EKSODOS 19:9 - Khasi CL Bible (BSI)

⁹ U Trai u ong ha u Moses, “Ngan wan ha me ha u lyoh uba rben, khnang ba u paidbah un ïohsngew ïa nga ba nga ïakren bad me, bad un sa ngeit ïa me naduh mynta.” U Moses u la ïathuh ha U Trai ïa ka jubab jong uta u paidbah,

KA BAIBL

⁹ Bad U Trai u la ong ha u Moses, “Ha khmih, ngan wan ha me ha u lyoh ba-dum, ba u paidbah un ïohsngew haba nga kren bad me, bad ba un ngeit ïa me ha la ka rta.” Bad u Moses u la ïathuh ïa kita ki ktien jong u paidbah ha U Trai.

EKSODOS 19:9 ပူးပေါင်းရင်းမြစ်များ

1 SYIEM 8:12

Nangta u Solomon u duwai: “Me, A Trai, me la buh ïa ka sngi ha ka sahit bneng, pynban me la jied ban shong ha ki lyoh bad ka jingdum.

2 KHRONIKL 20:20

Dang step eh, ha ka sngi kaba bud, u paidbah u mih ban leit sha ka ri khlaw hajan Tekoa. Katba ki dang sdang leit, u Jehoshaphat u kren ïa ki da kine ki ktien: “Ko ki briew ka Judah bad Jerusalem! Buh ïa ka jingngeit jong phi ha U Trai U Blei jong phi, bad phin long skhem. Ngeit ïa kaei kaba ki nongïathuhlypa ki ong ïa phi bad phin jop.”

2 KHRONIKL 6:1

Te u syiem Solomon u la duwai, “A Trai Me la jied ban shong ha ki lyoh bad haba dum tliw tliw.

SALM 97:2

Ki lyoh bad ka jingdum ki ker sawdong ïa u; u synshar da ka hok bad ka jingbishar hok.

SALM 99:7

U la kren ha ki na u rishot lyoh; ki kohnguh ïa ki aiñ bad ki hukum ba u la ai ha ki.

EKSODOS 14:31

Haba ki Israel ki ïohi ïa ka borbah da kaba U Trai u jop ïa ki Ijipt, ki la ïeng da kaba tiengburom ïa U Trai; bad kumta ki la shaniah ha U Trai bad ha u Moses u shakri jong u.

EKSODOS 19:16

Ha ka step jong ka sngi kaba lai, la don u pyrthat bad ka leilieh, u lyoh uba rben u la paw halor u lum, bad la ïohsngew ïa ka turoi kaba sawa jam. Baroh ki briew kiba don ha ka jaka sher dara ki la kyiuh da ka jingsheptieng.

EKSODOS 20:21

Hynrei ki paidbah ki dang ïeng hi sha jngai, bad tang u Moses uba la leit sha jan u lyoh uba rben ha uba U Blei u don.

EKSODOS 34:5

U Trai u wan hiar ha u lyoh bad u la ïeng bad u hangta, bad u la pynbna ïa ka kyrteng kaba khuid jong u, U Trai.

EKSODOS 4:31

Ki paidbah ki la ngeit, bad haba ki ïohsngew ba U Trai u la wan sha ki bad ba u la ïohi kumno ki la shah lehbeiñ tyngeh, ki la nguh la dem bad ki la ïamane ruh.

EKSODOS 4:5

U Trai u la ong, “Leh ïa kane ban pynshisha ha ki Israel ba U Trai, U Blei jong ki kpa tymmen jong ki, U Blei jong u Abraham, u Isaak bad u Jakob, u la mihpaw ha me.”

ISAÏAH 19:1

Kane ka dei ka khubor shaphang ka Ijipt. U Trai u wan sha Ijipt, u da shong ha u lyoh uba ïaid stet. Ki bleithaw jong ki Ijipt ki khynñiuh ha khmat jong u, bad ki briew jong ka Ijipt ki duh noh ïa ka jingshlur jong ki.

ISAÏAH 7:9

Ka Israel kam long kaba kham khlaiñ ban ïa ka Samaria, ka nongbah jong ka, bad ka Samaria kam long kaba kham khlaiñ ban ïa u Syiem Pekah. “Lada ka jingngeit jong phi kam long kaba ïaineh, phin ym ïaineh.”

JINGKHEIÑ 12:5

Ki la leit, bad U Trai u wan hiar ha u rishot lyoh, u la ïeng ha ka jingkhang jong ka Ïingjaiñ bad u pyrta “Aaron! Miriam!” Baroh ar ngut ki wan sha khmat,

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MARKOS 9:7

Nangta u lyoh u la paw bad u la tap ïa ki da ka syrngiew jong u, bad ka sur ka la wan na u lyoh, “Une u long U Khun ba-ieit eh jong nga — to shahshkor ïa u!”

LOUKAS 10:16

U Jisu u la ong ha ki synran jong u, “Uno uno uba shahshkor ïa phi u shahshkor ïa nga; uno uno uba kyntait ïa phi u kyntait ïa nga; bad uno uno uba kyntait ïa nga u kyntait ïa uta uba la phah ïa nga.”

DEUTERONOMI 4:10

Ïathuh pateng ha ki khun ki ksiew jong phi shaphang kata ka sngi ba phi ïeng ha khmat U Trai U Blei jong phi ha u Lum Sinai, mynba u ong ha nga, ‘Lumlang ïa u paidbah. Nga kwah ba kin ïohsngew aïu ngan ong, ba kumta kin tiengburom ïa nga katba ki dang im bad ba kin hikai ïa la ki khun ki kti ban leh kumjuh.’

DEUTERONOMI 4:36

U la ailad ïa phi ban ïohsngew ïa ka ktien jong u na bneng khnang ba u lah ban hikai ïa phi; bad hangne ha pyrthei u la ailad ba phin ïohi ïa ka ding kaba kyntang jong u, bad u la kren ha phi na ka.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!