EKSODOS 20:3 - Khasi CL Bible (BSI)

³ “Wat mane ïa uwei pat u blei hynrei tang ïa nga.

KA BAIBL

³ “Men ym ïoh kiwei kiwei ki blei nalor jong nga.

EKSODOS 20:3 ပူးပေါင်းရင်းမြစ်များ

1 SYIEM 11:4

Ki la pynlong ïa u ban phai dien noh na U Blei, bad kat haduh ba un da tymmen ki la ïalam noh ïa u ban mane ïa ki blei nongwei. Um shym la ngeit hok shuh ïa U Trai U Blei jong u, kumba u Dabid u kpa jong u, u la long.

SALM 29:2

Ïaroh ïa ka kyrteng badonburom jong U Trai; dem ngon ha khmat Uta Uba Khuid haba un wanpaw.

SALM 73:25

Nga don ïano pat ha bneng lait na me? Namar ba nga don ïa me, sa kaei pat nga dang kwah ha ka pyrthei?

SALM 81:10

Nga long U Trai U Blei jong phi, uba la wallam ïa phi na ka ri Ijipt. To ang ïa la ka shyntur, bad ngan pynkdang ïa phi.

SALM 81:9

Phim dei da lei lei ban mane ïa uwei pat u blei,

EKSODOS 15:11

“Ko Trai, uei uba kat ma me hapdeng ki blei? Uei keiñ uba kum ma me, uba phylla ha ka jinglongkhuid? Uei uba lah ban leh ki kambah bad ki kamphylla kum ma me?

EKSODOS 20:23

Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

EKSODOS 22:19

“Pynïap ïa uno uno u briew uba ïathiah shongkha bad ka mrad.

EKSODOS 23:24

Wat nguh wat dem ha ki blei jong ki, lane mane ïa ki, bad wat bud ïa ki rukom lehniam jong ki. Pynjot ïa ki blei jong ki, bad pynpra lyngkhot lyngkhai ïa ki païa mawkyntang jong ki.

EKSODOS 32:8

Ki la da ïaid sakma noh na kata ka lynti ha kaba nga la hukum ïa ki ban ïaid; ki la thaw ïa lade u khun masi ba la saiñ da ka ksiar bad ki la ïamane ïa u, bad ki la ai jingkñia ha u. Ki ïa-ong ba une u long u blei jong ki, uba la ïalam noh ïa ki na ka ri Ijipt!

EKSODOS 34:14

“Wat mane ïa uno uno uwei pat u blei, namar ba ma nga, U Trai, ngam lah shah ïa kino kino ki ban ïakob ïa nga.

ISAÏAH 26:4

To ngin shaniah ha U Trai junom; un ïada ïa ngi borabor.

ISAÏAH 42:8

“Nga hi marwei nga long U Trai U Blei jong phi, ym don kiwei pat ki blei kiba lah ban ïoh bynta na ka burom jong nga; ngan ym shah ïa ki bleithaw ban ïoh bynta na ka jingïaroh jong nga.

ISAÏAH 43:10

“Ko ki paid Israel, phi long ki sakhi jong nga; nga la jied ïa phi ban long u shakri jong nga, khnang ba phin tip ïa nga bad ngeit ha nga bad sngewthuh ba nga long tang ma nga U Blei. Nalor jong nga ym don uwei pat u blei; u bym pat ju long bad u ban nym long.

ISAÏAH 44:8

Wat sheptieng, ko ki briew jong nga! Phi tip ba naduh ki por mynbarim haduh mynta nga la ïathuhlypa ïa baroh ka ban sa jia, bad phi long ki sakhi jong nga. Hato don uno uno uwei pat U Blei? Hato don kiwei pat ki blei badonbor ba ngam shym ïohsngew?”

ISAÏAH 46:9

To kynmaw ïa kaei kaba la jia la slem bah; to pdiang ba tang ma nga, nga long U Blei bad ym don uwei pat kum ma nga.

JEREMAÏAH 25:6

Ki ong ïa phi ban ym mane bad shakri ïa kiwei pat ki blei bad ban ym pynlong ïa U Trai ban bitar da kaba mane ïa ki bleithaw kiba phi la thaw. Lada phi la kohnguh ïa U Trai, te un ym pynshitom ïa phi.

JEREMAÏAH 35:15

Nga la ïai phah sha phi ïa baroh ki shakri jong nga, ki nongïathuhlypa, bad ki la ong ïa phi ban iehnoh ïa ki lynti bymman jong phi bad ban leh ïa kaei kaba dei. Ki la maham ïa phi ban ym mane bad shakri ïa kiwei pat ki blei, khnang ba phi lah ban ïaishong ha ka ri kaba nga la ai ha phi bad ki kpa tymmen jong phi. Hynrei phim shym la shahshkor ïa nga lane sngap ïa nga.

JEREMAÏAH 7:9

Phi tuh, pynïap briew, klim, ïathuh lamler hapoh ka jingsmai, ai jingainguh ha u Baal, bad mane ïa ki blei kiba phim pat ju tip mynshuwa.

DANIEL 3:18

Hynrei wat lada um leh, to u Syiem Kynrad un tip skhem ba ngin ym mane ïa u blei jong phi, bad ngin ym dem ngon sha ka durbriew ksiar kaba phi la phah pynïeng.”

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

MATHAÏOS 4:10

Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

1 KORINTH 8:4

Kumta te, shaphang kaba bam ïa ka jingbam kaba la kñia sha ki bleithaw: Ngi tip ba ka bleithaw ka ïeng na ka bynta kano kano ka bym don ei ei shisha; ngi tip ba don tang uwei U Blei.

1 KORINTH 8:6

pynban ha ngi don tang uwei U Blei, U Kpa, uba long u Nongthaw ïa kiei kiei baroh bad uba na ka bynta jong u ngi im; bad don tang uwei U Trai, U Jisu Khrist, da u ba kiei kiei baroh la pynlong bad ha u ba ngi im.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

DEUTERONOMI 5:7

“ ‘Wat mane ïa uwei pat u blei lait na nga.

DEUTERONOMI 6:14

Wat mane ïa kiwei pat ki blei, ïa kino kino ki blei jong kita ki jaitbynriew kiba don sawdong jong phi.

DEUTERONOMI 6:5

Phin ieit ïa U Trai U Blei jong phi da ka dohnud jong phi baroh, da ka mynsiem jong phi baroh, bad da ka bor jong phi baroh.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

JINGPYNPAW 19:10

Nga la dem khrup ha ki kjat jong u ban mane ïa u, hynrei u la ong ha nga, “Wat leh kumne! Nga long u para shakri bad me bad kita ki parabangeit jong me, kito baroh kiba bat ïa ka jingshisha kaba U Jisu u la pynpaw. To mane ïa U Blei!” Naba ka jingshisha kaba U Jisu u la pynpaw ka long kata kaba pyrsad mynsiem ïa ki nongïathuhlypa.

JINGPYNPAW 22:9

Bad u la ong ha nga, “Wat leh kumne! Nga long u shakri ryngkat bad me lem bad ki nongïathuhlypa ki para jong me bad jong kito baroh kiba kohnguh ïa ki ktien hapoh jong kane ka kitab. To mane ïa U Blei!”

NONGBISHAR 6:10

Nga la ong ha phi ba nga long U Trai U Blei jong phi bad ba phim dei ban mane ïa ki blei jong ki Amor, ha ka ri jong ki ba phi ïashong mynta. Hynrei phim shym la shahshkor ïa nga.”