EKSODOS 19:11 - Khasi CL Bible (BSI)

¹¹ Ki dei ban sait ïa la ki jaiñkup bad ban long kiba la khreh la shi sngi. Ha kata ka sngi ngan wan hiar ha u Lum Sinai; ha kaba ki briew baroh kin ïohi ïa nga.

KA BAIBL

¹¹ bad ba kin khreh hamar ka sngi ka balai: namar ha kata ka sngi balai U Trai un sa wan hiar ha khmat u paidbah baroh halor u lum Sinai.

EKSODOS 19:11 ပူးပေါင်းရင်းမြစ်များ

JENESIS 11:5

Nangta U Trai u la wan hiar ban khmih ïa kata ka nongbah bad ïa uta u mot uba ki la lah tei,

NEHEMAÏAH 9:13

Ha u Lum Sinai me wan hiar na bneng; me kren ha ki briew bad me ai ïa ki, ki hukum babha bad ki jinghikai baskhem.

SALM 144:5

A Trai, to kad arliang ïa ka suiñbneng bad to wan hiar sha tbian; to ktah ïa ki lumbah, bad kin pynmih ïa ka tdem.

SALM 18:9

U la kad arliang ïa ka suiñbneng bad u la wan hiar bad u lyoh uba dum hapoh ki sla kjat jong u.

EKSODOS 19:16

Ha ka step jong ka sngi kaba lai, la don u pyrthat bad ka leilieh, u lyoh uba rben u la paw halor u lum, bad la ïohsngew ïa ka turoi kaba sawa jam. Baroh ki briew kiba don ha ka jaka sher dara ki la kyiuh da ka jingsheptieng.

EKSODOS 19:18

Ïa u Lum Sinai baroh uwei la tap da ka tdem, namar U Trai u la wan hiar ha u ha ka ding. Ka tdem ka kiew kum kaba mih na ka lawar ding, bad ki briew baroh ki la kyiuh shibun eh.

EKSODOS 19:20

U Trai u wan hiar halor u Lum Sinai, bad u la khot ïa u Moses sha kliar jong u lum.

EKSODOS 24:16

Ka jingshai baphyrnai jong ka jingdon ryngkat jong U Trai ka la wan hiar ha uta u lum. Ïa ki Israel, ka jingshai ka i kum ka ding kaba ing ha kliar jong u lum. U lyoh u la tap ïa u lum hynriew sngi lynter, bad ha ka sngi kaba hynñiew U Trai u la khot ïa u Moses na u lyoh.

EKSODOS 3:8

bad kumta nga la wan ban pyllait ïa ki na ki nong Ijipt bad ban ïalam noh ïa ki na ka ri Ijipt sha kata ka ri kaba ïar bad kaba seisoh, kaba tuid da ka dud bad ka ngap, ha kaba ki Kanaan, ki Hit, ki Amor, ki Peris, ki Hib bad ki Jebus ki shong mynta.

EKSODOS 34:2

Khreh la shai dang step, bad wan kiew ïa u Lum Sinai ban ïashem bad nga hangta ha kliar lum.

EKSODOS 34:5

U Trai u wan hiar ha u lyoh bad u la ïeng bad u hangta, bad u la pynbna ïa ka kyrteng kaba khuid jong u, U Trai.

JINGKHEIÑ 11:17

Ngan wan hiar bad ïakren bad me hangta, bad ngan shim khyndiat ka bor mynsiem ïa kaba nga la ai ha me bad ngan ai ïa ka ha ki. Te kin sa lah ban ïakit lem ïa ka jingkitkhlieh na ka bynta kine ki paidbah, bad men ym donkam shuh ban kit tang marwei hi.

ÏOANNIS 3:13

Bad ym don uno uno uba la ju leit kiew sha bneng lait tang U Khun U Briew, uba la wan hiar na bneng.”

DEUTERONOMI 33:2

U Trai u wan na u Lum Sinai; u mih kum ka sngi ha Edom, bad u tyngshaiñ ha la ki briew na u Lum Paran. Shiphew hajar ki angel ki don ryngkat bad u, bad ka ding kaba meh ha ka kti kamon jong u.

DEUTERONOMI 4:10

Ïathuh pateng ha ki khun ki ksiew jong phi shaphang kata ka sngi ba phi ïeng ha khmat U Trai U Blei jong phi ha u Lum Sinai, mynba u ong ha nga, ‘Lumlang ïa u paidbah. Nga kwah ba kin ïohsngew aïu ngan ong, ba kumta kin tiengburom ïa nga katba ki dang im bad ba kin hikai ïa la ki khun ki kti ban leh kumjuh.’

JOSHUA 3:5

U Joshua u ong ha ki paidbah, “Pynkhuid ïa lade, namar lashai U Trai un leh ki kambah hapdeng jong phi.”