EKSODOS 18:23 - Khasi CL Bible (BSI)

²³ Lada phi leh ïa kane, kumba U Blei u hukum, phin ym pynthait ïa lade, bad kine ki briew baroh ki lah ban leit sha ïing hadien ba la bishar ïa ki jingïakajia jong ki.”

KA BAIBL

²³ Lada men leh ïa kane, bad U Blei ruh un hukum ïa me kumta, te men long uba lah ban shah, bad une u paidbah baroh ruh un leit sha la ka jaka ha kaba suk.”

EKSODOS 18:23 ပူးပေါင်းရင်းမြစ်များ

JENESIS 18:33

Hadien ba u la dep ïakren bad u Abraham, U Trai u la leit noh, bad u Abraham u leit phai sha la ïing.

JENESIS 30:25

Hadien ka jingkha ïa u Joseph, u Jakob u ong ha u Laban, “Pyllait noh ïa nga, ba ngan ïoh leit phai noh sha la ïing.

2 SAMUEL 18:3

“Phim dei ban leit lang bad ngi,” ki la ong. “Kam don jingktah ei ei ïa u nongshun lada kiba sah na ngi ki phai dien bad phet lane lada shiteng na ngi ki la shah pynïap; hynrei phi ïaryngkat dor bad shiphew hajar ngut na ngi. Kan kham bha lada phi shong hangne ha ka nongbah bad phah jingïarap ïa ngi.”

2 SAMUEL 19:39

Nangta u Dabid bad baroh ki rangbah jong u ki la jam sha shiliang ka Jordan. U la doh ïa u Barsillai bad u ai ha u ïa la ka jingkyrkhu kyrdoh, bad u Barsillai u leit phai noh sha ïing.

2 SAMUEL 21:17

Hynrei u Abishai u khun jong ka Seruïah u wan ïarap ïa u Dabid, u tur ïaleh ïa u ramhah, bad u pynïap ïa u. Nangta ki rangbah jong u Dabid ki la pynkular ïa u Dabid ba un ym leit shuh da lei lei ruh bad ki sha ka thma. “Phi long ka jingkyrmen jong ka Israel, bad ngim kwah ban duh noh ïa phi,” ki la ong.

EKSODOS 16:29

Kynmaw ba ma nga, U Trai nga la ai ha phi ïa ka sngi shongthait, bad dei namar kata ba ha ka sngi kaba hynriew nga ai jingbam ïa phi kat ban biang na ka bynta ar sngi. Baroh phin ïashong ha ka jaka ba phi don ha ka sngi kaba hynñiew, bad phim dei ban mih na la ïing.”

EKSODOS 18:18

Phin shu ïa-pynthait ïa lade bad ruh ïa kine ki briew. Kane ka khia than eh ba phin leh tang marwei hi.

EKSODOS 18:22

Ai kin shakri kum ki nongbishar ha ki por baroh. Ki lah ban wallam sha phi ïa baroh ki kam kiba eh; hynrei ki hi ki lah ban rai ïa ki jingïakajia kiba rit. Kata kan pynsuk shibun ïa phi, namar kin ïakit lang ïa ka jingkit jong phi.

EKSODOS 18:24

U Moses u pdiang ïa ka jingai jingmut jong u Jethro

KI KAM 15:2

U Paul bad u Barnabas ki la poi sha ka jingïasaid nia kaba jur bad ki shaphang kane, kumta la ïakut ba u Paul bad u Barnabas bad katto katne ngut kiwei pat ha Antiokh ki dei ban leit sha Jerusalem bad ïakynduh ïa ki apostol bad ki nongsharai balang shaphang kane ka kam.

GALATIA 2:2

Nga la leit namar U Blei u la pynpaw ha nga ba nga dei ban leit. Ha ka jingïakynduh bajar jar bad ki nongïalam, nga la batai ïa ka khubor ka Gospel ïa kaba nga ïalap ha ki Jentil. Ngam shym la kwah ba ka jingtrei jong nga kaba mynshuwa bad kaba mynta kin shu sep-ei.

1 SAMUEL 8:22

U Trai u jubab, “Leh ïa kaei kaba ki kwah, bad ai syiem noh ïa ki.” Nangta u Samuel u ong ïa ki rangbah Israel baroh ban leit phai sha la ïing.