EKSODOS 19:6 - Khasi CL Bible (BSI)

⁶ ka jaitbynriew ba la pynkyntang sha nga, bad phin shakri ïa nga kum ki lyngdoh.”

KA BAIBL

⁶ phin long ruh ha nga ka hima lyngdoh bad ka jaid bynriew bakyntang. Kine ki ktien ïa kiba men kren ha ki khun Israel.”

EKSODOS 19:6 ပူးပေါင်းရင်းမြစ်များ

1 SYIEM 3:8

Nga don hangne hapdeng ki briew ïa kiba me la jied kum la ki jong, ki briew kiba bun paid katta katta ba ym lah ñiew shuh ïa ki.

1 SYIEM 8:53

Me la jied ïa ki napdeng ki jaitbynriew baroh ban long u paidlang jong me, kumba me la ïathuh ha ki lyngba u Moses u shakri jong me mynba me wan ïalam noh na Ijipt ïa ki kpa tymmen jong ngi.”

1 KHRONIKL 17:22

Me la pynlong ïa ki Israel ki briew jong me junom, bad me, ko Trai, me la long U Blei jong ki.

SALM 114:2

ka Judah ka la kylla long ka jaitbynriew kaba khuid jong U Trai, bad ka Israel ka kylla long ka jingïohkynti jong u hi.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

EKSODOS 22:31

“Phi, phi long ki briew jong nga, kumta phim bit ban bam ïa ka doh jong kano kano ka mrad kaba la shah pynïap ha ki mradkhlaw; pynban, ai ïa ka ha ki ksew.

EKSODOS 28:36

“Thaw ruh ïa ka jingdeng da ka ksiar nylla bad thoh ha ka, ‘La Pynkyntang sha U Trai.’

ISAÏAH 43:4

Ngan kyntait ïa ki ri baroh ban pynim ïa ka jingim jong phi, namar phi long uba kordor ha nga bad namar ba nga ieit ïa phi bad ai ïa phi ka burom.

ISAÏAH 61:6

bad ïa phi yn khot ki lyngdoh U Trai, ki shakri jong U Blei jong ngi. Phin sa lehkmen ïa ka spah ki jaitbynriew, bad phin sa sngewsarong ba ka dei ki jong phi.

ISAÏAH 62:12

Yn khot ïa phi, “Ki Briew ki bakhuid jong U Blei,” “Ki briew kiba U Trai u la pyllait im;” Ïa ka Jerusalem yn khot “Ka nongbah kaba U Blei u ieit.” “Ka nongbah kaba U Blei um shym la iehnoh.”

ISAÏAH 66:21

Ngan pynlong katto katne na ki, ki lyngdoh bad ki Lebi.

JEREMAÏAH 13:11

Kumba ki patlun lyngkot ki biang sbiak sawdong ka syngkai, kumta nga la thmu ba baroh ki briew jong ka Israel bad Judah kin snoh skhem ha nga. Nga la leh ïa kane khnang ba kin ïoh long ki briew jong nga bad wallam ka jingïaroh bad ka burom ïa ka kyrteng jong nga; hynrei kim shym kohnguh ïa nga.”

JEREMAÏAH 2:3

Ko Israel, pha long tang ka jong nga hi; pha long ka jingdon bakyntang jong nga. Nga la phah ka jingshitom bad ka jingpynjot ha uwei pa uwei uba pynmong ïa pha. Ma nga, U Trai nga la kren.”

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

LEBITIKOS 19:2

“Long kiba khuid, namar nga, U Trai U Blei jong phi, nga long uba khuid.

LEBITIKOS 20:24

Hynrei nga la kular ha phi ïa kata ka ri kaba tuid da ka dud bad ka ngap kum ka jingïohkynti jong phi, bad ngan ai ïa ka ha phi. Nga long U Trai U Blei jong phi, bad nga la pynkyrpang ïa phi na kiwei pat ki jaitbynriew.

LEBITIKOS 20:26

Phi dei ban long kiba khuid ïa nga, namar nga long U Trai bad nga long uba khuid. Nga la pynkyrpang ïa phi na kiwei pat ki jaitbynriew ba phin long ki jong nga.

LEBITIKOS 21:23

hynrei namar ba u don ka jingduna ha ka met, um bit ban wan hajan ka jingkah pyrda kaba kyntang ne ban leit sha jan ka duwan. Um dei ban pynbit tngit ïa kine ki jaka kyntang jong nga; namar nga long U Trai bad nga pynkyntang ïa ki.”

AMOS 3:2

“Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

HAGGAI 2:5

Mynba phi la mihnoh na ri Ijipt, nga la kular ba ngan long lem bad phi borabor. Nga dang long lem bad phi, kumta wat sheptieng.

JINGKHEIÑ 16:3

Ki la ïalumlang ha khmat u Moses bad u Aaron bad ki ong ha ki, “Phi la leh shaba palat! Baroh ki dkhot jong ka kynhun ki long ki jong U Trai, bad U Trai u don lem bad ngi baroh. Balei te Moses me buh ïa lade uba halor jong ka kynhun jong U Trai?”

Ka Shithi U Paul Sha Ki Nong Rom 12:1

Kumta te, ko ki parabangeit jong nga, namar ka jingisynei bakhraw jong U Blei ïa ngi, nga kyrpad ïa phi: To aiti ïa lade kum ka jingkñia ba-im sha U Blei, ba la pynkyntang ha ka jingshakri ïa u bad ka jingpynsngewbha ïa u. Kane ka long ka jingmane bashisha kaba phi dei ban ai.

1 KORINTH 3:17

Te lada uno uno u pynjot ïa ka templ jong U Blei, U Blei un pynjot ïa u. Naba ka templ jong U Blei ka long kaba khuid, bad phi hi phi long ka templ jong u.

DEUTERONOMI 14:21

“Wat bam ïa kano kano ka jait mrad kaba shu ïap hi. Phi lah ban shah ïa ki nongwei kiba shong hapdeng jong phi ban bam ïa ka, lane phi lah ban die ïa ka ha kiwei pat ki nongwei. Hynrei phi, phi long ki jong U Trai U Blei jong phi; phi dei ki briew jong u. “Wat shet ïa u khunlangbrot lane ïa u khunblang ha ka dud ka kmie jong u.

DEUTERONOMI 26:19

Un kyntiew ïa phi ha khlieh eh ïa ki jaitbynriew baroh ba u la thaw, bad phi pat phin ïaroh bad ai burom ïa ka kyrteng jong u. Phi phin long ki briew jong u hi, kumba u la kular.”

DEUTERONOMI 28:9

“Lada phi kohnguh ïa U Trai U Blei jong phi bad leh kat ïa kaba u hukum, un pynlong ïa phi ki briew jong u hi, kumba u la kular.

DEUTERONOMI 7:6

Namar phi long kiba la pynkyntang khuid sha U Trai U Blei jong phi. U la jied ïa phi napdeng ki jaitbynriew baroh ha ka pyrthei ba phin long ka jaitbynriew kaba kyrpang jong u.

1 THESSALONI 5:27

Nga kyrpad ïa phi da ka iktiar jong U Trai ban pule ïa kane ka shithi ha ki parabangeit baroh.

1 PETROS 2:5

To wan kum ki maw ba-im, bad to shah ïa lade ba yn pyndonkam ha kaba tei ïa ka Templ ba kynja mynsiem, ha kaba phin shakri kum ki lyngdoh bakhuid ban ai ïa ki jingkñia ba kynja mynsiem bad ba pdiang hun ha U Blei da U Jisu Khrist.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 20:6

Katno kiba suk bad kiba la ïoh jingkyrkhu shikatdei eh ki long kito kiba la kynthup ha kane ka jingpynmihpat banyngkong ïa kiba ïap. Ka jingïap kaba ar kam donbor halor jong ki; kin long ki lyngdoh jong U Blei bad jong U Khrist, bad kin synshar bad u shihajar snem.

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”