EKSODOS 2:24 - Khasi CL Bible (BSI)

²⁴ Kata ka jingud jong ki ka kiew sha U Blei, uba la ïohsngew ïa ka jingud jong ki bad kynmaw ïa la ka jutang bad u Abraham, u Isaak bad u Jakob.

KA BAIBL

²⁴ Bad U Blei u la sngew ïa ka jingud jong ki, bad U Blei u la kynmaw ruh ïa ka jutang jong u bad u Abraham, bad u Isaak, bad u Jakob ruh.

EKSODOS 2:24 ပူးပေါင်းရင်းမြစ်များ

JENESIS 15:13

U Trai u ong ha u, “Ki khun ki ksiew jong me kin long ki nongwei ha ka ri nongwei; kin long ki mraw hangta, bad kin shah pynshitom beiñ haduh sawspah snem.

JENESIS 16:11

Phan sa ïoh khun shynrang, bad phan khot kyrteng ïa u, u Ishmael, namar U Trai u la ïohsngew ïa ka jingud sngew jynjar jong pha.

JENESIS 17:7

“Ngan bat ïa la ka kular bad me bad ki khun ki ksiew jong me ha ki pateng ki ban dang wan ba kan long ka jutang kaba ïaineh junom. Ngan long U Blei jong me bad U Blei jong ki khun ki ksiew jong me.

JENESIS 18:18

Ki khun ki ksiew jong u kin long ka jaitbynriew kaba khraw bad kaba donbor, bad da u ngan kyrkhu ïa ki jaitbynriew baroh.

JENESIS 22:16

“Nga la smai da ka kyrteng jong nga — U Trai u kren — ba ngan kyrkhu kyrhai ïa me. Namar me la leh ïa kane, bad mem shym la tyngkai noh ïa la u khun marwei na nga,

JENESIS 26:2

U Trai u la mihpaw ha u Isaak bad u ong, “Wat leit sha ri Ijipt; sah ha kane ka ri ha kaba nga la ong ha me ban sah.

JENESIS 26:24

Ha kata ka miet U Trai u la mihpaw ha u bad u ong, “Nga long U Blei jong u kpa jong me u Abraham. Wat sheptieng, nga don ryngkat bad me. Ngan kyrkhu ïa me, bad ngan ai ha me bun ki khun ki ksiew namar ka jingkular jong nga ïa u shakri jong nga u Abraham.”

JENESIS 26:3

To shong to sah hangne, bad ngan long lem bad me, bad ngan kyrkhu ïa me. Ngan sa ai ïa kane ka ri baroh ha me bad ha ki khun ki ksiew jong me. Ngan bat ïa la ka kular kaba nga la pynlong ha u Abraham u kpa jong me.

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

JENESIS 35:11

Bad U Blei u ong ha u, “Nga long U Blei Badonbor Baroh. To nang ïoh bun ki khun ki kti. Ki jaitbynriew kin hiarpateng na me, bad men long u kpa tymmen jong ki syiem.

JENESIS 35:12

Ngan ai ha me ïa ka ri kaba nga la ai ha u Abraham bad ha u Isaak, bad ngan ai ïa ka ruh ha ki khun ki ksiew hadien jong me.”

JENESIS 8:1

U Blei um shym la klet ïa u Noah, bad ïa ki mrad baroh kiba ïadon lem bad u ha ka lieng; u la pynlong ïa ka lyer ban beh, bad ka um ka la sdang hiar.

2 SYIEM 13:23

hynrei U Trai u long uba bha bad leh-isynei ïa ki. Um shah ba yn pynjot ïa ki, hynrei u ïarap ïa ki, namar ka jutang jong u bad u Abraham, u Isaak, bad u Jakob. Um pat ju klet ïa la ki briew.

SALM 102:2

Haba nga don hapdeng ka jingjynjar, to wat phai noh na nga! To sngew ïa nga, bad to jubab kloi haba nga khot kyrpad!

SALM 102:20

U ïohsngew ïa ki jingud jong ki koidi bad u pyllait ïa kito kiba la shah pynrem ban ïap.

SALM 105:42

U la kynmaw ïa ka jingkular bakyntang jong u ïa u Abraham u shakri jong u.

SALM 106:45

Na ka bynta jong ki u kynmaw ïa ka jutang jong u, bad namar ka jingieit bakhraw jong u, u la kylla jingmut.

SALM 138:3

Me jubab ïa nga haba nga khot kyrpad ïa me; da ka jingkhlaiñ jong me, me pynshaitbor ïa nga.

SALM 22:24

Um shym leh klet ïa kiba duk lane leh bymsuidñiew ïa ki jingshitom jong ki; um shym phai lyndet na ki, hynrei u jubab haba ki pan jingïarap.”

SALM 22:5

Ki khot kyrpad ïa me bad ki lait im na ki jingma; ki shaniah ha me bad kim shym duh jingkyrmen.

SALM 79:11

To shahshkor ïa ki jingud jong ki koidi, bad da ka borbah jong me, to pyllaitluid ïa kito ïa kiba la shah pynrem ban ïap.

EKSODOS 6:5

Mynta nga la ïohsngew ïa ka jingud jong ki Israel, ïa kiba ki nong Ijipt ki la teh mraw, bad nga la kynmaw ïa la ka jutang.

JINGKHEIÑ 20:16

bad ngi la lynñiar sha U Trai ban ïoh jingïarap. U la ïohsngew ïa ka jinglynñiar jong ngi bad u la phah ïa u angel, uba la ïalam noh ïa ngi na Ijipt. Mynta ngi don ha Kadesh, ka shnong kaba ha khappud ka hima jong phi.

KI KAM 7:34

Nga la ïohi ïa ka jingshah shitom bashyrkhei jong ki briew jong nga ha Ijipt. Nga la ïohsngew ïa ki jingud jong ki, bad nga la wan hiar ban pyllaitluid ïa ki. Ale mynta; ngan phah ïa me sha Ijipt.’

NONGBISHAR 2:18

Man ba U Trai u ai ha ki Israel ïa u nongïalam, U Trai u ïarap ïa uta u nongïalam bad u pyllait im ïa ki briew na ki nongshun jong ki katba uta u nongïalam u dang im. U Trai u sngewsynei ïa ki namar ba ki la ud ha ki jingshitom bad jingshah banbeiñ jong ki.

1 SAMUEL 9:16

“La shai kumba katne por ngan phah ha me ïa u briew uba na ka jait Benjamin; pynsleh ïa u kum u nongsynshar ïa ki briew jong nga ki Israel, bad un sa pyllait ïa ki na ki Philistia. Nga la ïohi ïa ka jingshah shitom ki briew jong nga, bad nga la ïohsngew ïa ki jinglynñiar jong ki ban ïoh jingïarap.”