EKSODOS 20:24 - Khasi CL Bible (BSI)

²⁴ Tei ïa nga kawei ka duwan da ka khyndew, bad kñia ïa ki langbrot bad ki masi jong phi halor jong ka kum ki jingainguh thang bad ki jingainguh ïasyllok. Ha man la ka jaka ba nga pynkyrpang ba phin mane ïa nga, ngan wan bad kyrkhu ïa phi.

KA BAIBL

²⁴ Men thaw ïa nga ka duwan da ka khyndew, bad men kñia ïa ki jingainguh thang, bad ïa ki jingkñia bapynïasuk jong me halor jong ka, ïa ki langbrot jong me, bad ïa ki masi dab jong me: ha ki jaka baroh ha kiba nga buh ïa ka jingpynkynmaw ïa ka kyrteng jong nga, ngan wan sha me, bad ngan kyrkhu ruh ïa me.

EKSODOS 20:24 ပူးပေါင်းရင်းမြစ်များ

JENESIS 12:2

Ngan ai ïa me bun ki khun ki ksiew, bad kin sa long ka jaitbynriew kaba khraw. Ngan kyrkhu ïa me bad ngan pyndonnam ïa ka kyrteng jong me, ba kumta men sa long ka jingkyrkhu.

2 SAMUEL 6:12

U Syiem Dabid u ïohsngew ba namar ka Synduk ka Jutang, U Trai u la kyrkhu ïa ka longïing jong u Obed Edom bad baroh kat kiba u don; kumta u leit shim noh ïa ka Synduk ka Jutang na ka ïing jong u Obed ban leit rah ïa ka sha Jerusalem ryngkat bad ka jinglehkmen kaba khraw.

1 SYIEM 8:29

Khmih halor kane ka Templ mynsngi bad mynmiet, kane ka jaka ha kaba me la jied ban mane ïa me. Shahshkor ïa nga haba nga phai ka khmat sha kane ka templ ban duwai.

1 SYIEM 8:43

Na bneng, ha kaba me shong, sngap ïa u bad leh ïa kaei kaba u kyrpad ïa me ban leh, khnang ba baroh ki briew jong kane ka pyrthei kin tip ïa me bad kohnguh ïa me kumba ki paid Israel ki leh. Te kin tip ba kane ka Templ ïa kaba nga la tei kan long ka jaka ha kaba yn mane ïa me.

1 SYIEM 9:3

U Trai u ong ha u, “Nga la shahshkor ïa ka jingduwai bad jingkyrpad rit jong me. Nga la pynkyntang ïa kane ka ïing kaba me la tei kum ka jaka ha kaba yn mane ïa nga junom. Ngan peit ïa ka bad ngan don hangta borabor.

2 SYIEM 5:17

Kumta u Naaman u ong, “Lada phim pdiang ïa ka jingai jong nga, te shah ïa nga ban rah sha ïing ar kit khashor ka khyndew, namar naduh mynta ngan ym ai jingkñia lane jingainguh thang ha uno uno u blei lait noh tang U Trai.

2 KHRONIKL 12:13

U Rehoboam u synshar ha Jerusalem bad u nang khraw ha ka bor kum u syiem. U don sawphew wei snem mynba u long syiem, bad u synshar khathynñiew snem ha Jerusalem, ka nongbah kaba U Trai u la jied na ki jaka baroh jong ka Israel kum ka jaka hangno ba yn mane ïa u. Ka kmie jong u Rehoboam ka dei ka Naamah, na ka ri ki Ammon.

2 KHRONIKL 6:6

Hynrei mynta nga la jied ïa ka Jerusalem kum ka jaka ha kaba yn mane ïa nga, bad ïa me, Dabid, ban synshar ïa ki briew jong nga.’”

2 KHRONIKL 7:16

namar nga la jied ïa ka bad nga la pynkyntang ïa ka kum ka jaka ha kaba yn mane ïa nga junom. Ngan khmih halor jong ka bad ïada ïa ka ha ki por baroh.

ESRA 6:12

To U Blei uba la jied ïa ka Jerusalem kum ka jaka ba yn mane ïa u, un pynjot noh ïa uno uno u syiem lane ka hima kaba ïaleh pyrshah ïa kane ka hukum bad uba pyrshang ban pynjot ïa ka Templ hangta. Ma nga, u Darius, nga la ai ïa kane ka hukum. Dei ban kohnguh lut ïa ka.”

NEHEMAÏAH 1:9

Hynrei lada phi phai pat sha nga bad leh ïa kaei kaba nga hukum ïa phi, ngan wallam pat ïa phi sha ka jaka sha kaba nga la jied ban mane ïa nga, wat la ïa phi la pynsakma sha kiba kut ka pyrthei.’

SALM 101:2

Ka jinglong jingim jong nga kan ym don jingbakla. Lano men wan sha nga? Ngan im ka jingim kaba khuid ha ka ïing jong nga,

SALM 122:2

Bad mynta ngi don hangne, ngi ïeng hapoh ki khyrdop jong ka Jerusalem!

SALM 128:5

Ai ba U Trai un kyrkhu ïa phi na ka Seïon! Ai ba phin ïohi ïa ka Jerusalem ba ka manbha baroh ki sngi ka jingim jong phi!

SALM 134:3

To ai ba U Trai, uba la thaw ïa ka bneng bad ïa ka khyndew, un kyrkhu ïa phi na Seïon!

SALM 74:7

Ki la pynjot ïa ka Templ jong me bad ki wiang ding ïa ka; ki la pyntngit ïa ka jaka ha kaba la mane ïa me.

SALM 76:2

U don ka ïing jong u ha Jerusalem; u shong ha u lum Seïon.

SALM 78:68

Pynban u la jied ïa ka jait Judah bad ïa u lum Seïon, uba u ieit eh.

EKSODOS 10:25

U Moses u jubab, “Lada kumta, phin hap pynbiang ïa ngi da ki mrad na ka bynta ki jingkñia bad ki jingainguh thang ban ai ha U Trai U Blei jong ngi.

EKSODOS 18:12

Nangta u Jethro u la wanrah ïa ka jingainguh ban thang tylli bad ïa kiwei kiwei de ki jingainguh ban ai jingkñia sha U Blei; bad u Aaron lem bad nongïalam jong ki Israel baroh ki la ïaleit bad u ban bam ïa ka jingbam kaba kyntang kum ka dak ka jingmane ïa U Blei.

EKSODOS 20:25

Lada phi tei ïa nga ka duwan kaba da u maw, wat tei ïa ka da ki maw ba la shniah, namar lada phi pyndei nar ha kita ki maw, kim long kiba bit ba ngan pyndonkam.

EKSODOS 24:4

U Moses u thoh ïa ki hukum baroh jong U Trai. Dang step phyrngab ha ka sngi kaba bud, u tei ïa ka duwan ha trai jong u lum, bad u pynïeng ruh khat-ar tylli ki maw, uwei u maw na ka bynta kawei kawei ka jait Israel.

EKSODOS 24:5

Nangta u la phah ïa ki samla shynrang bad ki la thang ïa ki jingkñia sha U Trai bad ki la kñia katto katne tylli ki jingri kum ki jingainguh jingïasyllok.

EKSODOS 27:1

“Thaw ïa ka duwan da ka dieng akasia. Ka dei ban long kaba sawdong, 2.2 mitar ka lynter bad 2.2 mitar ka pyngkiang bad 1.3 mitar ka jingjrong.

ISAÏAH 64:5

Me pdiang sngewbha ïa kito kiba shem jingkmen ha kaba leh ïa kaei kaba dei, ïa kito kiba kynmaw kumno me kwah ïa ki ban im. Me la bitar ïa ngi, hynrei ngi dang ïai leh pop; wat la me la bitar shla ngi dang ïai leh ïa kaba sniew naduh mynbarim.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MATHAÏOS 18:20

Namar haba ar lane lai ngut ki ïawanlang ha ka kyrteng jong nga, nga don hangta lem bad ki.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

DEUTERONOMI 12:11

U Trai un jied tang kawei ka jaka ha kaba yn mane ïa u, bad hangta phi dei ban wanrah sha u ïa kata baroh kaba nga la hukum: ïa ki jingainguh thang bad ki jingkñia jong phi, ïa kawei na ka shiphew bad ki jingainguh jong phi, bad ïa kita ki jingai sngewbha ba phi la kular sha U Trai.

DEUTERONOMI 12:21

Lada kata ka jaka mane Blei ka jngai eh, phi lah, ha kano kano ka por ba phi kwah, ban pynïap ïa kano kano ka masi lane ka blang ba U Trai u la ai ha phi, bad bam ïa ka doh jong ka ha la ïing, kumba nga la hukum ïa phi.

DEUTERONOMI 12:5

Na ka ri ki jait jong phi baroh, U Trai un jied tang kawei ka jaka sha kaba phi dei ban wan mane ïa u.

DEUTERONOMI 14:23

Nangta leit sha kata ka jaka ha kaba U Trai U Blei jong phi u la jied ïa ka ban mane ïa u, bad hangta ha khmat jong u phin bam ïa kata kaba shiphew na u kew, na ka waiñ, bad na ka umphniang Olib jong phi, bad ïa kiba la kha nyngkong na ki masi bad ki langbrot jong phi.

DEUTERONOMI 16:11

Lehkmen ha khmat U Trai ryngkat bad ki khun ki kti jong phi, ki shakri shakor jong phi, bad ki Lebi, ki nongwei, ki khunswet, bad ki riewkynthei kiba shong ha ki shnong jong phi. Leh ïa kane ha kata ka jaka mane Blei.

DEUTERONOMI 26:2

iwei pa iwei na phi phin buh ha ka shang ïa u soh nyngkong hadien ba phi la lum na uwei pa uwei u jait jingthung, bad leit rah ïa ka sha ka jaka mane Blei.

DEUTERONOMI 7:13

Un ieit bad kyrkhu ïa phi, ba phin nang roi kyrhai. Un kyrkhu ruh ba phin ïoh shibun ki khun ki kti; un kyrkhu ïa ki lyngkha jong phi ba phin ïoh u kew, ka waiñ, bad ka umphniang Olib; bad un kyrkhu ruh ïa phi da kaba ai ha phi shibun ki masi bad ki langbrot, ha kata ka ri ïa kaba u la kular ha ki kpa tymmen jong phi ban ai ha phi.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.