EKSODOS 18:20 - Khasi CL Bible (BSI)

²⁰ Phi dei ban hikai ïa ki shaphang ki hukum jong U Blei bad batai ïa ki kumno ki dei ban im bad aïu ki dei ban leh.

KA BAIBL

²⁰ men hikai ruh ha ki, ïa ki rukom bad ki hukum, bad men pyni ha ki, ïa ka lynti ha kaba ki dei ban ïaid, bad ïa ki kam ïa kiba ki dei ban leh.

EKSODOS 18:20 ပူးပေါင်းရင်းမြစ်များ

SALM 143:8

To pynkynmaw ïa nga man la ka step ïa ka jingieit baneh jong me, naba nga buh ïa la ka jingshaniah ha me. Ki jingduwai jong nga ki kiew sha me; to pyn-i ïa nga ïa ka lynti ba nga dei ban leit.

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

EKSODOS 18:16

Haba don kano kano ka jingïakajia hapdeng ar ngut, ki wan sha nga, nga hap ban bishar bad rai mano na ki uba dei, bad nga ïathuh ha ki ïa ki hukum bad ki aiñ U Blei ki ong.”

ISAÏAH 30:21

Lada phi sakma noh na ka lynti sha kamon ne sha kadiang, phin ïohsngew ïa ka sur jong u hadien jong phi kaba ong, “Kane ka dei ka lynti. Bud ïa ka.”

JEREMAÏAH 42:3

To duwai ba U Trai U Blei jong ngi un pyn-i ha ngi ïa ka lynti kaba ngi dei ban leit bad kaei kaba ngi dei ban leh.”

JEREMAÏAH 6:16

U Trai u ong ha ki briew jong u, “To ïeng ha ka jaka ba ïashem ki lad bad to khmih. Kylli shaphang ki lynti ïaid kiba mynbarim bad hangno ka don ka surok babha tam. To ïaid ha ka, bad phin im ha ka jingsuk.” Hynrei ki ong, “Em, ngin ym leh!”

ESEKIEL 3:17

“Ko khun u briew,” u ong, “ngan buh ïa me kum u nongap phira na ka bynta ka jaitbynriew Israel. Men pynsngew ha ki ïa ki jingmaham kiba nga ai ïa me.

MIKAH 4:2

bad ki briew jong ki, kin ong, “ïa ngin ïaleit sha u lum jong U Trai, sha ka Templ jong U Blei ki Israel. Naba un hikai ïa ngi ïa kaei kaba u kwah ïa ngi ban leh; ngin ïaid ha ki lynti kiba u la jied. Naba ka jinghikai U Trai ka wan na Jerusalem; na Seïon u kren ha la ki briew.”

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

MARKOS 13:34

Kan long kumba u briew uba mih na ïing ban leit jingleit, bad u iehnoh ha ki shakri ban khmih ïa ka kam, hadien ba u ai ha uwei pa uwei ïa ka kam jong u ban leh, bad hadien ba u ong ïa u nongap khyrdop ban peit bha.

DEUTERONOMI 1:18

Ha kajuh ka por ruh, nga la kren ha phi shaphang kiei kiei baroh kiba phi dei ban leh.

DEUTERONOMI 4:1

Nangta u Moses u ong ha uta u paidbah, “Kohnguh ïa ki hukum baroh ïa kiba nga hikai ïa phi, te phin ïoh im bad phin ïohkynti ïa kata ka ri kaba U Trai U Blei ki kpa tymmen jong phi, u ai ha phi.

DEUTERONOMI 4:5

“Nga la hikai ïa phi ïa ki hukum, kumba U Trai U Blei jong nga u la hukum ïa nga. Sumar bad leh ïa ki ha kata ka ri sha kaba phin sa leit bad ïohkynti.

DEUTERONOMI 5:1

U Moses u khot lang ïa ki Israel baroh bad u ong ha ki, “Ko phi ki Israel, shahshkor ïa ki hukum baroh ïa kiba ngan ai ha phi mynta ka sngi. Pule ïa ki bad pynthikna ba phi kohnguh ïa ki.

DEUTERONOMI 5:27

Khie leit biang, ko Moses, bad shahshkor ïa kaei kaei baroh kat kaba U Trai U Blei jong ngi u don ban ong. Nangta wan phai pat bad ïathuh ha ngi aïu u la kren ha phi. Ngin shahshkor bad kohnguh ïa ka.’

DEUTERONOMI 7:11

Namar kata, kohnguh ïa kaei kaba la lah hikai ïa phi, sumar ban leh ïa ki hukum bad ki aiñ baroh ïa kiba nga la ai ha phi mynta ka sngi.

1 THESSALONI 4:1

Ha kaba wai noh, ko parabangeit jong ngi, phi la ïohnang na ngi kumno phi dei ban im khnang ban pynsngewbha ïa U Blei. Kane ka long da shisha, kumno phi la ju im. Bad mynta ngi kyrpad bad kyntu ïa phi ha ka kyrteng jong U Trai Jisu ban leh kham bha shuh shuh.

1 SAMUEL 12:23

Ïa nga shimet, U Trai um shah da lei lei ba ngan leh pop pyrshah ïa u da kaba sangeh noh ban duwai na ka bynta jong phi. Pynban ngan hikai ïa phi ïa kaei kaba bha bad kaba dei ïa phi ban leh.