EKSODOS 18:8 - Khasi CL Bible (BSI)

⁸ U Moses u la ïathuh ha u Jethro ïa kaei kaei baroh kaba U Trai u la leh ïa u Pharaoh bad ïa ki nong Ijipt khnang ba un ïoh pyllait im ïa ki Israel. U la ïathuh ruh ha u ïa ki jingeh ba ki Israel ki la ïakynduh ha lynti bad kumno U Trai u la pyllait im ïa ki.

KA BAIBL

⁸ Te u Moses u la ïathuh naduh haduh ha la u kthaw kurim ïa kaba U Trai u la leh ha u Pharaoh bad ha ki Ijipt na ka bynta ki Israel, bad ïa ka jingjynjar baroh kaba la jia ha kata ka lynti, bad kumno ba U Trai u la pyllait noh ïa ki.

EKSODOS 18:8 ပူးပေါင်းရင်းမြစ်များ

JENESIS 44:34

Kumno keiñ nga lah ban leit phai sha i pa lada u para um don ryngkat bad nga? Ngan ym lah shah ban ïohi kum ïa kata ka apot ba kan wan jia ha i pa.”

NEHEMAÏAH 9:32

“A Blei, U Blei jong ngi, katno me long uba khraw! Katno me long uba shyrkhei bad uba donbor! Me batskhem ïa ki kular ka jingïateh jutang. Naduh ka por ba ki syiem Assyria ki banbeiñ ïa ngi, wat haduh kane ka por, haduh katno ngi shahshitom! Ki syiem jong ngi, ki nongïalam jong ngi, ki lyngdoh jong ngi bad ki nongïathuhlypa, ki kpa tymmen jong ngi, bad baroh ki briew jong ngi ki shitom. To kynmaw haduh katno ngi la shahshitom!

SALM 106:10

U pynim ïa ki na kito kiba shun ïa ki; u pyllait ïa ki na ki nongshun jong ki.

SALM 106:8

Hynrei u la pynim ïa ki, kumba u la kular, khnang ban pyn-i ïa ka bor bakhraw jong u.

SALM 107:2

To ïai-ong ïa kine ki ktien ha ka jingïaroh ïa U Trai, ma phi baroh ïa kiba u la pynim.

SALM 66:16

To wan bad to shahshkor, phi baroh kiba pyndonburom ïa U Blei, bad ngan ïathuh ïa phi ïa kaei kaba u la leh namar jong nga.

SALM 81:7

Haba phi la don ha ka jingjynjar, phi la khot kyrpad ïa nga, bad nga la pyllait im ïa phi. Na ka jakarieh jong nga ha ka 'erïong nga la jubab ïa phi. Nga la tynjuh ïa phi ha ki um ka Meribah.

EKSODOS 15:16

Ka jingshyrkhei bad ka jingkhuslai ki wan hap halor jong ki. Ki ïohi ïa ka bor jong me, ko Trai, ki ïeng khlem lait kren da ka jingtieng, tad haduh ba ki briew jong me ki la ïaid lait sha shiliang — ki briew kiba me la pyllaitluid na ka jinglongmraw.

EKSODOS 15:6

“Ka kti kamon jong me, A Trai, ka long kaba khraw eh ha ka bor; ka pynlwet thiaw ïa u nongshun.

EKSODOS 16:3

“Kan jin da la bha ba U Trai u shoh ïap ïa ngi ha ri Ijipt. Hangta, la kumno kumno, ngi dang ïoh ban shong bad bam doh bad kyrhai ka jingbam kat kaba ngi kwah. Hynrei phi la wan ïalam ïa ngi sha kane ka ri shyiap ban pynïapthngan ïa ngi baroh.”

EKSODOS 18:1

U Jethro, u lyngdoh ka Midian, u kthaw kurim u Moses, u ïohsngew ïa kaei kaei baroh kaba U Blei u la leh na ka bynta u Moses bad ki paid Israel mynba u la ïalam noh ïa ki na ka ri Ijipt.

EKSODOS 2:25

U ïohi ïa ka jinglongmraw jong ki Israel, bad u la sngewkhia na ka bynta jong ki.

EKSODOS 23:23

U angel jong nga un leit ha shuwa jong phi bad un ïalam ïa phi sha ka ri jong ki Amor, ki Hit, ki Peris, ki Kanaan, ki Hib, bad ki Jebus; bad ngan pynjot ïa ki.

EKSODOS 4:23

Nga la ong ïa me ban shah ïa u khun jong nga ban leit, khnang ba un ïoh mane ïa nga, hynrei me la kyntait. Mynta te ngan pynïap ïa u khun nyngkong jong me.’ ”

EKSODOS 7:5

Te ki nong Ijipt kin tip ba nga long U Trai, haba nga rah ïa la ka kti pyrshah ïa ki bad ïalam noh ïa ki Israel na ka ri jong ki.”

JINGKHEIÑ 20:14

U Moses u la phah ïa ki nonglamktien na Kadesh sha u syiem Edom. Ki ong, “Kane ka khubor ka wan na ki para kur jong phi, kiba na ka jait Israel. Phi tip ïa ki jingeh kiba ngi la shah,