EKSODOS 2:20 - Khasi CL Bible (BSI)

²⁰ “Ha-ei u don?” u kylli ïa la ki khun. “Balei phi shu ieh ïa uta u briew? Khie leit khot ïa u ban ïabam bad ngi.”

KA BAIBL

²⁰ Te u la kylli ïa la ki khun kynthei, “Shano te u don? balei phi la iehnoh ïa uta u rangbah? to khot ïa u ban bam jingbam.”

EKSODOS 2:20 ပူးပေါင်းရင်းမြစ်များ

JENESIS 18:5

Ngan wanrah ruh khyndiat ka jingbam; kan ai bor ïa phi katba phi nang bteng ïa ka jingïaid lynti jong phi. Phi la pyndonburom ïa nga haba phi wan rung ha ïing jong nga, kumta shah ngan shakri ïa phi.” Ki jubab, “Khublei shibun; ngi pdiang sngewbha ïa kata.”

JENESIS 29:13

Ka leit bran bran ban ïathuh ha la u kpa; bad haba u la ïohsngew ïa ka khubor shaphang u pyrsa jong u, u Jakob, mar mar u leit ban ïashem ïa u; u la kdup bad u doh ïa u, bad u la ïalam ïa u sha ïing.

JENESIS 31:54

U pynïap ïa u jingri, ïa uba u ai kum ka jingkñia halor uta u lum, bad u khot sngewbha ïa ki briew jong u ban ïabam. Ynda ki la lah bam, ki sahmiet halor uta u lum.

JENESIS 43:25

Ki pynkhreh ïa kita ki jingai sngewbha ban ai ha u Joseph ynda u wan ha ka por shiteng sngi, namar la ïathuh ha ki ba ki dei ban ïabam ryngkat bad u.

Ka Kitab U Job 31:32

Nga khot sngewbha sha ïing jong nga ïa ki nongleit jingleit bad ngam ju shah ba kin thiah miet ha ki surok bah.

Ka Kitab U Job 42:11

Baroh ki hynmen ki para jong u Job, kynthei bad shynrang, bad ki paralok barim jong u, ki la wan jngoh ïa u bad ïabam sngewbha bad u ha ka ïing jong u. Ki la pynpaw ïa ka jingsngewlem jong ki bad ki pyngtngen ïa u namar ki jingjynjar baroh ba U Trai u la wallam halor jong u. Uwei pa uwei na ki u la ai katto katne ka pisa bad ka sati ksiar.

EKSODOS 2:19

“Uwei u nong Ijipt u pyllait ïa ngi na ki nongap langbrot,” ki jubab; “u pyntong um lem ïa ngi, bad u ïarap ai um de ïa ki jingri jong ngi.”

EKSODOS 2:21

Kumta u Moses u la mynjur ban shong ban sah noh hangta, bad u Jethro ruh u pynshongkurim ïa u bad ka Sipporah ka khun jong u kaba la kha khun shynrang ïa u Moses.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

HEBRU 13:2

Da kynmaw ban pdiang sngewbha ïa ki nongwei ha ki ïing jong phi. Don kiba la leh kumta bad pdiang sngewbha ïa ki angel khlem da tip ïa kata.