EKSODOS 20:17 - Khasi CL Bible (BSI)

¹⁷ “Wat kwah rhah ïa ka ïing u paramarjan jong phi; wat ikwah ïa ka tnga jong u, lane ïa ki mraw jong u, lane ïa ki masi jong u, lane ïa ki kada jong u, lane ïa kaei kaei ruh kaba dei ka jong u.”

KA BAIBL

¹⁷ “Men ym ikwah ïa ka ïing u paramarjan jong me, men ym ikwah ïa ka tnga u paramarjan jong me, lymne ïa u mraw jong u, lymne ïa ka mraw jong u, lymne ïa u masi jong u, lymne ïa u kadda jong u, lymne ïa kaei kaei ruh kaba dei ka jong u paramarjan jong me.”

EKSODOS 20:17 ပူးပေါင်းရင်းမြစ်များ

JENESIS 14:23

Te men ym ïoh ong, ‘Dei ma nga uba la pynriewspah ïa u Abram.’

JENESIS 3:6

Ka briew ka la ïohi haduh katno uta u dieng u long uba itynnat bad haduh katno u soh jong u, u long uba ibang, bad ka la pyrkhat ruh haduh katno kan long kaba phylla ban long kaba stad. Kumta ka la shim ïa u soh bad ka la bam. Nangta ka la ai lem ha u tnga jong ka, bad u ruh u la bam ïa uta u soh.

JENESIS 34:23

Hato ki jingri jong ki bad baroh kaba ki don, kin ym long ki jong ngi? To ngin ïamynjur ba ki lah ban shong ban sah hapdeng jong ngi.”

Ka Kitab U Job 31:1

Nga la pynlong ka jingkular bakyntang ban nym khmih da ka jingkwah brai ïa ka kynthei.

Ka Kitab U Job 31:9

Lada nga la ikwah ïa ka tnga u paramarjan jong nga, bad ïai ap, ïai rieh, shabar ka jingkhang jong ka,

SALM 10:3

U riewbymman u sngewsarong ha la ki jong ki jingkwah basniew; u riewlalot u tim bad kyntait ïa U Trai.

SALM 119:36

To ai ha nga ka jingangnud ban kohnguh ïa ki aiñ jong me ban ïa kaba ïoh spah.

PROBERB 4:23

Da phikir kumno phi pyrkhat; naba ki jingpyrkhat jong phi ki saiñdur ïa ka jingim jong phi.

PROBERB 6:29

Ka long kaba mynsaw ban ïathiah lang bad ka tnga jong uwei pat u briew. Kat uba leh kumta un shem shitom.

EKLESIASTIS 4:8

Hangne don uwei uba shong basah marwei. Um don khun shynrang lymne u para, pynban u ïai trei, um ju sngewhun ïa ka spah kaba u don. Na ka bynta jongno ba u trei shitom haduh katta katta bad ba u khanglad ïa lade hi na kano kano ka jingpynsngewbha? Kane ruh ka long ka bymmyntoi — bad ka lynti ba-isangsot ban im.

ISAÏAH 33:15

Phi lah ban lait im lada phi ong bad phi leh ïa kaba dei. Wat pyndonkam ïa ka bor jong phi ban shukor ïa kiba duk bad wat pdiang ïa ka pisa bashukor. Wat ïasnohkti bad kito kiba thmu ban pynïap briew lane ban leh ïa kiwei ki kam sniew.

ISAÏAH 57:17

Nga la bitar ïa ki namar ka pop bad ka jingkwah lalot jong ki, bad kumta nga la pynshitom bad iehnoh ïa ki. Hynrei ki la long mutlop bad ki la nang ïaid ha la ki jong ki lynti.

JEREMAÏAH 22:17

Hynrei me lah ban ïohi tang ïa la ki jingmyntoi shimet; me pynïap ïa kiba lui lui, bad me banbeiñ tyngeh ïa la ki briew. U Trai u la kren.

JEREMAÏAH 5:8

Ki la long kum ki kulai ba la bsa bha, ki bym lah synshar ha ki jingkwah, uwei pa uwei u da kwah brai ïa ka tnga jong u paramarjan jong u.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

MIKAH 2:2

Haba ki ikwah ïa ki lyngkha, ki shu knieh ïa ki; haba ki ikwah ïa ki ïing, ki shu shim ïa ki. Ym don ka longïing ne ka jingdon jingem jongno jongno kaba shongshngain.

HABAKKUK 2:9

Phi long ba la tim! Phi la pynriewspah ïa la ka longïing da kaei kaba phi la shim da kaba leh jubor, bad phi la pyrshang ban pynlong ïa la ka ïing kaba lait na ki jingpynmynsaw bad jingma!

MATHAÏOS 20:15

Hato ngam don ka hok ban leh katba nga sngewbit ïa la ka jong ka pisa? Ne phi ïa-bishni namar ba nga long uba sbun?’ ”

MATHAÏOS 5:28

Hynrei mynta nga ong ha phi: uno uno uba khmih ïa ka briew bad kwah ban ïoh ïa ka u la hap ha ka jingpynrem jong ka jingklim bad ka hapoh ka dohnud jong u.

LOUKAS 12:15

Bad u la ïai kren ha ki baroh, “To khmih bha bad sumar ïa lade na kano kano ka jait jinglalot; namar ba ïa ka jingim bashisha jong u briew ym shym la pynlong da kiei kiei kiba u don, kam pher haduh katno u lah ban long uba riewspah.”

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

KI KAM 20:33

Ngam shym la kwah ïa ka rupa lane ka ksiar lane ka jaiñphong jongno jongno.

KI KAM 5:4

Ha shuwa ba men die ïa ka jaka, ka dei ka jong me; bad hadien ba me la die ïa ka, ka pisa ka la long ka jong me. Balei, te, ba me la kut jingmut ban leh ïa kane? Mem shym la shukor ïa ki briew — me la shukor ïa U Blei!”

Ka Shithi U Paul Sha Ki Nong Rom 13:9

Ki hukum, “Wat klim; wat pynïap briew; wat tuh; wat ikwah ïa kaei kaba dei jong kiwei pat” — ïa kine baroh, bad kino kino kiwei pat, la kynthup lang ha kawei ka hukum, “Ieit ïa u paramarjan jong me kumba ïa lade.”

Ka Shithi U Paul Sha Ki Nong Rom 7:7

Hato ngin ong te, ba ka Hukum hi ka long kaba pop? Ym kumta keiñ! Hynrei ka la long ka Hukum kaba pynlong ïa ngi ban tip kaei ka pop. Lada ka Hukum kam shym la ong, “Wat kwah ïa kaei kaba dei jong uwei pat,” ngan ym jin da la tip ïa kum kata ka jingkwah.

1 KORINTH 6:10

lane kiba tuh lane kiba kwah lalot lane kiba buaid lane kiba kren thadrong ïa kiwei lane ki nongtuh — yn ym don uno uno na kine u ban ïohkynti ïa ka Hima U Blei.

EPHESOS 5:3

Namar ba phi long ki briew jong U Blei, kam long kaba dei wat ban ïakren hapdeng jong phi ïa kino kino ki kam awria ne ki kam jakhlia ne ki kam kwah lalot.

EPHESOS 5:5

Phi dei ban sngewskhem ba yn ym don uno uno uba awria, uba long jakhlia, lane uba kwah lalot (naba ka jingkwah lalot ka long hi ka rukom mane bleithaw) u ban ïoh bynta ha ka Hima jong U Khrist bad jong U Blei.

DEUTERONOMI 5:21

“ ‘Wat ikwah ïa ka tnga jong uwei pat u briew; wat ikwah ïa ka ïing jong u, ïa ka jaka jong u, ïa ki mraw jong u, ïa ki masi jong u, ïa ki kada jong u, lane ïa kaei kaei kaba dei ka jong u.’

DEUTERONOMI 7:25

Thang ïa ki bleithaw jong ki. Wat ikwah ïa ka rupa lane ïa ka ksiar kaba don ha ki, bad wat shim ïa ka sha lade ïoh phi ïap, namar U Trai u isih ïa ka jingmane bleithaw.

PHILIPPI 3:19

Ka jingkut jong ki kan long ha dujok, namar u blei jong ki u long ki jingkwah brai ka doh jong ki. Ki sngewsarong ïa kaei kaba ki dei ban sngewlehrain, bad ki pyrkhat tang ïa kiei kiei kiba long ki jong kane ka pyrthei.

KOLOSSAI 3:5

Phi dei ban pynïap troiñ, te, ïa ki jingkwah brai ba kynja pyrthei kiba trei hapoh jong phi, kum ka jingawria, ka jingkhlem-akor, ka jingkwah brai, ki jingkwah basniew, bad ka jinglalot (naba ka jinglalot ka long kawei pat ka dur jong ka jingmane bleithaw).

HEBRU 13:5

Sumar bad kiar ïa la ka jingim na kaba ieit spah, bad sngewhun bad kita kiei kiei kiba phi don. Namar U Blei u la ong, “Ngan ym iehnoh ïa phi, ngan ym kyntait ïa phi.”

JOSHUA 7:21

Napdeng kita ki mar kiba ngi la kurup, nga la ïohi kawei ka barandi Babilon kaba itynnat, kumba ar kilo ka rupa, bad shi lyngkhot ka ksiar kaba khia palat shiteng kilo. Nga la ikwah eh ïa ki, bad nga la shim ïa ki. Phin shem ba la tep ïa ki hapoh ka ïingjaiñ jong nga, bad ka rupa ka don ha trai.”

1 SAMUEL 12:3

Hangne nga don. Lada nga la leh ïa kano kano kaba bakla, sakhi pyrshah ïa nga ha khmat U Trai bad ha khmat u syiem uba u la pynsleh. Hato nga la shim ïa ka masi ne ka kada jongno jongno? Hato nga la shukor ne banbeiñ ïano ïano? Hato nga la bamsap nano nano? Lada nga la leh ïa kine kiei kiei ngan pynphai noh ïa kata kaba nga la shim.”

1 SAMUEL 15:19

Balei te, ba phim shym kohnguh ïa u? Balei phi pynstet ban kynrup ïa ki jinglute, bad leh kumta ïa kaei kaba pynsngewsih ïa U Trai?”