EKSODOS 20:21 - Khasi CL Bible (BSI)

²¹ Hynrei ki paidbah ki dang ïeng hi sha jngai, bad tang u Moses uba la leit sha jan u lyoh uba rben ha uba U Blei u don.

KA BAIBL

²¹ Uta u paidbah te u la ïaïeng na sha jngai, bad u Moses u la nang jan sha kata ka jingdum ha kaba U Blei u la don.

EKSODOS 20:21 ပူးပေါင်းရင်းမြစ်များ

1 SYIEM 8:12

Nangta u Solomon u duwai: “Me, A Trai, me la buh ïa ka sngi ha ka sahit bneng, pynban me la jied ban shong ha ki lyoh bad ka jingdum.

2 KHRONIKL 6:1

Te u syiem Solomon u la duwai, “A Trai Me la jied ban shong ha ki lyoh bad haba dum tliw tliw.

SALM 104:2

me tap ïa lade da ka jingshai. Me pyiar ïa ki bneng kum ka ïingjaiñ

SALM 18:12

Ki phria bad ki jingthaba jong ka ding ki wan mih na ka leilieh ha khmat jong u bad ki sam lyngba ïa ki lyoh ba-dum.

SALM 18:9

U la kad arliang ïa ka suiñbneng bad u la wan hiar bad u lyoh uba dum hapoh ki sla kjat jong u.

SALM 97:2

Ki lyoh bad ka jingdum ki ker sawdong ïa u; u synshar da ka hok bad ka jingbishar hok.

EKSODOS 19:3

bad u Moses u la leit kiew sha u lum ban ïashem bad U Blei. U Trai u la khot ïa u na u lum bad u la bthah ïa u ban ong ha ki Israel, ki khun ki ksiew u Jakob:

DEUTERONOMI 5:22

“Kine ki long ki hukum ïa kiba U Trai u la ai ha phi baroh mynba phi ïalumlang ha uta u lum. U la kren da ka sur kaba donbor napdeng kata ka ding bad u lyoh uba rben, mynba u ai ïa ki ha phi khlem da bynrap ïa kiwei pat. Nangta u thoh ïa ki ha ki ar tylli ki mawlyngkniap bad u ai ïa ki ha nga.

DEUTERONOMI 5:5

Nga la ïeng hapdeng jong phi bad U Trai ha kata ka por ban ïathuh ha phi aïu u ong, namar ba phi sheptieng ïa kata ka ding bad phim shym leit kiew sha uta u lum. “U Trai u la ong,

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.