EKSODOS 18:21 - Khasi CL Bible (BSI)

²¹ Hynrei nalor kata, phi dei ban jied katto katne ngut ki rangbah kiba tbit, bad thung ïa ki kum ki nongïalam jong u paidbah: ki nongïalam ïa ki hajar, ïa ki spah, ïa ki sanphew, bad ïa ki phew. Ki dei ban long ki briew kiba sheptieng ïa U Blei, kiba lah ban shaniah, bad kiba ym lah ban pynbam sap.

KA BAIBL

²¹ Ruh putet, men jied na uta u paidbah baroh ïa ki briew kiba nang basian, ki basheptieng ïa U Blei, ïa ki briew keiñ ki bahok, kiba isih ïa ka jinglalot; men thung ruh kum kine halor jong ki, ba kin long ki nongsynshar ïa ki hajar, bad ki nongsynshar ïa ki spah, bad ki nongsynshar ïa ki sanphew, bad ki nongsynshar ïa ki phew.

EKSODOS 18:21 ပူးပေါင်းရင်းမြစ်များ

JENESIS 22:12

“Wat pynmynsaw ïa u khynnah lane leh ei ei ïa u,” u ong. “Mynta, nga tip ba me sheptieng bad kohnguh ïa U Blei, namar mem shym la tyngkai ïa la u khun marwei na u.”

JENESIS 42:18

Ha ka sngi kaba lai, u Joseph u ong ha ki, “Nga long u briew uba sheptieng Blei, kumta ngan pyllait im ïa phi ha kane ka kyndon:

JENESIS 47:6

Ieh kin ïashong ïasah ha Goshen, ka jaka kaba bha tam ha ka ri. Bad lada don napdeng jong ki, ki briew kiba tbit, buh ïa ki ban peit ïa ki jingri jong nga.”

2 SAMUEL 18:1

U Syiem Dabid u la lumlang ïa ki rangbah jong u baroh, u pynbynta ïa ki ha ki kynhun kiba shihajar ngut bad kiba shispah ngut, bad u buh ki rangbah pynïaidkam ban ai hukum ïa ki.

2 SAMUEL 23:3

U Blei ki Israel u la kren; u nongïada jong ki Israel u ong ha nga: “U syiem uba synshar da ka jinglehhok, uba synshar da kaba kohnguh ïa U Blei,

1 SYIEM 18:12

Kumno kan long lada U Mynsiem jong U Trai u rah noh ïa phi sha ka jaka bymtip tang mar ïamih ma nga? Nangta, haba ngan ïathuh ïa u Ahab ba phi don hangne, bad um lah ban shem ïa phi, un sa pynïap ïa nga. To kynmaw ba nga long uba mane hok ïa U Trai naduh ba nga dang khynnah.

1 SYIEM 18:3

kumta u Ahab u la khot ïa u Obadaïah, uba peit halor ki kam ha ïingsyiem. (U Obadaïah u long uba mane hok ïa U Trai,

ESRA 7:25

“Ma me, ko Esra, da kaba pyndonkam ïa ka jingstad kaba U Blei jong me u la ai ha me, men thung ki nongsynshar bad ki nongbishar ki ban synshar ïa ki briew baroh jong ka Ïuphratis Sepngi kiba im da ka Hukum jong U Blei jong me. Me dei ban hikai ïa kato ka Hukum ha uno uno u bymtip ïa ka.

NEHEMAÏAH 5:9

Nangta nga ong, “Kaei kaba phi leh ka long kaba bakla! Phi dei ban kohnguh ïa U Blei bad leh ïa kaei kaba dei, khnang ba phin ym pynlong ïa ki nongshun jong ngi, ki Jentil, ïa kano kano ka daw ba kin krenbeiñ ïa ngi.

NEHEMAÏAH 7:2

Nga buh ar ngut ki rangbah ban peit ïa ka jingpynïaid ïa ka nongbah Jerusalem: u Hanani, uba shi para bad nga, bad ïa u Hananaïah, u rangbah shipai jong ka kut. U Hananaïah u long u briew ïa uba lah ban shaniah bad u briew uba sheptieng ïa U Blei, u bym don kum ma u.

Ka Kitab U Job 1:1

La don u briew uba kyrteng u Job, uba shong ba sah ha ka ri Us, uba mane ïa U Blei bad uba ïaineh ha u. U long u briew uba bha, uba kiar ban ym leh ïa kano kano kaba sniew.

Ka Kitab U Job 29:16

Nga la long kum u kpa ïa kiba duk bad nga la long ha ka liang ki nongwei haba ki shem jingeh.

Ka Kitab U Job 31:13

Haba uno uno na ki shakri jong nga u mudui pyrshah ïa nga, ngan shahshkor bad leh da kaba hok ïa u.

SALM 15:1

A Trai, mano ba lah ban rung shapoh ka Templ jong me? Mano ba lah ban mane ha Seïon, u lum bakyntang jong me?

SALM 15:5

U ai ram khlem da kheiñ sut, bad u bym shah pynbam sap ban sakhi pyrshah ïa kiba lui lui. Uno uno uba leh ïa kine kiei kiei un ïailong uba skhem.

EKSODOS 17:9

U Moses u la ong ha u Joshua, “Jied katto katne ngut ki rangbah ki ban leit ïaleh ïa ki Amalek lashai ka sngi. Ngan ïeng ha kliar u lum da kaba bat ïa u diengduh ba U Blei u la ong ïa nga ban rah.”

EKSODOS 18:25

bad u la jied ïa ki rangbah kiba tbit napdeng ki Israel baroh. U la thung ïa ki kum ki nongïalam ïa ki hajar, ki spah, ki sanphew, bad ki phew.

PROBERB 28:2

Haba ka jaitbynriew ka leh pop, kan ïoh u nongsynshar uwei hadien uwei pat. Hynrei ka jaitbynriew kan long kaba khlaiñ bad kaba ïaineh haba ka don ki nongsynshar kiba stad bad bashemphang.

EKLESIASTIS 12:13

Hadien kane baroh, don tang kawei ban ong: To tiengburom ïa U Blei, bad kohnguh ïa ki hukum jong u, namar dei ïa kane keiñ ba la thaw ïa u briew.

ISAÏAH 16:5

Nangta uwei na ki khun ki ksiew jong u Dabid un long syiem, bad un synshar ïa ki briew da ka jingïaineh bad ka jingieit. Un long uba kloi ban leh ïa kaba dei, bad un khmih ba yn leh ïa ka jingbishar hok.)

ISAÏAH 33:15

Phi lah ban lait im lada phi ong bad phi leh ïa kaba dei. Wat pyndonkam ïa ka bor jong phi ban shukor ïa kiba duk bad wat pdiang ïa ka pisa bashukor. Wat ïasnohkti bad kito kiba thmu ban pynïap briew lane ban leh ïa kiwei ki kam sniew.

ISAÏAH 59:4

Phi kiew sha ka ïingbishar, hynrei phim shym ïoh ka jingbishar hok ha ka liang jong phi. Phi shaniah ha ki jinglamler ban jop ïa ka jingmudui jong phi. Phi pyndep ïa ki jingthmu jong phi ban pynmong ïa kiwei.

JEREMAÏAH 5:1

Ko ki briew ka Jerusalem, to phet lyngba ki surok bah jong phi! To khmih sawdong! Peit hi da lade! To wad ïa ki jaka ïew! Hato phi lah ban shem uwei u briew uba leh ïa kaba dei bad uba pyrshang ban ïaineh ha U Blei? Lada phi lah, U Trai un map ïa ka Jerusalem.

ESEKIEL 18:8

Um ju ai pisa kylliang na ka bynta ban ïohnong. U kyntait ban leh ïa kaba sniew bad u ai ka jingrai kaba beit ha kano kano ka jingïakajia.

ESEKIEL 22:12

Don na ki briew jong pha, kiba pynïap ïa ki briew da kaba ïoh jingsiew. Don kiba shim sut halor ki ram ba ki ai ïa ki para jait Israel bad ki riewspah da kaba shim kabu ïa ki. Ki la klet ïa nga.” U Trai Nongsynshar u la kren.

SEKHARAÏAH 7:9

“La slem bah nga la ai ïa kine ki hukum ha ki briew jong nga: ‘Phi dei ban peit ba ïa ka jinglehhok la pyndep, bad phi dei ban pyn-i ka jingbhasbun bad ka jingisynei iwei ïa iwei pat.

SEKHARAÏAH 8:16

Kine ki long kiei kiei kiba phi dei ban leh. Kren ïa ka jingshisha iwei ïa iwei pat. Ha ki ïingbishar ai ïa ki jingbishar hok kiba shisha — kaba wanrah ïa ka jingsuk.

JINGKHEIÑ 1:4

Khot uwei u rangbah kur na kawei pa kawei ka jait, ban ïarap ïa phi.”

JINGKHEIÑ 10:4

Hynrei haba la put tang kawei ka turoi, te tang ki rangbah kur ki dei ban wan ïalumlang sawdong jong me.

LOUKAS 18:2

“Ha kawei ka shnong la don u nongbishar u bymsheptieng ïa U Blei lymne burom ïa u briew.

LOUKAS 18:4

La slem bah u nongbishar u la kyntait ban leh ei ei, hynrei ha kaba khatduh u la ong ha lade, ‘Wat la ngam sheptieng ïa U Blei lane burom ïa u briew,

KI KAM 20:33

Ngam shym la kwah ïa ka rupa lane ka ksiar lane ka jaiñphong jongno jongno.

KI KAM 6:3

Kumta te, ko hynmen ko para, to jied hynñiew ngut ki rangbah napdeng jong phi ïa kiba la ithuh ba ki long kiba dap da U Mynsiem Bakhuid bad ka jingstad, bad ngin buh ïa ki ban khmih ïa kane ka kam.

DEUTERONOMI 22:18

Te kita ki nongïalam shnong kin shim ïa uta u tnga bad kin sympat ïa u.

JOSHUA 22:14

Shiphew ngut ki riewkhmat ki leit ryngkat bad u Phinehas, uwei uwei na kawei kawei ka jait kaba ha ka phang sepngi bad uwei pa uwei na ki u dei u khlieh jong ka longïing hapdeng ki kur.

1 SAMUEL 8:12

Katto katne ngut na ki un thung kum ki rangbah synshar ki ban peit ïa ki shihajar ngut ki rangbah bad katto katne ngut ki ban peit ïa ki sanphew ngut ki rangbah: ki khun shynrang jong phi kin hap ban lur ïa ki lyngkha jong u, ban lum ïa ki jingmih jong u na ka khyndew, bad ban shna ïa ki tiar thma bad ki tiar kali ïapom jong u.

1 SAMUEL 8:3

Hynrei kim shym bud ïa ka nuksa u kpa jong ki; ki im sngi tang ha kaba kamai spah, kumta ki bamsap bad kim bishar hok ïa ki jingïakajia.