EKSODOS 20:2 - Khasi CL Bible (BSI)

² “Nga long U Trai U Blei jong phi uba la wan ïalam ïa phi na ka ri Ijipt, ka ri ha kaba phi la long ki mraw.

KA BAIBL

² “Ma nga U Trai uba U Blei jong me, uba la wallam noh ïa me na ka ri Ijipt, na ka ïing ka jinglongmraw.

EKSODOS 20:2 ပူးပေါင်းရင်းမြစ်များ

1 SYIEM 18:39

Haba ki paidbah ki ïohi ïa kane, ki ïadem khrup ha khyndew bad ki ïa-pyrta jam, “U Trai u long U Blei; U Trai tang ma u, u long U Blei!”

2 SYIEM 17:12

bad kim kohnguh ïa ki hukum U Trai ban ym mane ïa ki bleithaw.

2 SYIEM 17:7

Ka Samaria ka kyllon noh namar ki Israel ki leh pop pyrshah ïa U Trai U Blei jong ki, uba la pyllait im ïa ki na u syiem ka Ijipt bad la ïalam noh bak ïa ki na Ijipt.

2 KHRONIKL 28:5

Namar ba u syiem Ahas u la leh pop, U Trai U Blei jong u, u la shah ïa u syiem ka Syria ban jop ïa u bad ban ring koidi bun bah na ki Judia sha Damaskos. U Trai u la shah ruh ïa u Pekah u syiem ka Israel, u khun jong u Remalaïah, ban jop ïa u Ahas bad pynïap shi lakh arphew hajar ki shipai Judia kiba shlur bha tang hapoh shi sngi. U Trai U Blei jong ki kpa tymmen jong ki u la shah ïa kane ban jia, namar ki briew ka Judah ki la kyntait noh ïa u.

SALM 50:7

“To shahshkor, ko ki briew jong nga, bad ngan kren; ngan phla pyrshah ïa phi, ko Israel. Nga long U Blei, U Blei jong phi.

SALM 81:10

Nga long U Trai U Blei jong phi, uba la wallam ïa phi na ka ri Ijipt. To ang ïa la ka shyntur, bad ngan pynkdang ïa phi.

SALM 81:11

“Hynrei ki briew jong nga kim shym la sngap ïa nga; Ki Israel kim shym la kohnguh ïa nga.

SALM 81:7

Haba phi la don ha ka jingjynjar, phi la khot kyrpad ïa nga, bad nga la pyllait im ïa phi. Na ka jakarieh jong nga ha ka 'erïong nga la jubab ïa phi. Nga la tynjuh ïa phi ha ki um ka Meribah.

EKSODOS 13:14

Hadien habud, ynda u khun jong phi u kylli ïa phi ka mut aïu kane ka jingrakhe, phin jubab ïa u, ‘Da kaba pyndonkam ïa la ka borbah, U Trai u la ïalam noh ïa ngi na ka ri Ijipt, ka ri ha kaba ngi la long ki mraw.

EKSODOS 13:3

U Moses u kren ha u paidbah, “Kynmaw ïa kane ka sngi — ka sngi ha kaba phi mihnoh na ka ri Ijipt, ka ri ha kaba phi long ki mraw. Kane ka dei ka sngi ba U Trai u la ïalam noh ïa phi da ka borbah jong u. Wat bam ïa u kpu ba la khleh thiat.

EKSODOS 15:13

Me bat ïa la ka kular, me la ïalam noh ïa ki briew kiba me la pyllait im; da ka bor jong me, me la btin ïa ki sha ka ri kaba kyntang jong me.

EKSODOS 15:16

Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

EKSODOS 20:1

U Blei u la kren, bad kine ki dei ki ktien jong u:

EKSODOS 29:46

Kin sa tip ruh ba nga long U Trai U Blei jong ki, uba la ïalam noh ïa ki na ka ri Ijipt khnang ba ngan ïoh shongduh hapdeng jong ki. Nga long U Trai U Blei jong ki.

EKSODOS 6:6

Kumta ïathuh ïa ki Israel ba nga ong ha ki, ‘Nga long U Trai; ngan pyllait ïa phi bad pyllaitluid ïa phi na ka jinglongmraw jong phi ha ki nong Ijipt. Ngan rah ïa ka ksang'ti badonbor jong nga ban wallam ka jingpynshitom bashyrkhei halor jong ki, bad ngan pynim ïa phi.

ISAÏAH 43:3

Naba nga long U Trai U Blei jong phi, U Blei bakhuid jong ki Israel, uba pynim ïa phi. Ngan kyntait ïa ka Ijipt ban pyllaitluid ïa phi; ngan kyntait ïa ka Sudan bad ka Seba.

JEREMAÏAH 16:14

U Trai u ong, “Ka por ka wan haba ki briew kin ym smai shuh da nga kum U Blei uba im uba la wallam ïa ki paid Israel na ka ri Ijipt.

JEREMAÏAH 2:6

Kim shym salia ïa nga, wat haba nga la pyllait ïa ki na Ijipt bad ïalam ïa ki lyngba ka ri khlaw: Ka jaka ki ri shyiap bad ki thliew shyiap, ka ri kaba tyrkhong bad kaba ma ha kaba ym don mano mano bashong basah bad ba ym don mano mano wat ban ïaid lyngba.

JEREMAÏAH 31:1

U Trai u ong, “Ka por kan wan haba ngan long U Blei jong ki jait Israel baroh, bad kin long ki briew jong nga.

JEREMAÏAH 31:33

Ka jutang bathymmai kaba ngan pynlong bad ki paid Israel kan long kane: Ngan buh ïa ka aiñ jong nga hapoh jong ki bad thoh ïa ka ha ki dohnud jong ki. Ngan long U Blei jong ki, bad kin long ki briew jong nga.

ESEKIEL 20:19

Nga long U Trai U Blei jong phi. To kohnguh ïa ki aiñ bad ki hukum jong nga.

ESEKIEL 20:5

Ïathuh ïa ki ïa kaei kaba nga ong. Mynba nga la jied ïa ka Israel, nga la pynlong ka jingkular ha ki. Nga la pynpaw ïa lade ha ki ha Ijipt bad ong ïa ki: Nga long U Trai U Blei jong phi.

ESEKIEL 20:7

Nga la bthah ïa ki ban bret noh ïa ki bleithaw ba-ijli kiba ki la ieit bad ban ym pynlong ïa lade ki bymkhuid da ki blei ba-thala jong ka Ijipt, namar ba nga, nga long U Trai U Blei jong ki.

HOSIA 12:10

“Nga la kren ha ki nongïathuhlypa bad ai ha ki shibun ki jingïohipaw, bad lyngba ki nongïathuhlypa nga ai jingmaham ïa ki briew jong nga.

HOSIA 13:4

U Trai u ong, “Nga long U Trai U Blei jong phi, uba ïalam noh ïa phi na ka ri Ijipt. Phim don uwei pat U Blei lait na nga. Nga dei tang ma nga u nongpynim jong phi.

LEBITIKOS 11:45

Nga long U Trai uba la ïalam noh ïa phi na Ijipt khnang ba ngan long U Blei jong phi. Phi dei ban long kiba khuid, namar nga long uba khuid.”

LEBITIKOS 19:36

Pyndonkam ïa ki tarajur kiba biang, ki mawthew kiba biang, bad ïa ki tiar thew kiba biang. Nga long U Trai U Blei jong phi bad nga wallam ïa phi na ka ri Ijipt.

LEBITIKOS 23:43

khnang ba ki khun ki ksiew jong phi kin ïoh tip ba U Trai u la pynshong ïa ki Israel ha ki ïingtrep mynba u la ïalam noh ïa ki na ka ri Ijipt. Nga long U Trai U Blei jong phi.”

LEBITIKOS 25:38

Kane ka long ka hukum jong U Trai U Blei jong phi, uba la ïalam ïa phi na ka ri Ijipt ban ai ha phi ïa ka ri Kanaan bad ban long U Blei jong phi.

LEBITIKOS 25:42

Ki paid Israel ki long ki mraw jong U Trai, bad u wallam ïa ki na ka ri Ijipt; ym dei ban die mraw ïa ki.

LEBITIKOS 25:55

U Israel um lah ban long u mraw baroh shi rta, namar ki Israel ki long ki mraw jong U Trai. U wallam ïa ki na ka ri Ijipt; u long U Trai U Blei jong ki.

LEBITIKOS 26:1

U Trai u ong, “Wat thaw ki bleithaw lane pynïeng durblei, ki païa maw, lane ohdur ha ki maw ban mane ïa ki. Nga long U Trai U Blei jong phi.

LEBITIKOS 26:13

Nga, U Trai U Blei jong phi, uba wallam ïa phi na ka ri Ijipt khnang ba phin ym long shuh ki mraw. Nga la pynkheiñ ïa ka bor kaba pynpoh ïa phi, bad nga la pynlah ïa phi ban ïaid ha ka burom.”

AMOS 2:10

Nga la wan ïalam ruh ïa phi na ka ri Ijipt, nga la ïalam ïa phi sawphew snem lyngba ka ri shyiap bad nga la ai ïa phi ïa ka ri ki Amor ba phin ïohkynti.

Ka Shithi U Paul Sha Ki Nong Rom 10:12

Kane ka long ïa baroh, namar ym don ka jingïapher hapdeng ki Jiw bad ki Jentil; U Blei u long ujuh U Trai ïa baroh bad u kyrkhu kyrhai ïa baroh kiba khot kyrpad ïa u.

Ka Shithi U Paul Sha Ki Nong Rom 3:29

Lane ba U Blei u long U Blei tang jong ki Jiw? Hato um dei U Blei jong ki Jentil ruh? Da shisha u dei.

DEUTERONOMI 13:10

Lynthem maw ïa u haduh ba un da ïap! U la pyrshang ban khring noh ïa phi na U Trai U Blei jong phi, uba la pyllait ïa phi na ka ri Ijipt, ha kaba phi la long ki mraw.

DEUTERONOMI 15:15

Kynmaw ba phi ruh phi la long ki mraw ha Ijipt bad U Trai U Blei jong phi u la pyllait ïa phi; dei namar kata ba nga ai ha phi mynta ka sngi ïa kane ka hukum.

DEUTERONOMI 20:1

“Haba phi leit ïaleh ïa ki nongshun jong phi bad phi ïohi ba ki kali ïaleh thma, ki kulai, bad ki shipai jong ki, ki kham bun ban ïa ki jong phi, wat sheptieng ïa ki. U Trai U Blei jong phi, uba la pyllait ïa phi na Ijipt, un don ryngkat bad phi.

DEUTERONOMI 5:15

Phi dei ban kynmaw ba phi la long ki mraw ha Ijipt, bad ba nga, U Trai U Blei jong phi, nga la pyllait im ïa phi da ka borbah jong nga. Dei namar kata ba nga hukum ïa phi ban rakhe ïa ka Sabbaton.

DEUTERONOMI 5:6

‘Nga long U Trai U Blei jong phi, uba la pyllait im ïa phi na ka ri Ijipt, ha kaba phi la long ki mraw.

DEUTERONOMI 7:8

Hynrei ka long namar ba U Trai u ieit ïa phi bad u bat ïa la ka kular kaba u la ai ha ki kpa tymmen jong phi, bad namar kata u la ïalam noh ïa phi da ka borbah jong u bad u la pyllait na ka jinglongmraw ïa phi na u Pharaoh u syiem ka Ijipt.

NONGBISHAR 2:1

U angel jong U Trai u leit na Gilgal sha Bokhim bad u ong ha ki Israel, “Nga la shim ïa phi na Ijipt bad wallam ïa phi sha ka ri kaba nga la kular ha ki kpa tymmen jong phi. Nga la ong, ‘Ngan ym pynkheiñ lano lano ïa ka jutang jong nga bad phi.

NONGBISHAR 6:10

Nga la ong ha phi ba nga long U Trai U Blei jong phi bad ba phim dei ban mane ïa ki blei jong ki Amor, ha ka ri jong ki ba phi ïashong mynta. Hynrei phim shym la shahshkor ïa nga.”