maw, ba la pynwandur da ka jingstad bad ka buit briew.

Ka Shithi U Paul Sha Ki Nong Rom 1:23

ha ka jaka ba kin mane ïa U Blei uba im, ki mane ïa ki dur ba la thaw ban i kum u briew ne ki sim ne ki mrad ne ki mrad bapar kiba ïap noh.

DEUTERONOMI 16:22

Wat pynïeng ruh ïa uno uno u païa maw na ka bynta ka jingmane bleithaw; U Trai u isih ïa kita.

DEUTERONOMI 27:15

“ ‘Ka jingtim U Blei kan hap ha uta u briew uba thaw durblei da u maw, da u dieng, lane da u nar bad uba mane ïa ka ha kaba rieh; U Trai u isih ïa ka jingmane bleithaw.’ “Bad u paidbah baroh un jubab lang, ‘Amen!’

DEUTERONOMI 5:8

“ ‘Wat thaw durblei ïa lade, lane ïa kaei kaei kaba don ha bneng shajrong, lane ha ka khyndew sha tbian, lane ha ka um hapoh ka khyndew.

JINGPYNPAW 16:2

U angel uba nyngkong u la leit bad u la theh noh ïa ka pliang jong u ha ka pyrthei. Ki prum kiba shyrkhei bad kiba tyrha ki la mih ha kito kiba la don ïa ka shab jong u mradkhlaw bad ha kito kiba la mane ïa ka dur jong u.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.

NONGBISHAR 17:3

U pynphai pat ïa ka pisa sha la ka kmie, bad ka ong, “Ban khang ïa ka jingtim ban hap ha u khun jong nga, nga hi da lade nga aiti da kaba kyntang ïa kane ka rupa sha U Trai. Yn pyndonkam ïa ka ban shna ka durblei da ka dieng ba la suit da ka rupa. Te mynta ngan ai pat ïa ki sbai rupa sha phi”