EKSODOS 19:16 - Khasi CL Bible (BSI)

¹⁶ Ha ka step jong ka sngi kaba lai, la don u pyrthat bad ka leilieh, u lyoh uba rben u la paw halor u lum, bad la ïohsngew ïa ka turoi kaba sawa jam. Baroh ki briew kiba don ha ka jaka sher dara ki la kyiuh da ka jingsheptieng.

KA BAIBL

¹⁶ Te ha kata ka sngi balai, mynstep eh, la don ki pyrthat bad ki leilieh, bad u lyoh u barben halor uta u lum, bad ka jingsawa ka turoi bajam eh; katba ki briew baroh ha ka jaka shong dara ki la ïakhynñiuh keiñ.

EKSODOS 19:16 ပူးပေါင်းရင်းမြစ်များ

2 SAMUEL 22:10

U tar ïa ka suiñbneng bad u wan hiar; bad u lyoh uba dum hapoh ki kjat jong u.

Ka Kitab U Job 38:25

Mano ba tih nur na ka bynta u slap uba hap bad ba pynkhuid ïa ka lynti na ka bynta ka 'erïong bad u pyrthat?

SALM 50:3

U Blei jong ngi u wan, hynrei ym ha ka jingjar jar; ka ding kaba klang ka don ha khmat jong u, ka 'erïong kaba beh kyrthep ka don sawdong jong u.

SALM 77:18

Ka jingtied u pyrthat ka mih shabar, bad ki jingthaba jong ka leilieh ki pynshai ïa ka pyrthei; ka khyndew ka khynñiuh bad ka khih.

SALM 81:8

To sngew, ko ki briew jong nga, ïa ka jingmaham jong nga; ko Israel, katno nga kwah ïa phi ba phin sngap ïa nga!

SALM 97:4

Ka leilieh jong u ka pynshai ïa ka pyrthei; ka khyndew ka ïohi ïa ka bad ka khynñiuh.

EKSODOS 19:11

Ki dei ban sait ïa la ki jaiñkup bad ban long kiba la khreh la shi sngi. Ha kata ka sngi ngan wan hiar ha u Lum Sinai; ha kaba ki briew baroh kin ïohi ïa nga.

EKSODOS 19:15

Kumta ki sait ïa la ki jaiñkup, bad u Moses u ong ha ki, “La shi sngi, phi dei ban long kiba la pynkhreh bad ha kajuh ka por phim dei ban ïathiah shongkha.”

EKSODOS 19:17

U Moses u ïalam ïa ki shabar ka jaka sher dara ban ïashem bad U Blei, bad ki la ïeng ha kjat jong u lum.

EKSODOS 19:9

U Trai u ong ha u Moses, “Ngan wan ha me ha u lyoh uba rben, khnang ba u paidbah un ïohsngew ïa nga ba nga ïakren bad me, bad un sa ngeit ïa me naduh mynta.” U Moses u la ïathuh ha U Trai ïa ka jubab jong uta u paidbah,

EKSODOS 20:18

Haba ki paidbah ki la ïohsngew ïa ka jingtied u pyrthat bad ïa ka jingsawa ka turoi, bad ïohi ïa ka leilieh bad ïa uta u lum uba mih tdem, ki la kyiuh da ka jingsheptieng bad ki la ïeng noh sha jngai.

EKSODOS 20:21

Hynrei ki paidbah ki dang ïeng hi sha jngai, bad tang u Moses uba la leit sha jan u lyoh uba rben ha uba U Blei u don.

EKSODOS 40:34

Nangta u lyoh u tap ïa ka Ïingjaiñ baroh kawei, bad ka burom batyngshaiñ na ka jingdon ryngkat U Trai ka pyndap ïa ka.

EKSODOS 9:23

Kumta u Moses u rah ïa la u diengduh shajrong, bad U Trai u phah ïa u pyrthat bad ïa u phria, bad ka leilieh ruh ka la tied ïa ka khyndew. U Trai u phah ïa u phria uba jur, lem bad ka leilieh kaba thaba.

JEREMAÏAH 5:22

Nga long U Trai; balei phim sheptieng ïa nga? Balei phim khynñiuh ha khmat jong nga? Nga la buh ïa u shyiap kum u pud jong ka duriaw, u pud uba neh ba kam lah ban jam palat. Ka duriaw ka lah ban kynting, hynrei kam lah ban leit palat ïa u; ki jingat phyllung ki lah ban kyrhuh, hynrei kim lah ban ksam lyngba.

NAHUM 1:3

U Trai um ju bitar shen, hynrei u long uba khrawbor bad um ju shah ba kiba shah rai pynrem kin lait khlem shah pynshitom. Hangno ha kaba U Trai u ïaid, ki 'erïong ki khie; ki lyoh ki long ki pui pui ba la pynmih da ki kjat jong u!

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

DEUTERONOMI 5:5

Nga la ïeng hapdeng jong phi bad U Trai ha kata ka por ban ïathuh ha phi aïu u ong, namar ba phi sheptieng ïa kata ka ding bad phim shym leit kiew sha uta u lum. “U Trai u la ong,

HEBRU 12:21

Kaei kaba la ïohi ka long kaba sngewtriem katta katta ba u Moses u la ong, “Nga la khynñiuh bad nga la sheptieng!”

JINGPYNPAW 1:10

Ha ka sngi U Trai, U Mynsiem u la shim ïa nga, bad nga la ïohsngew ïa ka sur bajam, kaba sawa kum ka turoi, kaba kren na shadien jong nga.

JINGPYNPAW 11:19

Ïa ka Templ U Blei ha bneng la plie, bad ïa ka Synduk ka Jutang la ïohi hangta. Nangta la don ki jingthaba leilieh, ki jingkyrhuh bad ki jingsawa u pyrthat, ka jingkhynñiuh jumai bad ka jinghap phria kaba jur.

JINGPYNPAW 4:1

Ha kane ka por, nga don kawei pat ka jingïohipaw bad nga la ïohi ïa ka jingkhang ba plie ha bneng. Bad nga la ïohsngew ïa ka sur kaba sawa kum ka turoi kaba nga la ïohsngew kaba kren ha nga kumba mynshuwa, kaba ong, “Wan kiew shane shalor, bad ngan pyn-i ïa me kaei kaba dei ban jia hadien kane.”

JINGPYNPAW 4:5

Na ka khet la mih ki jingthaba leilieh, ki jingkyrhuh, ki jingsawa u pyrthat. Ha khmat jong ka khet, la don hynñiew tylli ki dongmusa bameh, kiba long ki hynñiew ki mynsiem jong U Blei.

JINGPYNPAW 8:5

Nangta uta u angel u la shim ïa kata ka pliang thang jingiwbih, u la pyndap ïa ka da ki rnga ding barhem na ka duwan, bad u la bret ïa ka halor ka khyndew. La don ki jingkyrhuh bad ki jingsawa u pyrthat, ki jingthaba leilieh, bad u jumai.