EKSODOS 19:5 - Khasi CL Bible (BSI)

⁵ Te mynta, lada phin kohnguh ïa nga bad sumar ïa ka jutang jong nga, phin long ki briew jong nga. Ka pyrthei baroh kawei ka long ka jong nga, bad phi pat phin long ki briew kiba nga la jied,

KA BAIBL

⁵ Te namar kata, lada shisha phin kohnguh ïa ka ktien jong nga, bad sumar ïa ka jutang jong nga, te phin long ka jingkynshew kaba dei ka jong nga hi nalor ki briew baroh: naba ka pyrthei baroh ka jong nga keiñ:

EKSODOS 19:5 ပူးပေါင်းရင်းမြစ်များ

JENESIS 17:9

U Blei u ong ha u Abraham, “Me ruh me dei ban mynjur ban bat ïa ka jutang bad nga, ma me bad ki khun ki ksiew jong me ha ki pateng ban wan.

1 SYIEM 8:53

Me la jied ïa ki napdeng ki jaitbynriew baroh ban long u paidlang jong me, kumba me la ïathuh ha ki lyngba u Moses u shakri jong me mynba me wan ïalam noh na Ijipt ïa ki kpa tymmen jong ngi.”

1 KHRONIKL 17:22

Me la pynlong ïa ki Israel ki briew jong me junom, bad me, ko Trai, me la long U Blei jong ki.

Ka Kitab U Job 41:11

Uei uba lah ban tur ïaleh ïa u, bad u ban dang lait im? Ym don mano mano ha ka pyrthei baroh uba lah ban leh ïa kata.

Ka Kitab U Job 41:3

Hato un kyrpad ïa me ban pyllait ïa u? Hato un ïasaid bad me ban ïoh jingisynei?

SALM 135:4

U la jied ïa u Jakob na ka bynta ïa lade, ïa ki paid Israel na ka bynta jong u hi.

SALM 24:1

Ka pyrthei bad baroh kiba don ha ka ki dei ki jong U Trai; ka khyndew bad baroh kiba shong ha ka ki dei ki jong u.

SALM 25:10

Da ka jingïaineh bad ka jingieit u ïalam ïa baroh kiba sumar ïa ka jutang jong u bad kohnguh ïa ki hukum jong u.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

EKSODOS 23:22

Hynrei lada phi kohnguh ïa u, bad leh kat ïa kaba nga hukum, ngan ïaleh pyrshah ïa ki nongshun jong phi baroh.

EKSODOS 24:7

Nangta pat u shim ïa ka kitab ka jutang ha kaba la thoh ïa ki hukum U Trai bad u pule jam ïa ka ha uta u paidbah; ki ruh ki ïa-ong, “Ïa kita baroh kiba U Trai u la hukum, ngin leh, bad ngin kohnguh.”

EKSODOS 34:9

U la ong, “Ko Trai, lada me sngewbha shisha ïa nga, nga kyrpad ïa me ban wan ryngkat bad ngi. Kine ki briew ki long kiba mutlop, hynrei map ïa ka jingbymman bad ka pop jong ngi, bad pdiang ïa ngi kum ki briew ki jong me hi.”

EKSODOS 6:7

Ngan pynlong ïa phi ki briew jong nga, bad nga ngan long U Blei jong phi. Phin sa tip ba nga long U Trai U Blei jong phi haba nga pyllaitluid ïa phi na ka jinglongmraw ha ka ri Ijipt.

EKSODOS 8:22

Hynrei ngan pyllait ïa ka ri Goshen, ha kaba ki briew jong nga ki shong, ba kumta yn ym don skain hangta. Ngan leh ïa kane ba men tip ba nga U Trai nga trei ha kane ka ri.

EKSODOS 9:29

U Moses u ong ha u, “Nga tang shu poi shabar kane ka shnong, ngan duwai ha U Trai. U pyrthat un sangeh, bad u phria un ym hap shuh, ba phin ïoh tip ba ka pyrthei ka long ka jong U Trai.

JINGRWAI SOLOMON 8:12

U Solomon u ïohpdiang ïa ki shihajar tylli ki sbai, bad ki nongrep ki ïohpdiang ïa ki arspah tylli kum ka bhah jong ki, nga don ka bri sohwaiñ ka jong nga hi!

ISAÏAH 1:19

Lada phan tang shu kohnguh ïa nga, phan bam ïa kiei kiei kiba bha kiba ka khyndew ka pynmih.

ISAÏAH 41:8

“Hynrei me, ko Israel u shakri jong nga, me long u paidlang ba nga la jied, ki khun ki ksiew u Abraham, u paralok jong nga.

ISAÏAH 43:1

Ko Israel, U Blei uba la thaw ïa phi u ong, “Wat sheptieng — ngan pyllait im ïa phi, nga la khot ïa phi da ka kyrteng — phi long u jong nga.

ISAÏAH 56:4

U Trai un ong kum ha uta u briew, “Lada me pyndonburom ïa nga da kaba rakhe ïa ka sngi Sabbaton bad lada me leh ïa kaei kaba pynsngewbha ïa nga bad sumar khuid ïa ka jutang jong nga,

JEREMAÏAH 10:16

U Blei jong u Jakob um long kum ma ki; u long uta uba thaw ïa kiei kiei baroh, bad u la jied ïa ki Israel ban long ki briew jong u hi. U Trai Badonbor Baroh long ka kyrteng jong u.

JEREMAÏAH 13:11

Kumba ki patlun lyngkot ki biang sbiak sawdong ka syngkai, kumta nga la thmu ba baroh ki briew jong ka Israel bad Judah kin snoh skhem ha nga. Nga la leh ïa kane khnang ba kin ïoh long ki briew jong nga bad wallam ka jingïaroh bad ka burom ïa ka kyrteng jong nga; hynrei kim shym kohnguh ïa nga.”

JEREMAÏAH 7:23

Hynrei nga la hukum ïa ki ban kohnguh ïa nga, khnang ba ngan ïoh long U Blei jong ki bad ki kin ïoh long ki briew jong nga. Bad nga la ong ha ki ban im kumba nga la lah hukum ïa ki, khnang ba kiei kiei kin bit kin biang ïa ki.

ESEKIEL 16:8

“Katba nga dang ïaid lyngba biang, nga la ïohi ba ka por ka la poi ïa pha ban shoh jingieit. Nga la tap ïa ka jinglyngkhuit jong pha da ka jaiñ jynsur jong nga bad nga la kular ban ieit ïa pha. Ho-oid nga la pynlong ka jutang shongkurim bad pha, bad pha long ka jong nga.” Kane ka dei kaei kaba U Trai Nongsynshar u ong.

LEBITIKOS 20:24

Hynrei nga la kular ha phi ïa kata ka ri kaba tuid da ka dud bad ka ngap kum ka jingïohkynti jong phi, bad ngan ai ïa ka ha phi. Nga long U Trai U Blei jong phi, bad nga la pynkyrpang ïa phi na kiwei pat ki jaitbynriew.

AMOS 3:2

“Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

AMOS 6:1

Katno kaba sngewshyrkhei kan long ïa phi kiba shongsuk ha Seïon, bad ïa phi kiba sngewshngain ha Samaria — phi ki briew kiba khraw jong kane ka jaitbynriew Israel kaba khraw, phi sha kaba ki briew ki ju leit ban ïoh jingïarap!

MALAKHI 3:17

“Kin long ki briew jong nga,” ong U Trai Badonbor Baroh. “Ha ka sngi ba ngan trei ïa ka kam, kin long ki jong nga hi. Ngan leh-isynei ïa ki kumba u kpa u leh-isynei ïa u khun uba shakri ïa u.

1 KORINTH 10:26

Naba, ka Jingthoh Bakhuid ka ong, “Ka khyndew bad kiei kiei kiba don ha ka ki long ki jong U Trai.”

1 KORINTH 10:28

Hynrei lada uno uno u ong ïa phi, “Kane ka dei ka jingbam ba la kñia ha ki bleithaw,” te wat nym bam phi ïa kata ka jingbam, na ka bynta uta uba la ïathuh ïa phi bad na ka bynta ka jingïatiplem —

DEUTERONOMI 10:14

Wat ka bneng kaba jrong tam ka long ka jong U Trai; ka khyndew ruh ka long ka jong u, bad kiei kiei ruh kiba don ha ka.

DEUTERONOMI 11:27

ïa ka jingkyrkhu, lada phi kohnguh ïa ki hukum U Trai U Blei jong phi ïa kiba nga ai ha phi mynta ka sngi;

DEUTERONOMI 14:2

Phi long ki jong U Trai U Blei jong phi; u la jied ïa phi napdeng ki jaitbynriew baroh ha ka pyrthei ban long ki briew jong u.

DEUTERONOMI 14:21

“Wat bam ïa kano kano ka jait mrad kaba shu ïap hi. Phi lah ban shah ïa ki nongwei kiba shong hapdeng jong phi ban bam ïa ka, lane phi lah ban die ïa ka ha kiwei pat ki nongwei. Hynrei phi, phi long ki jong U Trai U Blei jong phi; phi dei ki briew jong u. “Wat shet ïa u khunlangbrot lane ïa u khunblang ha ka dud ka kmie jong u.

DEUTERONOMI 26:18

Mynta ka sngi U Trai u la pdiang ïa phi kum la ki jong ki briew, kumba u la kular ïa phi; bad u hukum ïa phi ban kohnguh ïa ki aiñ jong u baroh.

DEUTERONOMI 26:19

Un kyntiew ïa phi ha khlieh eh ïa ki jaitbynriew baroh ba u la thaw, bad phi pat phin ïaroh bad ai burom ïa ka kyrteng jong u. Phi phin long ki briew jong u hi, kumba u la kular.”

DEUTERONOMI 28:1

“Lada phi kohnguh ïa U Trai U Blei jong phi bad sumar hok ïa ki hukum jong u baroh ba nga la ai ha phi mynta ka sngi, un kyntiew ïa phi ha khlieh eh jong ki jaitbynriew baroh ha ka pyrthei.

DEUTERONOMI 28:9

“Lada phi kohnguh ïa U Trai U Blei jong phi bad leh kat ïa kaba u hukum, un pynlong ïa phi ki briew jong u hi, kumba u la kular.

DEUTERONOMI 4:20

Hynrei phi, phi dei ki briew kiba u la pyllait im na Ijipt, ka pajwa kaba klang da ka ding. U la wan ïalam ïa phi ban pynlong ïa phi ki briew jong u hi, kumne kumba phi long mynta.

DEUTERONOMI 5:2

Ha u Lum Sinai, U Trai U Blei jong ngi u la pynlong ka jutang,

DEUTERONOMI 7:6

Namar phi long kiba la pynkyntang khuid sha U Trai U Blei jong phi. U la jied ïa phi napdeng ki jaitbynriew baroh ha ka pyrthei ba phin long ka jaitbynriew kaba kyrpang jong u.

DEUTERONOMI 9:29

Nalor baroh, kine ki long ki briew kiba me la jied ban long ki jong me bad kiba me la wallam noh na ka ri Ijipt da ka bor bad ka jingkhlaiñ jong me.’

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

HEBRU 11:8

Dei ka jingngeit kaba pynlong ïa u Abraham ban kohnguh haba U Blei u la khot ïa u ban leit sha ka ri kaba U Blei u la kular ban ai ha u. U la mihnoh na la ka ri khlem tip shano ba un leit.

HEBRU 8:9

Kan ym long kum ka jutang ïa kaba nga la pynlong bad ki kpa tymmen jong ki ha kata ka sngi ha kaba nga la btin ïa ki bad la ïalam noh ïa ki na ka ri Ijipt. Kim shym ïaineh ha kata ka jutang kaba nga la pynlong bad ki, bad kumta ngam shym shahshkor shuh ïa ki.

JOSHUA 24:24

Nangta u paidbah u ong ha u Joshua, “Ngin shakri ïa U Trai U Blei jong ngi. Ngin kohnguh ïa ki hukum jong u.”

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.