EKSODOS 18:12 - Khasi CL Bible (BSI)

¹² Nangta u Jethro u la wanrah ïa ka jingainguh ban thang tylli bad ïa kiwei kiwei de ki jingainguh ban ai jingkñia sha U Blei; bad u Aaron lem bad nongïalam jong ki Israel baroh ki la ïaleit bad u ban bam ïa ka jingbam kaba kyntang kum ka dak ka jingmane ïa U Blei.

KA BAIBL

¹² Te u Jethro, u kthaw kurim u Moses, u la shim ïa ka jingainguh thang bad ïa ki jingkñia ainguh ïa U Blei: bad u Aaron u la wan lem bad ki tymmen basan ki Israel baroh, ïa ka ban bam kpu lem bad u kthaw kurim u Moses ha khmat U Blei.

EKSODOS 18:12 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

JENESIS 26:25

U Isaak u la tei ka duwan hangta bad mane ïa U Trai. Nangta u sher ïa la ka dara hangta, bad ki shakri jong u ki ïatih sa kawei pat ka pukri.

JENESIS 26:30

U Isaak u pynkhreh ka jingkhawai ïa ki, bad ki ïabam ïadih.

JENESIS 31:54

U pynïap ïa u jingri, ïa uba u ai kum ka jingkñia halor uta u lum, bad u khot sngewbha ïa ki briew jong u ban ïabam. Ynda ki la lah bam, ki sahmiet halor uta u lum.

JENESIS 4:4

Nangta U Abel u wallam ïa u khunlangbrot banyngkong ba la kha na kawei na ki langbrot jong u, u la pynïap ïa u, bad u la ai ïa ki bynta kiba bha tam kum ka jingainguh.

JENESIS 43:25

Ki pynkhreh ïa kita ki jingai sngewbha ban ai ha u Joseph ynda u wan ha ka por shiteng sngi, namar la ïathuh ha ki ba ki dei ban ïabam ryngkat bad u.

JENESIS 8:20

Te u Noah u tei ïa ka duwan ha U Trai; u shim na kawei kawei ka jait ki mrad bad ki sim ïa kiba la ñiew ba ki long kiba khuid, bad u thang tylli ïa ki kum ka jingkñia ainguh halor kata ka duwan.

2 SAMUEL 9:7

“Wat sheptieng,” u Dabid u jubab. “Ngan lehbha ïa phi na ka bynta u Jonathan, u kpa jong phi. Ngan ai pat ha phi ïa ka khyndew ka shyiap baroh kaba dei ka jong u Saul, u kparad jong phi, bad phin long uba la pdiang sngewbha borabor ha ka miej bam jong nga.”

2 KHRONIKL 30:22

U Hesekaïah u la ïaroh ïa ki Lebi na ka bynta ka jingtbit jong ki ha kaba pynïaid ïa ka jingmane ïa U Trai. Hadien ki hynñiew sngi ha kaba ki la ai ki jingkñia ban ïaroh ïa U Trai U Blei jong ki kpa tymmen jong ki,

Ka Kitab U Job 1:5

Ha man ka step kaba bud jong ka jingkhawai, u Job u ju khie dang step bad u ai ïa ki jingkñia na ka bynta iwei pa iwei na ki khun jong u ban pynkhuid ïa ki. U ju leh ïa kane borabor namar u pyrkhat ba ïoh iwei na ki i leh pop da kaba ñiewbeiñ ïa U Blei khlem poi pyrkhat.

Ka Kitab U Job 42:11

Baroh ki hynmen ki para jong u Job, kynthei bad shynrang, bad ki paralok barim jong u, ki la wan jngoh ïa u bad ïabam sngewbha bad u ha ka ïing jong u. Ki la pynpaw ïa ka jingsngewlem jong ki bad ki pyngtngen ïa u namar ki jingjynjar baroh ba U Trai u la wallam halor jong u. Uwei pa uwei na ki u la ai katto katne ka pisa bad ka sati ksiar.

Ka Kitab U Job 42:8

Mynta shim hynñiew tylli ki masi lyngraw bad hynñiew tylli ki langbrot shynrang bad leit sha u Job bad ai ïa ki kum ka jingkñia na ka bynta ïa lade. U Job un duwai na ka bynta jong me, bad ngan jubab ïa ka jingduwai jong u bad ngan ym pynjahburom ïa me kumba ka dei hok ïa me. Mem shym la kren ïa ka jingshisha shaphang jong nga kumba u la leh.”

EKSODOS 18:13

Ha ka sngi kaba bud, u Moses u dang pynbeit ïa ki jingïakajia hapdeng u paidbah, bad kumta u la bunkam naduh mynstep haduh ban da miet.

EKSODOS 2:16

Ha kawei ka sngi, katba u Moses u dang shongthait harud kawei ka pukri, hynñiew ngut ki khun kynthei jong u Jethro, u lyngdoh ka Midian, ki ïawan tong um ban pyndap ïa ki shyngoid ba kin ïoh ai um ïa ki langbrot bad ki blang jong u kpa jong ki.

EKSODOS 2:20

“Ha-ei u don?” u kylli ïa la ki khun. “Balei phi shu ieh ïa uta u briew? Khie leit khot ïa u ban ïabam bad ngi.”

EKSODOS 20:24

Tei ïa nga kawei ka duwan da ka khyndew, bad kñia ïa ki langbrot bad ki masi jong phi halor jong ka kum ki jingainguh thang bad ki jingainguh ïasyllok. Ha man la ka jaka ba nga pynkyrpang ba phin mane ïa nga, ngan wan bad kyrkhu ïa phi.

EKSODOS 24:11

U Blei um shym pynmynsaw ïa kine ki rangbah bapawkhmat jong ki Israel; ki la ïohi ïa U Blei, bad hadien kata ki la ïabam bad ïadih.

EKSODOS 24:5

Nangta u la phah ïa ki samla shynrang bad ki la thang ïa ki jingkñia sha U Trai bad ki la kñia katto katne tylli ki jingri kum ki jingainguh jingïasyllok.

EKSODOS 3:1

Ha kawei ka sngi katba u Moses u dang ap ïa ka kynhun langbrot jong u Jethro, u kthaw kurim jong u, u lyngdoh ka Midian, u ïalam ïa kata ka kynhun lyngba ka ri shyiap, bad u wan poi ha Sinai, u lum uba khuid.

EKSODOS 33:7

Man ka por ba ki Israel ki sher dara, u Moses u shim ïa ka Ïingjaiñ bakyntang bad u pynïeng ïa ka kham ha pajih na kata ka jaka sher dara. La khot ïa ka, ka Ïingjaiñ ka Jingdon Ryngkat U Trai, bad uno uno uba kwah ban ïasyllok bad U Trai u ju leit sha ka.

DANIEL 10:3

Ngam shym bam ïa kano kano ka jingbam bang lane kano kano ka doh, lane dih ïa kano kano ka waiñ, lane sad ïa u shñiuh jong nga tad haduh ba ki lai taïew ki la leit noh.

JINGKHEIÑ 10:29

U Moses u ong ha u kynum jong u, u Hobab u khun jong u Jethro, u nong Midian, “Ngi te ngi la khreh ban mihnoh sha kata ka jaka ïa kaba U Trai u la ong ban ai ha ngi. U la kular ban pynmanbha ïa ki Israel, te kumta ale wan bad ngi, bad ngin ïabynta lem ïa ka jingmanbha jong ngi lem bad phi.”

LOUKAS 14:1

Ha kawei ka sngi Sabbaton, U Jisu u la leit ban bam ha ka ïing jong uwei na ki Pharisi kiba kham pawkhmat; bad ki briew ki la khmih bha ïa U Jisu.

LOUKAS 14:15

Haba uwei na ki rangbah kiba ïashong bam u la ïohsngew ïa kane, u la ong ha U Jisu, “A katno kiba kmen long kito kiba shong ha ka jingkhawai ha ka Hima U Blei!”

1 KORINTH 10:18

To pyrkhat ïa ki paid Israel; kito kiba bam ïa kaei kaba la kñia ki ïoh bynta ha ka jingshakri ha ka duwan sha U Blei.

1 KORINTH 10:21

Phim lah ban dih na ka khuri U Trai bad ruh na ka khuri ki ksuid; phim lah ban ïabam na ka miej U Trai bad ruh na ka miej ki ksuid.

1 KORINTH 10:31

Kumta, ha kaei kaei kaba phi leh, ha kaba bam ne ha kaba dih, to leh phi ïa kiei kiei baroh na ka bynta ka burom U Blei.

DEUTERONOMI 12:7

Hangta ha khmat U Trai U Blei jong phi, uba la kyrkhu ïa phi, ma phi bad ki ba-ha-ïing ha-sem jong phi phin ïabam bad ïalehkmen ha kiei kiei kiba bha kiba phi la trei shitom.

DEUTERONOMI 27:7

hangta ruh kñia bad bam ïa ki jingainguh ïasyllok, bad lehkmen ha khmat U Trai U Blei jong phi.