EKSODOS 19:20 - Khasi CL Bible (BSI)

²⁰ U Trai u wan hiar halor u Lum Sinai, bad u la khot ïa u Moses sha kliar jong u lum.

KA BAIBL

²⁰ U Trai te u la wan hiar halor u lum Sinai, halor ka khlieh uta u lum: te U Trai u la khot ïa u Moses sha khlieh uta u lum; u Moses u la leit kiew ruh.

EKSODOS 19:20 ပူးပေါင်းရင်းမြစ်များ

1 SYIEM 19:11

U Trai u ong ha u, “Mih shabar bad ïeng ha khmat jong nga halor u lum.” Hadien kata, U Trai u la ïaid nangta bad u la phah ïa ka lyer bajur kaba la kad arliang ïa ki lum bad pynkhynñiuh ïa ki mawsiang — hynrei U Trai um shym don ha ka lyer. Ka lyer ka sangeh ban beh, bad nangta la khie u jumai — hynrei U Trai um shym don ha u jumai.

NEHEMAÏAH 9:13

Ha u Lum Sinai me wan hiar na bneng; me kren ha ki briew bad me ai ïa ki, ki hukum babha bad ki jinghikai baskhem.

SALM 81:7

Haba phi la don ha ka jingjynjar, phi la khot kyrpad ïa nga, bad nga la pyllait im ïa phi. Na ka jakarieh jong nga ha ka 'erïong nga la jubab ïa phi. Nga la tynjuh ïa phi ha ki um ka Meribah.

EKSODOS 19:11

Ki dei ban sait ïa la ki jaiñkup bad ban long kiba la khreh la shi sngi. Ha kata ka sngi ngan wan hiar ha u Lum Sinai; ha kaba ki briew baroh kin ïohi ïa nga.

EKSODOS 19:3

bad u Moses u la leit kiew sha u lum ban ïashem bad U Blei. U Trai u la khot ïa u na u lum bad u la bthah ïa u ban ong ha ki Israel, ki khun ki ksiew u Jakob:

EKSODOS 24:15

U Moses u la leit kiew ïa u Lum Sinai, bad u lyoh u tap ïa uta u lum.

EKSODOS 24:18

U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 34:2

Khreh la shai dang step, bad wan kiew ïa u Lum Sinai ban ïashem bad nga hangta ha kliar lum.

EKSODOS 34:4

Kumta u Moses u shtah ar tylli ki mawlyngkniap kum kita kiba mynshuwa. Dang step phyrngab u leit kiew ïa u Lum Sinai, u da rah ïa kita ki mawlyngkniap, kumba U Trai u la hukum ïa u.

DEUTERONOMI 33:2

U Trai u wan na u Lum Sinai; u mih kum ka sngi ha Edom, bad u tyngshaiñ ha la ki briew na u Lum Paran. Shiphew hajar ki angel ki don ryngkat bad u, bad ka ding kaba meh ha ka kti kamon jong u.

DEUTERONOMI 9:9

Nga kiew ïa uta u lum ban pdiang ïa ki mawlyngkniap ha kiba la thoh ïa ka jutang ba U Trai u la pynlong bad phi. Nga sah hangta sawphew sngi bad sawphew miet, bad ngam shym la bam ne dih ei ei.