EKSODOS 20:23 - Khasi CL Bible (BSI)

²³ Wat thaw na ka bynta ïa lade ki blei kiba da ka rupa ne da ka ksiar ban mane ïa ki nalor jong nga.

KA BAIBL

²³ Nalor jong nga wat thaw ïa ki blei da ka rupa, lymne wat thaw ha phi ïa ki blei da ka ksiar.

EKSODOS 20:23 ပူးပေါင်းရင်းမြစ်များ

2 SYIEM 17:33

Kumta ki mane ïa U Trai, hynrei ki mane ruh ïa la ki blei kat kum ki rukom jong ki hima na kiba ki wan.

2 SYIEM 17:41

Kumta kito ki briew ki la mane ïa U Trai, hynrei ki mane ruh ïa ki bleithaw jong ki; bad haduh kane ka sngi kiba hiarpateng na ki, ki ïai leh kumjuh.

EKSODOS 32:31

Kumta u Moses u leit phai sha U Trai, bad u ong, “Kine ki briew ki la leh ïa ka pop kaba shyrkhei eh. Ki la thaw ïa u blei uba da ka ksiar bad ki la ïamane ïa u.

EKSODOS 34:17

“Wat thaw bad mane ïa kano kano ka durblei ba la saiñ da kano kano ka jait nar.

ESEKIEL 20:39

U Trai Nongsynshar u ong, “Bad mynta, ma phi ki Israel baroh, to pynsngewbha ïa lade! To khie bad to shakri ïa ki bleithaw jong phi! Hynrei nga maham ïa phi ba hadien kane, phi dei ban kohnguh ïa nga bad sangeh ban pynjahburom ïa ka kyrteng jong nga da kaba ai ki jingai sngewbha ha ki bleithaw jong phi.

ESEKIEL 43:8

Ki syiem ki la shna ïa ki phyllaw bad ki shawkad ïingsyiem jong ki marpyrshah ïa ki phyllaw bad ki shawkad jong ka Templ jong nga, ba kumta ka don tang ka kynroh hapdeng jong ngi. Ki la pynjahburom ïa ka kyrteng bakhuid jong nga da baroh kiei kiei kiba ijli kiba ki la leh, bad kumta ha ka jingbitar jong nga, nga la pynjot ïa ki.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

DANIEL 5:4

bad ki la ïaroh ïa ki blei kiba la thaw da ka ksiar, ka rupa, ka rnong, ka nar, ka dieng bad u maw.

LEBITIKOS 19:4

“Wat lyndet ïa nga bad mane ïa ki bleithaw; wat thaw ïa ki blei ba shu saiñ na ka sisa bad ban mane ïa ki. Nga long U Trai U Blei jong phi.

SEPHANAÏAH 1:5

Ngan pynjot ïa uno uno uba leit kiew sha tnum ïing bad mane ïa ka sngi, u bnai, bad ïa ki khlur. Nga pynjot ruh ïa kito kiba mane ïa nga bad kiba smai ban ïaineh ha nga, hynrei pynban ki shim smai ha ka kyrteng jong u blei Molekh.

DEUTERONOMI 27:15

“ ‘Ka jingtim U Blei kan hap ha uta u briew uba thaw durblei da u maw, da u dieng, lane da u nar bad uba mane ïa ka ha kaba rieh; U Trai u isih ïa ka jingmane bleithaw.’ “Bad u paidbah baroh un jubab lang, ‘Amen!’

DEUTERONOMI 29:17

Phi la ïohi ïa ki bleithaw kiba isaitmet jong ki, kiba da u dieng, da u maw, da ka rupa, bad da ka ksiar.

JINGPYNPAW 22:15

Hynrei shabar ka nongbah ki don ki riewkhyllah bad kito kiba leh byrtong, kiba awria bad ki nongpynïap briew, kito kiba mane ïa ki bleithaw bad kito kiba lamler ha ki ktien bad ki kam.

NONGBISHAR 17:3

U pynphai pat ïa ka pisa sha la ka kmie, bad ka ong, “Ban khang ïa ka jingtim ban hap ha u khun jong nga, nga hi da lade nga aiti da kaba kyntang ïa kane ka rupa sha U Trai. Yn pyndonkam ïa ka ban shna ka durblei da ka dieng ba la suit da ka rupa. Te mynta ngan ai pat ïa ki sbai rupa sha phi”